Isaias 26:7 - Manobo Western Bukidnon OT

⁷ “Patag is dalan te menge metazeng, ne iyan ka is Metazeng he Megbevayà, mibpekeupiya kayi.

Isaias 26:7 교차 참조

1 Cronica 29:17

He Megbevayè ku, netuenan ku he iyan ka edsusi te menge ǥehinawa zey, ne igkelipey nu ke egkeehè nu he metazeng heini. Umbe tutuu wey ebpuun te keputian te atey is kebeǥaya ku kayi he menge vutang. Wey minsan is menge keet-etawan nu he kayi ǥuntaan ne neehè ku he mibeǥey zan daan te ebpuun te keputian te atey zan. Umbe utew a nelipey.

Job 31:6

ne zeyzey ke edhukuman a te Megbevayà. Su egketuenan din emun ebpekesalà a.

Salmo 1:6

Su egiyahan te Nengazen is menge metazeng, piru is menge ulaula te menge lalung iyan ed-uwit kandan diyà te kezeetan.

Salmo 11:4

Diyà is Nengazen ed ubpà te segradu he valey zin; diyà te langit is pinuuwè din te kedhadì. Ed-ahaan din wey edsusiyen din is langun he menge etew.

Salmo 11:7

Su metazeng is Nengazen ne iyan igkelipey zin is metazeng he menge vaal. Umbe, is etew he edtinazeng ebpekeuvey ziyà te etuvangan din.

Salmo 25:4

Penurua a, Nengazen, te menge paaǥi nu.

Salmo 25:5

Penurua a te paaǥi para kenà a mekesuwey te tutuu, su iyan ka Megbevayà he menluluwas ku. Layun a edsarig kenikew.

Salmo 27:11

Impenurù nu kedì is kenikew he menge paaǥi. Ne ziyà a kenikew ipeikul te hustu he zalan, su zuen ku menge kuntada.

Salmo 5:9

Kenà egkeseriǥan is lalag te menge kuntada ku, su iyan dà tuyù dan is kedezaat te zuma he etew. Is menge lalag dan igkepetug-iring te neebriyan he leveng he edsengew is kemahù din. Is menge egkeǥiyen dan ne pudu limbung.

Erubasa 11:5

Is ketazeng te etew he wazà duen igkesewayi, iyan ebpekepelemu te ked-ubpè din, ne is mezaat he ulaula te etew ne iyan ebpekezezaat kandin.

Erubasa 20:7

Is etew he metazeng kenà egkesewayan is menge ulaula zin. Deyzey is menge anak te etew he metazeng su ketazeng is egkelingehè dan.

Erubasa 21:8

Kenà metandang is betasan te mekesesalà, ne metandang mulà is ulaula te kenà mekesesalà.

Erubasa 3:6

Minsan hengkey is ed-ul-ulahan nu ne isipa nu is Nengazen, ne iyan sikandin metau wey nu iyan meikul is metandang he zalan.

Erubasa 4:18

Is kebpengungubpaan te menge etew he metazeng ne igkepetug-iring te aney en he kedsilà te andew ke egkepawà he ebmerayag taman te meudtu.

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 35:8

Ebeelan dutun te disirtu is meluag he kersada, ne egngezanan heini te “Segradu he Zalan.” Wazà mekesesalà wey tulebung he ebpekeikul zutun. Su para zà haazà te menge etew he edsunud te menge paaǥi te Megbevayà.

Isaias 42:16

Ed-eǥaken ku is lakap he menge etew ku pehendiyà te ketutuanan, diyà te zalan he wazè dan pa zuen hanew wey wazè dan pa meikul. Is kerusireman diyà te veyeey zan edhimuwen ku he kerayag, ne ebpetaǥen ku is menge ebpemukbuketur he menge lugar ziyà te edhipenawan dan. Ebeelan ku heini, ne kenè ku sikandan idselikwey.

Isaias 52:12

Piru kayi he timpu kenè en kinahanglan he edegdeǥusu kew te ked-awà he iring te ebpelaǥuy kew su ebpetelihuna is Nengazen keniyu. Is Megbevayà te Israel iyan ebpengalang keniyu.

Isaias 57:2

Emun ebpatey is etew he metazeng, ebpekehimeley en sikandin wey ebmelinawen en.

Jeremias 10:23

He Nengazen, netuenan ku he is untung te etew ne kenè kandin. Kenè din egkeveyveyaan is ebpekeuma he menge hitavù.

Hoseas 14:9

Berakat he is duen din kedsavut keniyu metueni zin wey mesavut din is menge ingkesurat kayi. Utew hustu is menge paaǥi te Nengazen ne ed-ikulen heini te menge metazeng, piru igkeseligkat mulà heini te menge merepasen.

Zefanias 3:5

Piru zutun gihapun is Nengazen te inged dan. Mibeelan te Nengazen is hustu ne wazà sikandin mebaal te kenà hustu. Kada andew ibpeehè din ke hengkey is hustu, ne wazè din heini engkezi te ebaal. Piru heini is lalung he menge etew mibpedayun gihapun te kebaal te mezaat ne wazà sikandan meeled.