Isaias 26:12 - Manobo Western Bukidnon OT

¹² “Nengazen, beǥayi key te meupiya he kebpkesavuk. Su is langun he nehimu zey nehimu zey tenged te tavang nu.

Isaias 26:12 교차 참조

Salmo 29:11

Edlig-enan te Nengazen is menge etew zin, ne ebeǥayan din sikandan te meupiya he kebpekesavuk.

Salmo 57:2

Ed-umew a ziyà te kenikew te Utew Lavew he Megbevayà, iyan ka edtuman te mibpeleyaǥan nu kediey.

Salmo 57:3

Puun te langit ebpekeuma is tavang nu te kedlibri kediey. Ebpeel-elezan nu is menge etew he edsurung kediey. Ibpeehè nu is gaǥew nu wey kebmetinumanen nu para kediey.

Salmo 68:28

He Megbevayà, ipeehè nu is gehem nu iring te mibeelan nu ziyà te kenami zengan.

Salmo 90:17

Nengazen he Megbevayè dey, berakat he edtuvazan key kenikew, wey ebeǥayan key kenikew te kelempusan te langun he ebeelan dey.

Isaias 26:3

“Ebeǥayan nu, Nengazen te kelinew he wazè din kurang is etew he iyan ka zekelà diyà te isip din, su midsarig sikandin kenikew.

Isaias 27:5

Piru egkelibri sikandin emun ebpekid-emiǥu sikandin kediey, ne edhangyù he pengelangi ku.

Isaias 29:23

Su emun egkeehè dan is menge vaal ku para kandan, ne edtehuzen e zan is Waǥas he Megbevayà ni Jacob, ne egkilelaan dan is kegkewaǥas ku. Igkahandek e zan is Megbevayà te Israel.

Isaias 32:18

Sikiyu is menge etew te Megbevayà, ebpekeubpè kew ziyà te melinawen he menge ubpeey, he meziyù te vangkit, ne wazà edsamuk keniyu.

Isaias 57:10

Minsan egkeveley kew en he ebpen-ahà te menge ed-ezapen, wazà gihapun maawà is perateng niw he ebpeketuredu kew. Edlig-enan niw is keugelingen niw, umbe wazè kew luyahi.

Isaias 57:19

Ne zutun ebpekezalig dan kedì. Ebeǥayan ku sikandan te meupiya he kebpekesavuk, ke ziyè dan man te meziyù etawa ziyè dà te uvey. Ebewian ku sikandan wey zan meulii. Iyan a, is Nengazen, is migkaǥi kayi.

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Jeremias 33:6

“Piru egkeuma is timpu he ebpurungan ku heini he inged wey is menge meǥinged kayi. Ne ebpekepengungubpaan sikandan he meuswaǥen wey melinawen.

Ezekiel 20:14

Piru wazè ku heini leusa te ebaal su egkepeel-elezan a ziyà te menge nasyun he zutun netuenan he impeǥawas ku is menge Israilihanen puun te Ehipto.

Ezekiel 20:22

Piru wazè ku heini leusa te ebaal su egkepeel-elezan a ziyà te menge nasyun he zutun netuenan he impeǥawas ku is menge Israilihanen puun te Ehipto.

Ezekiel 20:9

Piru wazè ku heini himuwa, su midlevanan ku is dengeg ku su wey a kenà mependezeisey te menge etew ziyà te menge nasyun he nekeelingkus te Israel su netuenan dan he impahayag ku ziyà te menge Israilihanen he ibpeǥawas ku sikandan puun te Ehipto.

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Numero 6:26

Berakat he purungi kew te Nengazen ne veǥayi kew zin te meupiya he kebpekesavuk.’

Deuteronomio 30:6

Ebeǥuwen te Nengazen he Megbevayè niw is menge ǥehinawa niw wey is menge ǥehinawa te menge kevuwazan niw su para mahala niw sikandin te ebpuun diyà te tivuuk he ǥehinawa niw wey kedsavut niw, ne egkembuwayan kew.