Isaias 15:9 - Manobo Western Bukidnon OT

⁹ Mibmeriǥà tenged te lengesa is wahig he Dibon, piru zuen ku pa ibpezezaat kandan he edhuna pa: erimaung is edsuǥuen ku wey zin mezawi is nemelaǥuy puun te Moab wey is nengesamà keniyan he inged.

Isaias 15:9 교차 참조

2 Hadì 17:25

Dutun te aney he ked-ubpè dan dutun, wazè dan med-azap te Nengazen, umbe impehendiyà te Nengazen te kandan is menge erimaung ne mibpenhimetayan dutun te menge erimaung is duma kandan.

Isaias 15:8

Is kegkezineǥa te ked-erang dan ne taman en te zulunà te Moab wey Eglaim wey taman te Beer Elim.

Jeremias 15:3

Ibpeseǥazan ku kandan is heepat he klasi te kezeetan: Ebpenhimetayan sikandan pinaaǥi te tebek, idtangag te menge asu is menge lawa zan te ebpematey, egkeenen sikandan te menge tagbis, ne is egkesamà he menge lawa zan ed-eminen egkeena te zumezaas he menge langgam.

Jeremias 50:17

“Is menge Israilihanen neiring te netazin he menge kerehidu he midal-as te menge erimaung. Hein aney, migkaan sikandan te hadì te Asiria, ne mid-ul-ulan is menge tulan dan te Babilonia.

Leviticus 26:18

Ne emun kenè kew pa ebpemineg kediey, ne edsilutan ku sikiyu te kepipitu edtekepa.

Leviticus 26:24

iyan a mismu egkuntra keniyu ne ebpurungan ku sikiyu edsiluti.

Leviticus 26:28

ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.

Amos 5:19

Egkeiring kew te etew he egkeisip din he nelibri en sikandin su nepeleǥuyan din en is erimaung, piru bir ves is egkesinuǥung din. Etawa egkeisip din he wazè en ebpekekaid kandin su ziyè en sikandin te seled te valey zin, piru ked-ulembè din diyà te elavat ne migkaǥat is belad din te uled.

Numero 21:30

Piru guntaan nezeetan dey en is menge Amorihanen. Nezeetan en is inged he Heshbon, ragkes is Dibon, Nofa, wey Medeba.”