Isaias 2:6 - Manobo Western Bukidnon OT

⁶ Tutuu iyan he inselikwey nu, Nengazen, is menge etew nu, kes menge kevuwazan ni Jacob, su midtuu sikandan te menge tuluuwen he ebpuun diyà te edsilaan wey te menge menenagnà iring te menge Filistihanen. Mid-iringan dan is menge vetasan te menge lumelengyawà.

Isaias 2:6 교차 참조

2 Hadì 1:2

Ne sevaha he andew, neulug si Hadì Ahazia ziyà te rihas-rihas puun diyà te zivavew he endana te turuǥan din diyà te Samaria, ne nepurung sikandin meruuǥi. Tenged dutun duen menge etew he midsuǥù din he ibpehendiyà te simbahan he zutun ed-ezapa si Baal Zebub, he ed-ezapen diyà te Ekron, su wey zan mekeinsa ke egkeulian ded be sikandin.

2 Hadì 17:20

Umbe inselikwey te Nengazen is langun he menge etew ziyà te Israel. Midsilutan din sikandan pinaaǥi te kebeǥaya zin kandan diyà te menge midsurung kandan taman te impaawè din sikandan puun te lugar zan ne nekepekeziyù sikandan kandin.

1 Cronica 10:13

Minatey si Saul tenged te kenè din kebpezumazuma te Nengazen. Wazè din tumana is suǥù kandin te Nengazen, wey midangep sikandin te menge etew he edsarig te menge mulin-ulin.

2 Cronica 15:2

Ne mibpekid-ahà sikandin ki Asa ne migkeǥiyan din te, “Pemineǥa a keniyu Hadì Asa, wey sikiyu is langun he tig-Juda wey tig-Benjamin. Is Nengazen ne kenà edsuwey keniyu emun kenè kew edsuwey kandin. Emun edangep kew kandin ne egkeehè niw is keupiya zin. Piru ke ed-iniyuǥan niw sikandin, ne ed-iniyuǥan kew zin daan.

2 Cronica 24:20

Ne midumala te Mulin-ulin te Megbevayà si Zacarias he anak ni Jehoyada he memumuhat. Midhitindeg sikandin diyà te etuvangan te menge etew he egkaǥi te, “Iyan heini lalag te Megbevayà: Maan is wazè niw tumana is menge suǥù te Nengazen? Wazè niw en ed-iseǥan. Su mid-iniyuǥan niw is Nengazen, ne ed-iniyuǥan kew zin daan.”

Nehemias 13:23

Dutun daan he andew, netuenan ku he zuen menge tig-Juda he nengesawa te menge vahi he menge tig-Ashdod, tig-Amon, wey menge tig-Moab.

Salmo 106:35

Nekidsevaha pa ganì sikandan te menge tig-Canaan, ne mid-iring dan te vetasan kayi he menge etew.

Exodus 22:18

“Himetayi niw is minsan hentei he veyilan.

Exodus 34:16

Ne egkehimu zaan he ebpemengesawa ziyà te kandan is menge anak niw he maama, ne tenged dutun egkehimu he ed-azap dan te menge ed-ezapen dutun te menge etew.

Erubasa 6:1

Mama, emun nenangdù ka he iyan ka ebayad te utang te sengeeetew wey mibpesarig ka he iyan ka ebpenavak te televaken te zuma,

Isaias 14:29

Sikiyu is menge Filistihanen, kenè kew lipey tenged te kebpatey zuen te hadì he midsurung keniyu. Su is anak din he ebpekeilis kandin edhuna pa he ebpekezezaat kenà sikandin, iring sikandin te uled he minatey he nekaanak te edlayang he uled he edhuna pa he edhereg.

Isaias 8:19

Emun duen egkaǥi keniyu he penginginsè kew te menge minatey pinaaǥi te menge veyilan wey menge etew he edsarig te menge mulin-ulin, ne kenè niw haazà beeli. Insè kew ziyà te Megbevayè niw. Heeyan sikandan ebekèbekè dà is bèbè dan. Ne maan is ed-insè kew ziyà te menge minatey te para te menge uuyag?

Jeremias 10:2

Migkaǥi sikandin te, “Kenè niw iringi is baal te menge etew ziyà te zuma he menge nasyun, ne kenè kew mahandek te menge tuus diyà te langit minsan pa te igkehandek heini te ziyà te zuma he menge nasyun.

Jeremias 12:7

“Inselikwey ku is menge etew ku he iyan is nasyun he migaked ku. Imbeǥey ku is mibmahal ku he menge etew ziyà te menge kuntada zan.

Penhulùhulù 5:20

Maan is layun key kenikew edlipati? Maan is neuǥet en is kedselikwaya nu kenami?

Leviticus 19:31

Kenè kew zangep diyà te menge veyilan he ebpekidlalag te gimukud te nemematey en, su emun ebeelan niw heini ed-isipen kew he meremerik. Iyan a kes Nengazen he Megbevayè niw.

Leviticus 20:6

Egkeepesan ku zaan is etew he edangep wey edsunud te menge veyilan he ebpekidlalag te ǥimukud te nemematey en. Kenè ku sikandan ed-isipen he zuma niw.

Micas 5:11

Edweǥayen ku is menge inged niw ragkes en is binerengbeng he menge inged.

Micas 5:12

Edezeetan ku is menge hinepetan niw ne egkaawà is menge veyilan niw.

Zefanias 1:8

Dutun he andew, ebpenhimetayan ku is menge tig-Juda he iring te uyaǥen he ibpemuhat. Edsilutan ku is menge upisyal zan wey is menge anak te hadì, wey is langun he mid-iring te mezaat he menge vetasan te ziyà te menge lumelengyawà.

Numero 23:7

Ne migkaǥi si Balaam, “He Balak he hadì te Moab, impaangey a kenikew puun te Aram he ziyà te menge vuvungan he zapit te edsilaan. Iyan lalag he impeuwit nu kayi te kediey is, ‘Agpas ka hendini, ne rewaki nu is menge kevuwazan ni Jacob para kediey. Rewaki nu sikandan is menge etew te Israel.’

1 Samuel 6:2

impetawag te menge Filistihanen is menge memumuhat dan wey menge veyilan ne mid-insaan dan te, “Hengkey is ebeelan dey kayi te Kavan te Nengazen? Sembaǥi key ke ebmenmenuwen dey heini he ikeulì dey ziyà te lugar he nesevukan din.”