Isaias 27:1 - Manobo Western Bukidnon OT

¹ Dutun he timpu, egemiten te Nengazen is meǥarang wey mekeǥeǥehem he ispada zin te kedhimatey te Leviatan, kes edlayewlayew he langgam diyà te zaǥat.

Isaias 27:1 교차 참조

Job 26:13

Tenged te kedhiyup din mibmetingew is langit, ne pinaaǥi te ǥehem din midhimetayan din is edagmang he dragun.

Job 3:8

Deyzey ke rewaki haazà he kezukileman te edrawak he metau he ebpukew te dragun he egngezanan te Leviatan.

Job 40:19

Edhuna heini he egkein-inuwan kenà te zuma he menge linimbag ku, piru siak is midlimbag kayi egkezaag ku heini.

Job 41:1

“Job, egkevunuwit nu ve is dragun he Leviatan? Egkehiketan nu ve is bèbè din te pisì?

Salmo 104:26

Ebiyahi kayi is menge varku he ebpemenlikùlikù, ne is dragun he Leviatan he linimbag nu ne ed-en-enunung kayi te zaǥat.

Salmo 45:3

Inseluniket nu is ispada nu, mevurut he hadì; mekeǥeǥehem ka wey meupiya is dengeg nu.

Isaias 26:21

Su edhendini en sikandin puun te ubpeey zin su edsilutan din is menge meǥinged kayi te kelibutan tenged te menge salè dan. Ibpeǥawaǥawe en diyà te tanà is menge etew he mibpenhimetayan; ne kenè din en heini id-eles.

Isaias 51:9

Sigi en Nengazen, tevangi key en. Gemita nu is gehem nu te kedlibri kenami. Tevangi key iring te mibeelan nu zengan. Kenè be iyan ka midtadtad te dragun he si Rahab?

Isaias 65:12

Is ukur niw ne iyan is kemetayen, ne egkeamin kew ebpematey, su hein nengumew a ne wazè kew medtavak, ne hein migkaǥi a ne wazè kew mebpemineg. Mibaal kew te mezaat diyà te etuvangan ku, ne ke hengkey is kenè ku egkesuatan, ne iyan ebeelan niw.

Isaias 65:25

Ebpetuǥenà te kegkaan is dumezaas he menge asu wey menge kerehidu. Is menge erimaung ebpenabtab te reǥami iring te menge vaka. Ne is menge uled kenè en ebpemengaǥat. Wazè en ebpesipala etawa edezaat te segradu he vuvungan ku. Iyan a, is Nengazen, is migkaǥi kayi.”

Isaias 66:16

Su edsilutan din pinaaǥi te hapuy wey ispada zin, is langun he mekesesalà he menge etew, ne mahabet is egkepatey zin.

Jeremias 47:6

Mid-insè kew ke keenu a ed-engked he edsilut keniyu pinaaǥi te ispada ku? Migkeǥiyan a keniyu te iǥumè ku en heini ne vey-ani ku en sikiyu.

Jeremias 51:13

He Babilonia, utew ka mid-uzar te wahig wey mahabet is ketiǥeyunan nu. Piru neume en is kepengkusan nu; neume en is timpu te kegkezeeti nu.

Jeremias 51:34

Migkaǥi is menge tig-Jerusalem te, “Si Hadì Nebucadnezar he hadì te Babilonia iring te deragun he mid-eveleng kenami. Midhantey zin is getek din te menge ketiǥeyunan dey. Mid-ewaan din is inged dey he wazè din midsamà neiring heini te umuy he wazè din taǥù. Midsegseg key zin ne nekedsusuwey key. Berakat he veeli zaan diyà te Babilonia is mibeelan dan diyà te kenami wey te menge anak dey. Berakat he sukuta ziyà te menge meǥinged diyà te Babilonia is subra he kebpesipelahi zan kenami.”

Ezekiel 29:3

Keǥiyi nu sikandin he iyan a is Nengazen he MEGBEVAYÀ migkaǥi te: Kuntada ku sikew, Faraon he hadì te Ehipto. Neiring ka te zekelà he vuaya he ed-ubpà diyà te menge wahig diyan te Ehipto. Migkaǥi ka te kenikew is Wahig he Nilo, ne mibeelan nu heini para mismu kenikew.

Amos 9:3

Minsan med-eles pa sikandan diyà te puntur te Buntud he Carmel, ebpen-ahaan ku sikandan dutun ne edekepen ku. Minsan med-eles pa sikandan diyà te zizalem te zaǥat, ne ibpehendutun ku is uled te kegkaǥat kandan.