Isaias 15:3 - Manobo Western Bukidnon OT

³ Ebivisti sikandan te saku zutun te kedhipanew zan diyà te kersada. Midsineǥew sikandan diyà te atep te menge valey zan wey ziyà te menge pelasa.

Isaias 15:3 교차 참조

2 Samuel 3:31

Dutun migkeǥiyan ni David si Joab wey kes langun he menge zuma zin te, “Bindasa niw is menge kumbalè niw, wey iyan niw ikukumbalà is saku. Ne ilalew niw si Abner zutun te edhipanew kew ziyà te egkehunaan te minatey he lawa ni Abner zutun te kedlevenga kandin.” Miduma si Hadì David te kedleveng.

2 Hadì 6:30

Ne hein nezineg dutun te hadì haazà is migkaǥi zutun te vahi, mibindas din is bisti zin tenged te utew zin kegkeseeng. Dutun te kedhipanew zin diyà te zivavew te verengbeng, naahà sikandin te menge etew he mibpezizeleman din is bisti zin te visti he saku tenged te kedlalew zin.

Isaias 15:2

Edtekezeg is menge tig-Dibon diyà te lavew he simbahan dan wey ziyà te menge simbahan dan diyà te metikang he menge lugar su edsineǥew zan dutun. Edsineǥawan te menge tig-Moab is Nebo wey Medeba. Is kada sevaha kandan mibpevangul wey mibpemarbas su ibpeehè dan is kedlalew zan.

Isaias 22:1

Heini he menge lalag ne mehitenged te suǥud-suǥud he zuen duen egkengelewasan: Hengkey is nehitavù. Maan is nemenahik kew is langun diyà te menge atep?

Isaias 22:4

Guntaan, bey-ani ad keniyu ke edsineǥawan ku is menge siringan ku he nemematey. Kenà ad keniyu lengana.

Isaias 3:24

Kenè en hinuun sikandan ebmehemut, kekenà, ebmemahù dan. Pisì dà is bagkes dan, ne ed-upawan is meupiya he vulvul zan. Is mahalen he menge visti zan ed-ilisan te saku, ne egkaawà is kekempet dan.

Jeremias 19:13

Uya, is langun he ubpeey ziyà te Jerusalem, ragkes en is turuǥan te menge hadì te Juda, ed-isipen he meremerik iring te Tofet. Diyà te atep kayi he menge valey, edtutung is menge etew te menge veyewà he para te ed-ezapen dan he menge vituen, wey ebpemuhat dan kayi te pemuhat he inumen he para te zuma he menge ed-ezapen.’ ”

Jeremias 48:37

Is kada sevaha kandan mibpaahà te kegkeseeng din pinaaǥi te kebpevangul, kegkiskis te sumpà, kebpemelìi te velad, wey kebivisti te saku.

Penhulùhulù 2:10

Is menge edumala ziyà te Zion nememinuu ziyà te tanà he wazè dan en kekeǥiyen. Mibukbukan dan te eliyavuk is menge ulu zan wey mibivisti sikandan te saku su ibpetuusan dan is kedlalew zan. Ebpekezuzungul te kegkeeled is menge vetan-en he menge vahi ziyà te Jerusalem.

Ezekiel 7:18

Ebivisti sikandan te saku wey egkiskisan dan is menge ulu zan te kebpaahà te kegkeseeng dan. Ne utew sikandan egkahandek wey egkeeled.

Amos 8:10

Edhimuwen ku he sineǥawan is kedlipey niw emun timpu te pista, ne edhimuwen ku he hulùhulù is menge kegkanta niw. Ebpevistiyan ku sikiyu te saku wey edsuǥuen ku he mebpevangul su wey niw ikepaahà is kedlalew niw, iring te menge ǥinikanan he edsineǥew tenged te kebpatey te vudtung he anak dan. Piru edhuna pa he mesakit is ketepusan kayi he menge silut.”

Deuteronomio 22:8

“Emun ebevaley kew, kinahanglan he edteuzan niw te alang is ebpekeliǥuy zuen te patag he atep niw, su para wazè niw televaken emun duen ebpatey he egkeulug puun te atep niw.

1 Samuel 5:12

Ne sikan is nengesamà he wazà mebpatey ne mibpenlevaǥan, ne nekeuma ziyà te langit is kebpekitavang dan.