Isaias 26:16 - Manobo Western Bukidnon OT

¹⁶ Nengazen, mibmansu nu is menge etew nu, ne tenged te kedlised dan midangep dan wey mibpengumew-umew kenikew.

Isaias 26:16 교차 참조

Salmo 142:2

Idtug-an ku kenikew is menge riklamu ku wey is menge kelised ku.

Salmo 27:8

Neǥezam ku kayi te ǥehinawa ku he ibpezangep a kenikew ziyan te kenikew, umbe kenà duwazuwa is kedangep ku ziyan te kenikew, Nengazen.

Salmo 42:4

Kenà meupiya is isip ku emun egketenuzan ku he zutun te nehuna he timpu iyan a nengulu te mezakel he menge etew te kedhendiyà te valey nu. Ne edsilibra key zuma is ked-ugyab te kegkelipey wey kebpeselamat kenikew.

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 77:3

Emun ebpurungan ku egngunngunua is Megbevayà egkesuǥey a ne egkaawà is perateng ku.

Salmo 78:34

Ne hein mibpenhimetayan din is duma kandan, ne is duma zuen te nengesamà, midsendit dan ne midangep dan diyà te kandin ne zekelà is suat dan te tavang din.

Salmo 91:15

Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

Isaias 37:3

Ne hein nekeuma zan diyà te ki Isaias, migkaǥi sikandan diyà te kandin te, “Iyan heini egkeǥiyen ni Hezekia: ‘Menge andew heini te zekelà he samuk! Edsilutan kiw wey ebpeel-elezan. Iring kiw te vahi he ed-anak he wazè din en desen te ked-ineǥed para ilusad is anak din.’

Jeremias 2:27

Egkeǥiyen niw he kayu is amey niw ne vatu is iney niw. Mid-iniyuǥan a keniyu, piru emun edlised kew, ebuyù kew te tavang kayi te kediey.

Jeremias 22:23

Sikiyu is ebpemen-ubpà diyà te turuǥan he mibeelan pinaaǥi te menge kayu he sidru he ebpuun diyà te Lebanon, ebpekezag-es kew emun egkeumahan kew en te kemeresayan, iring te kedag-es te vahi he ebeliliten.

Jeremias 29:12

Ne edsampit kew wey ebpengemuyù kayi te kedì, ne zutun ebpemineǥen ku sikiyu.

Penhulùhulù 2:19

Enew kew ke mezukilem ne buyù kew te tavang diyà te Nengazen. Ivuswang niw ziyà te kandin is langun he ziyà te gehinawa niw he iring te ebusbus kew te wahig. Ivayew niw is menge velad niw te kedhangyù para te untung te menge anak niw he egkengevidtawan diyà te menge zalan tenged te kegkevitil.

Hoseas 5:15

Ne kegkepasad dutun edlikù a ziyà te lugar ku, taman te ed-engkenen dan is menge salè dan. Ne edangep dan kayi te kedì tenged te kegkerasey zan.”

Hoseas 7:14

Kenà tinutuuwà is ked-umawa zan kediey. Dutun te edsineǥew zan diyà te menge hizeǥaan dan is ebuyù diyà te zuma he menge ed-ezapen dan te trigu wey vinu, ebpelian dan is lawa zan. Mibpekeziyù sikandan kayi te kediey.

Numero 21:7

Midhendiyà is menge etew te ki Moises ne ke sikandan te, “Nekesalè key su mezaat is menge lalag dey mehitenged te Nengazen wey kenikew. Iampù nu te Nengazen he iawè din diyà te kenami heini is menge uled.” Umbe mid-ampù si Moises para te menge etew.

Zatù 10:15

Piru migkeǥiyan dan is Nengazen te, “Nekesalè key ziyà te kenikew umbe veeli nu kayi te kenami is egkesuatan nu. Piru kehizuwi key, ne libriya key ǥuntaan.”

1 Samuel 1:15

Migkaǥi si Hana te, “Kenà a egkelangut, datù, wey wazà a keenu mekeinum te ebpekelangut he inumen. Egkeǥiyen ku zà diyà te Nengazen is utew mereǥen he egkeǥezam ku.