Isaias 2:11 - Manobo Western Bukidnon OT

¹¹ Egkeuma is andew he iyan dà is Nengazen edeliǥen. Ibpekevavè din is ked-etew te menge hembugiru wey menge mepelevawen.

Isaias 2:11 교차 참조

2 Samuel 22:28

Uya, edlibriyen nu is kenà menge mepelevawen, piru ibpekevavè nu mulà is menge etew he mepelevawen.

Salmo 18:27

Uya, edlibriyen nu is kenà menge mepelevawen, piru ibpekevavè nu mulà is menge etew he mepelevawen.

Salmo 18:28

Nengazen he Megbevayè ku, iyan ka kerayag ku. Emun merusirem, ne iyan ka sulù ku.

Salmo 20:8

Sikan is edsarig te menge kerwahi wey menge kudà egkengezeetan, iyan, sikami mulà, ebpekezaag key wey kenà egkaawà is kelig-en dey.

Salmo 46:10

Migkaǥi sikandan te, “Engked kew en he ebpetebtebekà. Ne kilelaa a keniyu is Megbevayà. Ebentuǥen a te menge nasyun kayi te tivuuk he kelibutan.”

Salmo 46:11

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 94:2

Iyan ka edhukum te langun he menge etew; umbe, sigi en, belesi nu en is menge gelbuwen te zait he ibales kandan.

Erubasa 16:5

Egkeepesan te Nengazen is menge mepelevawen, ne siguradu edsilutan din sikandan.

Erubasa 30:13

Duen menge etew he utew en hembugiru, minsan is kebpenirapsirap dan ne henduen te hentei sikandan.

Isaias 10:12

Piru iyan heini migkaǥi te Nengazen he egkehitavù emun egkepasad din en is ebeelan din he ebpekesuǥat te Buvungan he Zion wey ziyà te Jerusalem: “Edsilutan ku is hadì te Asiria tenged te kegkemepelevawen din wey kegkegelbuwen!

Isaias 12:1

Emun egkeume en haazà he andew megkanta kew te: “Nengazen, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Isaias 12:4

Emun egkeuma en haazà he andew, ne egkanta kew te: “Deliǥa niw is Nengazen! Ezapa niw sikandin! Tudtula niw ziyà te menge etew is menge vaal zin. Penudtul kew he ereg sikandin he edeliǥen.

Isaias 13:11

Migkaǥi is Nengazen te, “Ebpeeǥiyan ku te limas is kelibutan tenged te kelelalung kayi, wey is menge mekesealà tenged te salè dan. Ibpeengked ku is menge gelbuwen, wey is menge mepelevawen he wazè dan hizu.

Isaias 14:15

“Piru ziyè ka uwita te lugar te menge minatey he ziyà te kinezizeleman te vudsi.

Isaias 2:17

Dutun he andew iyan dà edeliǥen is Nengazen. Ibpekevavè din is ked-etew te menge hembugiru wey menge mepelevawen.

Isaias 23:9

Is Nengazen he Mekeǥeǥehem iyan mibpelanu kayi su ibpekevavè din is ebpelavew te kegkemekeǥeǥehem din wey is egkilelaan he ventuǥan kayi te kelibutan.

Isaias 24:21

Dutun he timpu edsilutan te Nengazen is mekeǥeǥehem he menge linimbag diyà te langit, wey is menge hadì dini te kelibutan.

Isaias 25:9

Emun egkeulaula en heini, egkaǥi is menge etew te: “Iyan sikandin Megbevayè tew! Midsarig kiw kandin, ne midlibri kiw zin. Iyan sikandin Nengazen he midseriǥan tew. Edlipey kiw wey edlipeylipey su midlibri kiw zin.”

Isaias 26:1

Dutun he timpu, heini he kanta egkentahan diyà te Juda: “Melig-en en is inged tew. Is kedlibriya kenitew te Megbevayà ne iring te melig-en he verengbeng he nekeliǥuy kenitew.

Isaias 28:5

Dutun he timpu, is Nengazen he Mekeǥeǥehem, egkehimu he iring te mekempet he kuruna he vulak te nesamà he menge etew zin.

Isaias 29:18

Dutun he timpu, is bengel ebpekezineg en te menge lalag he ebesahan diyà te libru. Ne is lakap he merusirem dà is egkeehè din ne ebpekeehè en.

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 30:23

Ebeǥayan kew te Nengazen te uzan dutun te timpu te kebpemula, ne ed-uzaren kew. Dutun he timpu ebpenabtab is menge ayam niw ziyà te meluag he menge penebtavà.

Isaias 37:23

Hentei is mid-insultuwan nu wey edwelwelien? Hentei is midhenggeran nu wey mibpehembuǥan? Kenè be iyan a is Waǥas he Megbevayà te Israel?

Isaias 4:1

Dutun he timpu, pitu he vahi is ebpeeg-eǥawà te sevaha he maama he ke sikandan te, “Iyan key en metau te egkekaan dey wey visti zey, esewaa key zà su wey key kenà mepeel-elezi tenged te wazè dey esawa.”

Isaias 40:23

Id-awè din is gehem te menge pengulu kayi te kelibutan, ne midhimu zin sikandan he wazà menge pulus.

Isaias 52:6

Piru egkeuma is timpu he zutun egkesayud kew ke hentei a is Megbevayà, su iyan a mismu migkaǥi ziyà te keniyu. Uya, iyan a mismu.”

Jeremias 12:9

Iring sikandan te tagbis he ebpendawi. Ne ǥuntaan, iyan sikandan edewiyen te midliǥuy he menge tagbis he ebpendawi. Edtiǥumen ku is langun he zumezaas he menge langgam su ibpezawi ku zaan sikandan.

Jeremias 9:24

Iyan ereg he ibpegalbu zin is kegkesevuta zin wey kegkekilelaa zin kedì he iyan a Nengazen he mepinelenggaan; iyan a ebaal te hustu wey metazeng kayi te kelibutan su iyan heini ebpekelipey kediey.”

Ezekiel 38:14

“Umbe, sikew is etew, keǥiyi nu si Gog he siak, is Nengazen he MEGBEVAYÀ, migkaǥi a te, ‘Emun ebpengungubpaan en he melinawen is menge etew ku he Israilihanen, ne egketuenan nu heini.

Ezekiel 38:19

Tenged te utew ku kegkepauk, ibpenangdù ku he zutun he timpu edlinug te mezesen diyà te tanà he Israel.

Ezekiel 39:11

“ ‘Dutun he timpu idleveng ku ziyà te Israel si Gog wey is mahabet he menge etew zin; idleveng ku ziyà te Suǥud te Ebiyahi, diyà te edsilaan he uvey te Daǥat he Minatey. Ne kenè en haazà igkevayà su ebpekaalang haazà is dekelà he penlevengà te ebiyahi. Ne egngezanan en heini te Hamon Gog, he ke và dà egkegiya kes, “Suǥud-suǥud te Mahabet he menge Etew ni Gog.”

Ezekiel 39:22

Puun dutun he timpu, egketuenan te menge etew te Israel he iyan a is Nengazen Megbevayè dan,

Daniel 4:34

“Ne kegketapus te pitu he tuig, ne siak, si Nebucadnezar, midangep a ziyà te Megbevayà, ne zutun midlikù is meupiya he ked-isip-isip ku. Umbe midalig ku wey mibeǥayan ku te zengeg is Utew Lavew he Megbevayà he uuyag te wazà pidtemanan. Migkaǥi a te, ‘Is kedhadì din ne wazà pidtemanan.

Hoseas 2:16

Migkeǥiyan te Nengazen is menge Israilihanen te, “Dutun he timpu te kedlikù niw kayi te kedì, egngezanan a keniyu te esawa niw, ne kenà ad keniyu egngezanan he egalen niw.

Hoseas 2:18

Dutun he timpu ebaal a te kesebutan diyà te langun he menge langgam he kenè kew zan menuwa. Id-awè ku ziyà te tanà he Israel is menge ǥumaan te kebpekidtebek iring te panà wey ispada. Ne ǥeina te wazè en tebek, ne ebpekelipezeng kew he wazè niw igkahandek he kezeetan.

Hoseas 2:21

Siak, is Nengazen, migkaǥi a he zutun he andew edtevaken ku is menge pengemuyù niw. Ibpeuzan ku su wey medtuvù diyà te tanà

Joel 3:18

Dutun he timpu ebewian ku sikiyu. Ed-uzaren kew te veǥu he vinu he ebpuun diyà te mezakel he menge paras diyà te menge vuvungan. Ed-uzaren kew zaan te ǥatas he ebpuun diyà te mezakel he menge vaka wey menge kambing he ebpemenabtab diyà te menge mibuntud-buntud. Kenà egkemezahan is menge wahig niw. Ne edtudà is serebseb he ebpuun diyà te valey te Nengazen ne egkewehiǥan din is menge zal-ug he zuen duen menge acacia.

Amos 9:11

“Egkeuma is andew he ed-umanan ku ebenguna is ginhedian ni David he iring te lawig he nerundus. Su ebpurungan ku heini is nezeetan, ne ibpeuman ku ibpehitindeg iring duen te nehuna.

Obadias 1:8

Iyan a, is Nengazen migkaǥi he zutun te kedsiluti ku keniyu, edezeetan ku is menge metau he menge etew ziyan te keniyu. Egkaawà is ketau ziyan te Edom he midtawag he Buvungan ni Esau.

Micas 2:3

Umbe, iyan heini migkaǥi te Nengazen diyà te keniyu, “Pemineg kew! Mibpelanu a he edezeetan ku sikiyu ne kenè kew ebpekelibri te keugelingen niw. Kenè kew en ebpekepahambug su zutun he timpu edezeetan ku sikiyu.

Micas 4:6

Migkaǥi is Nengazen te, “Keuzemà te huziyan he menge andew, edtiǥumen ku is menge etew ku he midsilutan ku, he iring te menge kerehidu he nengepiangan wey nekepeyapat. Edhimuwen ku he mekeǥeǥehem he nasyun is nesamà kandan. Ne edhedian ku sikandan diyà te Buvungan he Zion puun dutun he timpu ne taman en taman.

Micas 5:10

Migkaǥi is Nengazen te, “Ziyà te huziyan he menge andew, ebpehimetayan ku is menge kudè niw wey edweǥayen ku is menge kerwahi niw.

Zefanias 3:11

“ ‘Dutun te andew te kedsilut ku, sikiyu is menge tig-Jerusalem kenè kew egkepeel-elezan tenged te langun he salà he mibeelan niw kayi te kedì. Su id-awè ku ziyà te keniyu is menge etew he menge teruen wey mepelevawen. Ne kenè kew en ed-uman ebpehambug diyà te segradu he vuntud ku.

Zefanias 3:16

“Dutun he andew egkaǥi is menge etew ziyà te keniyu te menge tig-Jerusalem, ‘Sikiyu is menge meǥinged diyà te Zion, kenè kew mahandek; kenè kew mebpenluyaluya.

Zacarias 9:16

Dutun he andew edlibriyen sikandan te Nengazen he Megbevayè dan he iring te menge kerehidu zin. Mekempet wey mezagwey sikandan he edtengtengan diyà te tanè dan. Iring sikandan te mahalen he menge vatu he ed-ilak-ilak diyà te kuruna. Is dekelà he sebpet dan ebpekeveǥey te zesen diyà te menge vetan-en dan.

Malakias 4:1

Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.