Isaias 2:5 - Manobo Western Bukidnon OT

⁵ Hendini kew is menge kevuwazan ni Jacob, ebpengungubpaan kiw he sungkad te ketutuanan he ibeǥey kenitew te Nengazen tew.

Isaias 2:5 교차 참조

Salmo 36:10

Ipedayun nu is kebmahala nu te menge etew he migkilala kenikew. Ipedayun nu is kebaal nu te meupiya ziyà te menge etew he midtinazeng.

Salmo 89:15

Nengazen, utew zeyzey is menge etew he nemekesaǥad te melipayen he ked-ugyab tenged kenikew, wey nengungubpaan tenged te hizu nu.

Salmo 89:16

Tenged te keupiya nu kandan, layun sikandan egkelipey. Ne edeliǥen dan is ketazeng nu.

Isaias 2:3

Egkaǥi sikandan te, “Hendini kew en, su edtekezeg kiw ziyà te vuntud te Nengazen, diyà te valey te Megbevayà ni Jacob. Su ebpenuruen kiw zin te menge paaǥi zin su wey tew metuman heini.” Umbe, ed-ulì is menge etew he ebpuun diyà te Zion, he iyan is inged he Jerusalem, ne ed-uwiten dan is kesuǥuan te Nengazen.

Isaias 58:1

Migkaǥi is Nengazen te, “Habet kew pengulahì; iringa niw te kezaǥing te vudyung! Kenè niw heini eǥena! Ipetueni niw te menge etew ku he menge kevuwazan ni Jacob is menge salè dan wey menge kedrapas.