Isaias 26:1 - Manobo Western Bukidnon OT

¹ Dutun he timpu, heini he kanta egkentahan diyà te Juda: “Melig-en en is inged tew. Is kedlibriya kenitew te Megbevayà ne iring te melig-en he verengbeng he nekeliǥuy kenitew.

Isaias 26:1 교차 참조

Ezra 3:11

Dutun midalig dan wey mibpeselematan is Nengazen; migkanta zan he edhenduen te, “Meupiya iyan is Nengazen, su is kebmahala zin te Israel ne wazà pidtemanan.” Ne ingkulahì te mezaǥing te langun he menge etew zutun is kedeliǥa zan te Nengazen su ǥeina te nepasad en is pundasyun duen te valey te Nengazen.

Salmo 31:21

Nengazen, ereg ka he edeliǥen! Su egkein-inuwan is paaǥi te kebpaahaa nu te ǥaǥew nu kedì hein diyà a te sevaha he inged he midlingutan te menge kuntada.

Salmo 48:12

Menge tig-Israel, liǥuya niw is Zion ne vilanga niw is menge turi kayi.

Salmo 48:4

Midtigum is menge hadì su edsurungen dan is Jerusalem.

Isaias 12:1

Emun egkeume en haazà he andew megkanta kew te: “Nengazen, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Isaias 14:31

Lelendag kew is menge meǥinged diyà te menge inged he sakup te Filistia. Su zuen edsurung keniyu he iring te evel he ebpuun diyà te zizaya ne pudu sikandan memevurut.

Isaias 2:11

Egkeuma is andew he iyan dà is Nengazen edeliǥen. Ibpekevavè din is ked-etew te menge hembugiru wey menge mepelevawen.

Isaias 2:20

Dutun he andew, is menge ed-ezapen he menge pelata wey menge vulawan he mibeelan dan su ed-ezapen dan, ibpenimbag dan diyà te menge rumat wey menge kaveg.

Isaias 25:9

Emun egkeulaula en heini, egkaǥi is menge etew te: “Iyan sikandin Megbevayè tew! Midsarig kiw kandin, ne midlibri kiw zin. Iyan sikandin Nengazen he midseriǥan tew. Edlipey kiw wey edlipeylipey su midlibri kiw zin.”

Isaias 31:5

Iyan a, Nengazen he Mekeǥeǥehem, iyan a ebantey te Jerusalem he iring te tagbis he ebantey te salag din. Edipinsahan ku wey edlibriyen ku heini.”

Isaias 31:9

Ebpemelaǥuy is menge sundaru zan tenged te utew zan kegkahandek ne ebpekedsusuwey is menge upisyal zan emun egkeehè dan is bendirà te menge kuntada zan. Iyan heini migkaǥi te Nengazen, he egkeregreg is hapuy zin diyà te Zion, kes inged he Jerusalem.

Isaias 33:5

Is Nengazen, lavew te langun! Su ziyà sikandin ed-ubpà te langit. Kenè din id-awà diyà te Jerusalem is hustu he kukuman wey ketazeng.

Isaias 33:6

Edlig-enan kew zin dutun te keniyu he timpu. Layun kew zin edlibriya wey ebeǥayan kew zin te ketau wey keuluwanen. Is mahal he ketiǥeyunan niw iyan is kedtehuza niw te Nengazen.

Isaias 4:2

Egkeuma is timpu he ibpeuswag wey ibpemekempet te Nengazen is menge pinemula ziyà te Israel, ne is menge sebpet dutun te tanà, egkehimu he zengeg wey kelipey te egkesamà he menge etew ziyà te Israel.

Isaias 5:1

Egkanta a mehitenged te minahal ku, mehitenged te pemuleey zin te paras: Duen pemuleey te paras te minahal ku ziyà te vuvungan he meupiya is tanà duen.

Isaias 56:5

Edtuǥutan ku sikandan te kedseled diyà te valey ku ne ebeǥayan ku sikandan te zengeg he lavew pa te zengeg he egkezawat dan emun duen dan menge anak. Kenà sikandan egkelipatan te menge etew te taman te taman.

Isaias 60:18

Wazè en kebpenlupiglupig he egkehitavù diyà te tanè nu. Wazè en kezeetan he ebpekeuma ziyà te kenikew. Ebpekeliǥuy kenikew is kelibriyanan he iring te menge verengbeng, ne edalig kedì is edseled diyà te menge pultahan nu.

Isaias 62:10

Sikiyu is menge etew ziyà te Jerusalem, gawas kew ziyà te menge pultahan keniyan te inged niw, ne endama niw is egkeveyaan te zuma pa he menge zuma niw. Hiǥewani niw heini; iawè niw is menge vatu, ne ipekayabkayab niw is bendirà he iyan ebpetuus te menge etew ziyà te menge nasyun he ibpelikù en te Nengazen is menge etew zin.

Isaias 62:11

Pemineg kew! Mibpeuwit is Nengazen kayi he menge lalag diyà te tivuuk he kelibutan: “Kegiyi niw is menge meǥinged diyà te Zion he ebpekeume en is Menluluwas dan, ne zuen din uwiten he suhul.

Jeremias 33:11

is kedlipey wey keguǥusà. Egkezineg is kebpeeyuwà te beuǥu, wey is kedlipey te ebpemen-uwit te menge pemuhat diyà te valey te Nengazen he para te kebpeselamat. Egkaǥi zan te, ‘Ebpeselamat kiw te Nengazen he Mekeǥeǥehem, su meupiya sikandin. Wazà pidtemanan te ǥaǥew zin.’ Edlipey is menge etew su idlikù ku is meupiya he kebpekesavuk dan kayi he tanà iring te kebpekesavuk dan dengan. Iyan a, is Nengazen, is migkaǥi kayi.”

Ezekiel 40:5

Neehè ku is baley te Nengazen he neliǥuy te verengbeng. Ne migkuwa zuen te etew is kayu he sukud din, he sepulù he ǥiek is kelayatan din, sumalà te upisyal he sukud, ne midsukud din kes berengbeng. Sepulù he ǥiek is ketikang kayi wey is kekepal zin.

Zacarias 2:5

Su migkaǥi is Nengazen he iyan mismu sikandin egkehimu he verengbeng he hapuy he ebpekeliǥuy te inged he Jerusalem, ne iyan sikandin egkehimu he ǥehem kayi te inged.”

Zacarias 2:9

“Edsilutan ku iyan sikandan; edsurungen sikandan te menge uripen dan ne egkuwaan is menge azen dan.” Emun egkehitavù en heini egketuenan niw he iyan is Nengazen he Mekeǥeǥehem midsuǥù kedì, migkaǥi si Zacarias.

Numero 21:17

Ne zutun kentaha te menge Israilihanen heini he kentahan: “Ebpedayun ebeǥey te wahig heini he teheb! Egkanta kiw mehitenged kayi he teheb