Isaias 21:1 - Manobo Western Bukidnon OT

¹ Heini he menge lalag ne mehitenged te Babilonia: Edsurung is menge kuntada he iring te eribpures he edeǥurus pehendiyà te Negev. Ebpuun heini ziyà te sibsivayan, he ziyà te mekahandekhandek he tanà.

Isaias 21:1 교차 참조

Job 37:9

Is bagyu wey is meǥenew he keramag ne ziyà ebpuun te midteǥuan duen.

Isaias 13:1

Iyan heini lalag he mehitenged te Babilonia he impehayag te Nengazen diyà te ki Isaias he anak ni Amoz:

Isaias 13:13

Edhuyungen ku is langit wey is kelibutan. Ebeelan ku heini zutun te andew he ibpeehè ku is utew ku kegkepauk.”

Isaias 14:1

Benar iyan, egkehizuwan te Nengazen is menge tig-Israel ne ed-umanan din sikandan ebpilia he menge etew zin. Ne ibpeuman din sikandan ibpeubpà diyà te keugelingen dan he tanà, ne zuen menge lumelengyawà he ed-ubpà duma kandan.

Isaias 14:14

Ebpemenahik a ziyà te zivavew te menge ǥapun; ne edrepeng a te Utew Lavew he Megbevayà.’

Isaias 14:23

Edhimuwen ku heini he sibsivayan he mahabet is menge linew zuen. Edezeetan ku heini, ne is kedezeeti ku kayi, iring te ebpeyupasen ku is menge meǥinged kayi. Iyan a, is Nengazen he Mekeǥeǥehem, migkaǥi kayi.”

Isaias 17:1

Heini he menge lalag mehitenged te Damascus: “Pemineg kew! Kenè en maan inged is Damascus su egkevengkag heini.

Isaias 47:1

Migkaǥi is Nengazen te, “Pinuu ka ziyà te tanà, Babilonia. Pinuu ka he wazè nu pinuuwà te kedhadì. Sikew is iring te vahi he wazè pa mehileveti kenè ke en edtewaǥen he mezagwey etawa meredtan.

Isaias 5:28

Merewidit is basut te menge panè dan ne naandam en is menge panè dan. Is sulu te menge kudè dan iring te utew mezesen he vatu, henduen be te eribpures is kegketileng te ligid te menge kerwahi zan.

Jeremias 51:1

Elin heini migkaǥi te Nengazen bahin te Babilonia: “Ibpesurung ku te ebpendezaat is Babilonia.

Jeremias 51:42

Egkelapew te zezekelà wey edeǥurus he menge vaǥel is Babilonia.

Jeremias 51:51

Ke sikiyu te, ‘Neeled key. Mid-insultuwan key wey mibpeel-elezan geina te midremerikan is baley te Nengazen te kenà menge Israilihanen.’

Ezekiel 1:4

Dutun te kedtengteng ku, neehè ku is bagyu he ebpuun diyà te zizaya. Mekepal heini he kivel he egkezumahan te kenà egkeengked he kegkilat he edsiǥa he henduen be te ed-ilak-ilak he mital.

Ezekiel 30:11

Ibpezezeetan ku is Ehipto ki Nebucadnezar wey te menge sundaru zin he edlavew he mesipala kenà te zuma he mesipala he menge sundaru ziyà te menge nasyun, ne ebpekepeyapat is ebpematey ziyà te minsan hendei.

Ezekiel 31:12

ebpilayen sikandin te kinemepesipelahan te langun he menge nasyun wey ebey-anan en. Ne ebpekepeyapat is egkengevadtì he menge subpang din diyà te menge vuvungan, menge suǥud, wey menge beyeey te wahig. Ed-awà diyà te kandin is menge etew ziyà te menge nasyun he midhelung diyà te kandin.

Ezekiel 38:9

Sikew wey is menge sundaru nu, wey is menge zuma nu he ebpuun diyà te menge nasyun, edsurung kew ziyà te Israel he henduen be te vagyu, ne edliǥuyan niw heini he iring kew te ǥapun he edtambun kayi.”

Daniel 11:40

“Emun egkeume en is ketepusan, ebpekidtebek is hadì diyà te zivavà te hadì diyà te zizaya. Piru edtebeken sikandin duen te hadì diyà te zizaya duma is ebpemen-untud te kerwahi wey pereuntud te kudà wey te mahabet he menge varku. Heini sikandin, iring te zalem he edsurung te menge nasyun, ne ebpendezeetan din sikandan.

Zacarias 9:14

Ne ebpaahà is Nengazen diyà te zivavew zan. Ne egkivelat is besut te panè din iring te kilat. Ne ibpezaǥing te Nengazen he MEGBEVAYÀ is trumpita; ne ebpekeuma sikandin duma te vagyu he ebpuun diyà te zivavà.