Isaias 13:9 - Manobo Western Bukidnon OT

⁹ Pemineg kew! Egkeume en is andew te Nengazen, is andew te kegkaid wey utew zekelà he pauk. Edezeetan is tanà taman te kenè en egkeubpaan, ne ragkes en he edezeetan is mekesesalà dutun.

Isaias 13:9 교차 참조

Salmo 104:35

Iyan, is menge lalung wey mekesesalà edèdeetan kayi te kelibutan ne egkengahanew sikandan. Ereg he edeliǥen ku is Nengazen. Deliǥa is Nengazen!

Erubasa 2:22

Iyan, sikan is ebpemen-ulaula te mezaat wey meluiven ne id-awà. Iring sikandan te sagbet he ebezuten.

Isaias 13:6

Sineǥew kew su hapit en is andew te Nengazen, kes andew te kebpendezaat te Mekeǥeǥehem he Megbevayà.

Isaias 2:12

Su zuen andew he midtelaan te Nengazen he Mekeǥeǥehem he zutun ibpekevavè din is ked-etew te menge hembugiru, menge mepelevawen, wey mid-isip dan he gemhanan sikandan.

Isaias 34:8

Su zuen timpu he idteǥana te Nengazen he zutun ebelesan din is menge kuntada zin su edtevangan din is menge tig-Jerusalem.

Isaias 63:4

Mibeelan ku heini su neume en is andew te kebelesi ku te menge kuntada ku ne edlibriyen ku is menge etew ku.

Isaias 66:17

Migkaǥi is Nengazen te, “Ebpekedreredsà is kebpatey te menge etew he midwaǥas dan wey midlumpiyuwan dan is keugelingen dan pinaaǥi te ked-azap dan te menge ed-ezapen dan diyà te pemuleey. Ebpematey sikandan is egkaan te vavuy, rumat, wey te zuma pa he keenen he utew mezaat.

Isaias 9:19

Tenged te pauk te Nengazen he Mekeǥeǥehem, egkevinsulan is tanè dan, ne egkehimu sikandan he tavun he ed-epuren te hapuy. Kenè dan egkehizuwan minsan is iring dan he menge Israilihanen.

Ezekiel 13:5

Wazè dan petizeeni is menge etew. Iring heini te wazè dan purungi is neǥevà he verengbeng te Israel su para melig-en heini ke egkeuma is tebek dutun te andew te kedsilut te Nengazen.

Ezekiel 30:3

Su hapit en egkeuma haazà he andew, is andew te kedhukum te Nengazen. Egkikivel ne ebmerusirem haazà he andew para te menge nasyun.

Joel 1:15

Egkeuvayan en is andew te kebpendezaat te Nengazen he Mekeǥeǥehem.

Joel 2:1

Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te Nengazen. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te Nengazen.

Joel 2:31

Ebmerusirem is andew, ne is bulan ebmeriǥà iring te lengesa. Kenà heini egkehitavù emun kenè pa egkeuma is mekahandekhandek he kedhukum te Nengazen.”

Nahum 1:2

Kenà igkesuat te Nengazen he Megbevayà is ked-azap te menge etew te zuma he menge ed-ezapen. Nepeukan din is menge kuntada zin ne ebelesan din sikandan.

Nahum 1:6

Hentei is ebpekeeguwanta emun utew egkepauk is Nengazen? Emun duen din egkepeukan ne henduen be te edrepu sikandin te hapuy, ne ebpememeka is menge vatu ziyà te etuvangan din.

Nahum 1:8

Iring sikandin te meseleg he zalem su ed-eminen din edezeeti is menge kuntada zin. Edel-asen din is menge kuntada zin taman te egkengepatey zin sikandan.

Zefanias 1:15

Keniyan he andew is kebpeǥezama te Megbevayà te pauk din. Andew haazà te kelised, kemeresayan, kezeetan, wey kepirdiyan. Merusirem wey ebpenggapun dutun he andew,

Zacarias 14:1

Egkeuma is andew he edhukum is Nengazen. Ebevehinen te menge kuntada niw is menge azen niw te menge tig-Jerusalem he mid-aǥew zan, ne ebpeketetengteng kew.

Malakias 4:1

Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.