Isaias 2:10 - Manobo Western Bukidnon OT

¹⁰ Menge Israilihanen, pelaǥuy kew pehendiyà te menge surung etawa menge vudsi su wey niw meelesi is egkepeuk he Nengazen wey is utew zekelà he ǥehem din.

Isaias 2:10 교차 참조

Job 31:23

Kenè ku egkehimu heeyan he menge vaal su igkahandek ku is silut wey ǥehem te Megbevayà.

Job 40:13

Ileveng nu sikandan is langun diyà te tanà, diyà te lugar te menge minatey.

Salmo 145:12

su wey mesayud is langun he keet-etawan te nezumahan te ǥehem he menge vineelan nu wey is mekeǥeǥehem he ginhedian nu.

Salmo 90:11

Wazè pa nekesaǥad te ipiktu te zekelà he pauk nu. Ne zutun te ked-iseg te keuluwanen dey te pauk nu, ne ed-iseg daan is kedtahud dey kenikew.

Isaias 10:3

Hengkey is ebeelan niw zutun te andew he edsilutan kew? Hengkey is ed-ul-ulahan niw emun ebpekeuma is kezeetan he ebpuun te meziyù? Hentei is ebuyuan niw te tavang? Wey hendei niw id-eles is ketiǥeyunan niw?

Isaias 25:11

Ebpenigudu zan para mekelingkawas sikandan keniyan te mezaat he kebpekesavuk iring te kebpenigudu kegkapeykapey te etew he ed-emparas. Piru minsan metau sikandan he ed-emparas, edlenezen dan gihapun te Nengazen; ibpekevavè din sikandan is menge gelbuwen.

Isaias 42:22

Piru ǥuntaan is menge etew zin, mibpenekawan, mid-aǥew is menge azen dan, mibpirisu zan diyà te vudsi wey pirisuwan, ne wazà midtavang kandan.

Jeremias 10:10

Piru iyan is Nengazen tutuu he Megbevayà. Iyan sikandin uuyag he Megbevayà ne Hadì sikandin te wazà pidtemanan. Emun egkepauk sikandin, egkehuyung is kelibutan ne ed-eles is diyà te menge nasyun.

Jeremias 10:7

Hentei man is kenà edtahud kenikew te hadì te menge nasyun? Utew ke man dait he edtehuzen. Wazà ebpekeiring kenikew zuen te langun he uluwanen diyà te nekedseselekawà he menge nasyun, ne kenà ebpekeiring kenikew is langun he menge hadì dan.

Hoseas 10:8

Edrundusen is menge simbahan diyà te metikang he menge lugar ziyà te Aven, he iyan nehimu he hinungdan te kebpekesalà te menge tig-Israel. Ebmelayat is ebpenuvù he menge zuǥiyen ne ebpeketambun heini te menge pemuhatè dan. Ne egkeǥiyan dan is menge vuntud te, ‘Tempaǥi key wey vunbuni!’ ”

Nahum 3:11

Iring kew zaan keniyan is menge tig-Nineve, egkeiring kew te egkelangut he kenè din egketuenan ke hengkey is egkehitavù kandin. Egkehandek kew te menge kuntada niw emun edsurungen kew zan en ne ebpen-ehè kew te egkeelesan niw he zutun kenè kew egkezekepan.