Isaias 18:2 - Manobo Western Bukidnon OT

² Ebpuun kayi he lugar, duen menge menunudtulà he midsuǥù he ed-untud te mibeelan he ǥakit he tigbew ne midlayun dan te Wahig he Nilo. Sikiyu is meǥaan he edhipanew he menge menunudtulà, likù kew ziyà te tanè niw he nevahin pinaaǥi te zezekelà he menge wahig, diyà te menge zuma niw he memelangkew wey metilak is kedlulundis, menge etew he gemhanan he igkikinehendekà diyà te minsan hendei.

Isaias 18:2 교차 참조

2 Cronica 14:9

Midhipanew si Zera he tig-Etiopia duma is mezakel utew he menge sundaru wey 300 he menge kerwahi su edsurung dan diyà te Juda. Nekeuma zan diyà te Maresha,

2 Cronica 16:8

Egketenuzan nu ve ke hengkey is neulaula te menge tig-Etiopia wey tig-Libya, he is menge sundaru zan, menge kerwahi zan wey menge pereuntud dan te menge kudà he utew mezakel? Dutun he timpu ne midsarig ka te Nengazen, ne impezaag din sikandan keniyu.

Job 9:26

Uya, utew meǥaan he edlavey is untung ku; iring keǥaan te meǥaan he untuzà etawa vanug he edawi.

Exodus 2:3

Iyan, hein kenè din en egkehimu te ed-eles haazà is batà, migkuwa sikandin te pepirus he teleǥuey ne mibpinsi zin te alkitran su wey kena rehevi te wahig. Ne zutun din itaǥù haazà is batà ne insavuk din diyà te vereesen he veyvey te Wahig he Nilo.

Isaias 18:7

Piru zuen timpu he egkeuma he zutun edawat is Nengazen he Mekeǥeǥehem te gasa he ebpuun kayi te tanà he nevahin pinaaǥi te zezekelà he menge wahig. Ibeǥey heini te menge etew kayi he memelangkew wey memetilak is kedlulundis. Mekeǥeǥehem sikandan ne igkikinehendekà diyà te minsan hendei. Ed-uwiten dan is menge gasa zan diyà te Buvungan he Zion, he zutun ebeǥayi te zengeg is Nengazen he Mekeǥeǥehem.

Jeremias 49:14

Nezineg ku is tudtul he ebpuun diyà te Nengazen, he midsuǥù kun sikandin te menge menunudtulà pehendiyà te menge nasyun su wey zan metudtuli he mebpengandam dan para te tebek, wey edhinggaten din sikandan he medsurung dan diyà te nasyun he Edom.

Ezekiel 30:9

“Dutun he timpu, edsuǥù a te menge menunudtulà he ed-untud te menge untuzà he tenged kandan utew egkahandek is menge tig-Etiopia he ebpeeyehey zà. Egkeheratan sikandan dutun te timpu te kedèdeeti te Ehipto su siguradu egkeuma heeyan he timpu.”

Obadias 1:1

Iyan heini migkaǥi te Nengazen he MEGBEVAYÀ mehitenged te nasyun he Edom, he impezayag din diyà te ki Obadias. Sikitew is menge Israilihanen, nezineg tew is tudtul he ebpuun te Nengazen he zuen menge menunudtulà he midsuǥù din pehendiyà te menge nasyun su wey zan mehinggat heini he menge nasyun te kebpekidtebek te nasyun he Edom.

Habakuk 1:7

Igkikinehendekà sikandan te menge etew. Ebeelan dan ke hengkey is egkesuatan dan ne wazà ebpekeeǥen kandan.