Isaias 24:1 - Manobo Western Bukidnon OT

¹ Pemineg kew! Edezeetan te Nengazen is kelibutan taman te kenè en heini egkepulusan, ibpeyapat din is menge meǥinged kayi.

Isaias 24:1 교차 참조

2 Hadì 21:13

Edhukuman ku is Jerusalem iring te kedhukumi ku te Samaria wey te pemilya ni Hadì Ahab. Edlumpiyuwan ku is Jerusalem iring te pinggan he edterepuwan ne ibpelangkeb.

Nehemias 1:8

“Tentenuzi nu heini is nekaǥi nu ziyà te ki Moises he: ‘Ibpeyapat ku sikiyu ziyà te zuma he menge nasyun emun kenè kew ebpezumazuma kediey.

Salmo 146:9

ebentayan din is menge langyew, edtevangan din is menge ilu wey menge valu he vahi, iyan, ebengkaǥen din mulà is paaǥi te menge lalung.

Isaias 13:13

Edhuyungen ku is langit wey is kelibutan. Ebeelan ku heini zutun te andew he ibpeehè ku is utew ku kegkepauk.”

Isaias 13:5

Ebpuun sikandan diyà te utew meziyù he menge lugar. Edezeetan te Nengazen wey te menge sundaru zin is tivuuk he tanà.

Isaias 2:19

Ebpememelaǥuy is menge etew pehendiyà te menge surung diyà te kelendiǥan wey ziyà te menge vudsi te tanà su ed-elesan dan is Nengazen he egkepauk wey is utew subra he ǥehem din emun edhuyungen din en is kelibutan.

Isaias 24:19

Ebeka is tanà ne egketevì heini.

Isaias 24:20

Ebpekeziregdireg heini iring te egkelangut. Egkehuyung heini he iring te lawig he egkesuǥat te keramag. Egkeveǥatan heini tenged te salà, ne egkezeetan ne kenè en ebpekeuman ebpekeenew.

Isaias 27:10

Nevengkag en is inged he neliǥuy te verengbeng. Nehimu en heini he mekevulungbulung iring te sibsivayan, ne wazè en ed-ubpà kayi. Nehimu zà heini he penebtavà wey himelayà te menge vaka. Ed-eminen edtebtava te menge vaka is menge zahun te menge subpang.

Isaias 29:16

Menge tulebung kew! Ed-isipen niw he iring te ziniyun is mendiziyun. Ebpekekaǥi ve is bineelan diyà te mibaal zuen te, “Kenè ke iyan mibaal kedì?” Ebpekekaǥi vè is diniyun diyà te midiyun duen te, “Kenè ka metau?”

Isaias 29:2

piru edsurungen ku heini, ne ebpemekesineǥew wey ebpemenhulùhulù haazà is menge meǥinged. Ne edhimuwen ku haazà is tivuuk he inged he iring te pemuhatà he egkepenù te lengesa.

Isaias 30:32

Edsurungen din sikandan. Ne kada sikandan edlegkuta te Nengazen ne eduyuǥan haazà te zaǥing te tamburin wey alpa.

Isaias 32:12

Tebpia niw is kumeng niw tenged te kegkeseeng niw te egkehitavù te selebpeten he vevesukè niw wey pemuleey niw te paras.

Isaias 33:9

Nezeetan is tanà he Israel. Nengeǥangu is menge kayu ziyà te Lebanon, ne ke và dà etew ne neeled-eled heini. Neiring te sibsivayan is menge suǥud diyà te Sharon. Netaktak is menge zahun te menge kayu ziyà te Bashan wey Carmel.

Isaias 34:10

Ne kenà heini egkeevukan te maandew wey mezukilem. Is evel kayi edlipuwak te wazà pidtemanan. Wazè en ed-ubpà wey edsaǥad diyà te Edom taman te taman.

Isaias 34:2

Su nepeukan te Nengazen is langun he menge meǥinged diyà te menge nasyun; nepeukan din is menge sundaru zan. Umbe ebpurungan din sikandan edezeeti, ne ebpenhimetayan din sikandan is langun.

Isaias 42:15

Edtempaǥen ku is menge vuntud ne egenguwen ku is nenuvù he menge pinemula zutun. Edhimuwen ku he memaza he tanà is menge wahig he edtudà ne ebpemezahan ku is menge wahig.

Isaias 5:6

Ebpesegdanen ku en heini he pemuleey. Kenè ku en ebpenempezen is subpang etawa edterebehuwen is tanà duen. Etuvuan dà heini te menge sagbet wey duǥiyen he dezeisey he kayu. Ne egkeǥiyan ku is menge ǥapun he kenè dan heini petiǥisi te uzan.”

Jeremias 4:7

Edsurung en is ebpendezaat te menge nasyun he henduen be te erimaung he migawas puun te elesè din. Migenat en sikandin puun te inged din su edezeetan din is tanè niw. Ebengkaǥen din is menge inged niw taman te kenè en egkehimu he ed-ubpaan.

Jeremias 40:15

Ne hein neipus haazà, nekidhinguma si Johanan ki Gedalia te meeles ne ke sikandin te, “Edhimetayan ku si Ishmael te meeles. Su kenà meupiya ke ebey-anan dà sikandin is edhimatey kenikew. Su egkehimu heini he hinungdan te kebpekepeyapat wey kegkengetazin te menge Judio he nesamà kayi te Juda he midumala nu.”

Jeremias 50:17

“Is menge Israilihanen neiring te netazin he menge kerehidu he midal-as te menge erimaung. Hein aney, migkaan sikandan te hadì te Asiria, ne mid-ul-ulan is menge tulan dan te Babilonia.

Jeremias 51:34

Migkaǥi is menge tig-Jerusalem te, “Si Hadì Nebucadnezar he hadì te Babilonia iring te deragun he mid-eveleng kenami. Midhantey zin is getek din te menge ketiǥeyunan dey. Mid-ewaan din is inged dey he wazè din midsamà neiring heini te umuy he wazè din taǥù. Midsegseg key zin ne nekedsusuwey key. Berakat he veeli zaan diyà te Babilonia is mibeelan dan diyà te kenami wey te menge anak dey. Berakat he sukuta ziyà te menge meǥinged diyà te Babilonia is subra he kebpesipelahi zan kenami.”

Jeremias 9:16

Ibpeyapat ku sikandan diyà te zuma he menge nasyun he wazè dan duen hanew wey is menge kepuun dan. Ibpezal-as ku sikandan te menge kuntada zan taman te egkaamin sikandan egkepatey.”

Ezekiel 12:20

Edèdeetan is menge inged dan ne egkehimu heini he mekevulungbulung. Ne egketuenan dan dutun he iyan a kes Nengazen.”

Ezekiel 24:11

Ne iziken nu is kitang he wazè din en taǥù diyà te vaǥa taman te egkevaǥa zaan heini. Paaǥi heini te kedlumpiyuwi zuen te kitang ne egketutung is tangis din.

Ezekiel 35:14

“Umbe siak, is Nengazen he MEGBEVAYÀ, migkaǥi a he emun edhimuwen ku en he mekevulungbulung is lugar niw egkelipey is menge etew kayi te tivuuk he kelibutan,

Ezekiel 5:14

Ebengkaǥen ku is inged niw ne ebpeel-elezan ku sikiyu ziyà te menge nasyun he nekeelingkus keniyu wey te menge sumeseǥàzà kayi te inged niw.

Ezekiel 5:2

Isavuk nu is egkehuna he vahin diyà te brik he midruwingan te Jerusalem, ne vinsuli nu heini ziyà te teliwazà te inged, emun egkepasad nu en te ebpaahà is kedliǥuyi zuen te inged. Isavuk nu is senge vahin diyà te peliǥuy te inged, ne penempeza nu heini zuen te ispada nu. Is bahin he egkesamà ne isimburè nu, su ibpeyapat ku is menge etew ku pinaaǥi te ispada.

Ezekiel 6:14

Edsilutan ku sikandan minsan hendei zan ed-ubpà, ne egkehimu he mekevulungbulung is tanè dan puun te sibsivayan diyà te zivavà pehendiyà te Dibla ziyà te zizaya, ne zutun egketuenan dan he iyan a Nengazen.”

Ezekiel 6:6

Is kada inged niw ne edezeetan. Egkengerupet is menge simbahan niw ziyà te metikang he menge lugar, menge ed-ezapen, menge pemuhatà, ragkes is menge pemuhatà he edtutungan te menge veyewà, wey is duma pa he iring kayi te menge vineelan niw.

Ezekiel 7:12

Uya, hapit en is timpu te kedsilut. Kenè en ereg he egkelipey is ebpememasa tenged te nekahangyù dan, wey kenè en ereg he egkeseeng is ebpemelegyà tenged te neǥansi sikandan, su is pauk ku egkeǥezaman te langun.

Ezekiel 7:14

Minsan ibpezaǥing dan pa is trumpita su wey mekepengandam is langun te kebpekidtebek, ne wazà eduma ziyà te edtebekan, su is langun ebpekesaǥad te pauk ku.

Nahum 1:5

Diyà te etuvangan din egkehuyung is kelibutan, ragkes is menge vuvungan, wey ragkes he egkerkeren is menge etew kayi te kelibutan.

Nahum 2:10

Egkezeetan, egkeǥevà, egkevengkag en is Nineve! Umbe egkulbaan en is menge meǥinged kayi; egkerkeren is tivuuk he lawa zan, egkerkeren is menge vuel zan, ne ebmemeluntak sikandan.

Deuteronomio 28:64

“Ibpeyapat kew te Nengazen diyà te langun he menge nasyun kayi te kelibutan, puun te kinekilizan pehendiyà te kinekilizan. Ne zutun he menge nasyun ed-azap kew te zuma he menge ed-ezapen he vineelan he ebpuun te kayu wey vatu, he wazà hanew niw zuen wey te menge kepuun niw.

Deuteronomio 32:26

Migkaǥi a te ibpedsusuwey ku sikandan taman te kenè en sikandan egketenuzan kayi te kelibutan.

Deuteronomio 4:27

Idsawed kew te Nengazen diyà te zuma he menge nasyun, ne zeisey zà is egkesamà keniyu ziyà te menge nasyun he edtimbaǥan keniyu te Nengazen.