Isaias 13:6 - Manobo Western Bukidnon OT

⁶ Sineǥew kew su hapit en is andew te Nengazen, kes andew te kebpendezaat te Mekeǥeǥehem he Megbevayà.

Isaias 13:6 교차 참조

Job 31:23

Kenè ku egkehimu heeyan he menge vaal su igkahandek ku is silut wey ǥehem te Megbevayà.

Isaias 10:25

Su kenè en egkeuǥet ne egkaawè en is pauk ku keniyu ne ziyè ku maan te kandan ibpaahà is pauk ku taman te ebpemematey sikandan.

Isaias 10:3

Hengkey is ebeelan niw zutun te andew he edsilutan kew? Hengkey is ed-ul-ulahan niw emun ebpekeuma is kezeetan he ebpuun te meziyù? Hentei is ebuyuan niw te tavang? Wey hendei niw id-eles is ketiǥeyunan niw?

Isaias 13:9

Pemineg kew! Egkeume en is andew te Nengazen, is andew te kegkaid wey utew zekelà he pauk. Edezeetan is tanà taman te kenè en egkeubpaan, ne ragkes en he edezeetan is mekesesalà dutun.

Isaias 14:23

Edhimuwen ku heini he sibsivayan he mahabet is menge linew zuen. Edezeetan ku heini, ne is kedezeeti ku kayi, iring te ebpeyupasen ku is menge meǥinged kayi. Iyan a, is Nengazen he Mekeǥeǥehem, migkaǥi kayi.”

Isaias 14:31

Lelendag kew is menge meǥinged diyà te menge inged he sakup te Filistia. Su zuen edsurung keniyu he iring te evel he ebpuun diyà te zizaya ne pudu sikandan memevurut.

Isaias 2:12

Su zuen andew he midtelaan te Nengazen he Mekeǥeǥehem he zutun ibpekevavè din is ked-etew te menge hembugiru, menge mepelevawen, wey mid-isip dan he gemhanan sikandan.

Isaias 23:1

Heini he menge lalag ne mehitenged te Tyre: Sineǥew kew is menge ebpemen-untud te menge varku ziyà te Tarshish! Su nezeetan is pentalan niw ziyà te Tyre. Midtudtul en heini keniyu te ebpemuun diyà te Cyprus.

Isaias 34:2

Su nepeukan te Nengazen is langun he menge meǥinged diyà te menge nasyun; nepeukan din is menge sundaru zan. Umbe ebpurungan din sikandan edezeeti, ne ebpenhimetayan din sikandan is langun.

Isaias 34:8

Su zuen timpu he idteǥana te Nengazen he zutun ebelesan din is menge kuntada zin su edtevangan din is menge tig-Jerusalem.

Isaias 47:11

Umbe, ebpekeuma ziyà te kenikew is kezeetan ne kenè nu egketuenan ke ebmenmenuwen nu te edsegseg pinaaǥi te kegkeselemengkiru nu. Ebpekeuma ziyà te kenikew is kezeetan he kenà egkehimu he ebayad ka para med-engked. Ebpeketik-ew ebpekeuma ziyà te kenikew is kezeetan he wazè nu isipa.

Isaias 52:5

Ne ǥuntaan hengkey en maan is nehitavù keniyu? Mibihag kew te menge tig-Babilonia te wazà hustu he hinungdan. Edumelahan kew zan wey edsudien. Ne layun e zan pa edsumpelita.

Isaias 61:2

Midsuǥù e zin daan te kebpenudtul he neume en is timpu te kedlibriya te Nengazen te menge etew zin, ne edsilutan din is menge kuntada zan. Midsuǥù e zin daan te kedlipey te egkengeseeng diyà te Jerusalem, su para kenà avu is igkesavuk dan diyà te ulu zan he tuus te kegkeseeng dan, kekenà, kuruna he vulak, ne edlenahan dan is ulu zan he tuus te melipayen sikandan. Egkeiring dan te kayu he ulayan he impemula te Nengazen. Egngezanan sikandan he menge metazeng para te zengeg te Nengazen.

Isaias 63:4

Mibeelan ku heini su neume en is andew te kebelesi ku te menge kuntada ku ne edlibriyen ku is menge etew ku.

Isaias 65:14

Egkanta zan tenged te kegkelipey piru sikiyu, edsineǥew kew tenged te kegkeseeng wey kezaat te gehinawa niw.

Jeremias 25:34

Sikiyu is menge pengulu, purung kew sineǥew he edtelulid diyà te eliyavuk tuus te utew niw kegkeseeng. Su neume en is timpu he edhimetayan kew he iring te edlepaan he kerehidu. Egkeruntek kew iring te mahalen he ziniyun he nerupet.

Jeremias 49:3

“Ebpekesineǥew kew taman te egkehimu niw, is menge etew ziyà te Heshbon, su egkezeetan is Ai. Ebpekesineǥew kew zaan is menge meǥinged diyà te Raba! Ebivisti kew te saku is edlikù-likù ebpelelaǥuy ziyà te kilid te verengbeng te kebpaahà he edlalew kew. Su ebihaǥen is ed-ezapen niw he si Molec duma te menge memumuhat wey te menge upisyal zin.

Jeremias 51:8

Egketik-ew egkezeeti is Babilonia! Egkeseeng kew tenged kayi! Bewii niw is menge palì din, su kela ke meulii pa.”

Ezekiel 13:5

Wazè dan petizeeni is menge etew. Iring heini te wazè dan purungi is neǥevà he verengbeng te Israel su para melig-en heini ke egkeuma is tebek dutun te andew te kedsilut te Nengazen.

Ezekiel 21:12

“Sikew is etew, sineǥew ka ne tempelinga nu is kumeng nu tenged te kegkeseeng su heeyan he ispada ebpekepatey te menge etew ku he Israilihanen wey te menge pengulu zan.

Daniel 5:26

Ne iyan heini kehuluǥan dan: Is Mini, iyan kehuluǥan din is mibilang en te Megbevayà is nesamà he menge andew te kedhadì nu, su edtepusen din en heini.

Daniel 5:9

Umbe, mid-iseg is kegkeherati wey kebmemeluntak ni Hadì Belshazar. Ne neliveg daan haazà is lavew he menge etew zin.

Joel 1:11

Sikiyu is menge perevasuk, keseeng kew! Sikiyu is ed-atur te pemuleey te paras, habet kew sineǥew! Su wazè en menge abut diyà te menge vevesukà; wazè en menge trigu wey menge barli.

Joel 1:13

Sikiyu is menge memumuhat he ebpenilbi ziyà te pemuhatà he para te Megbevayè ku, bivisti kew te saku ne hendiyè kew te valey te Nengazen ne sineǥew kew seled te tivuuk he kezukileman. Su wazè en menge trigu wey menge vinu he igkepemuhat diyà te valey te Megbevayè niw.

Joel 1:15

Egkeuvayan en is andew te kebpendezaat te Nengazen he Mekeǥeǥehem.

Joel 1:5

Sikiyu is menge lelenguten, enew kew wey mebpurung medsineǥew! Su wazè niw en egkeinum; wazè en menge paras he egkeveelan he veǥu he vinu.

Joel 2:1

Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te Nengazen. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te Nengazen.

Joel 2:11

Ebmenduan te Nengazen heini is menge terapan he menge sundaru zin, ne edtumanen dan is menge suǥù din. Mekahandekhandek heini he menge terapan ne utew subra is kahabet dan. Mekehandekhandek utew haazà is andew te kedsilut te Nengazen; ne wazà ebpekeeguwanta kayi.

Joel 2:31

Ebmerusirem is andew, ne is bulan ebmeriǥà iring te lengesa. Kenà heini egkehitavù emun kenè pa egkeuma is mekahandekhandek he kedhukum te Nengazen.”

Amos 5:18

Kehizu niw te edtaǥad te kegkeuma te andew te Nengazen. Kenè niw isipa he andew heeyan te kegkelibri niw, kekenà, andew heeyan te kedsiluti keniyu.

Zefanias 1:14

Meǥaan en egkeuma is mekahandekhandek he andew te kedsilut te Nengazen. Hapit en heini egkehitavù ne merasey heeyan he andew, su minsan is menge sundaru ebpekepengulahì te kebuyù te tavang.

Zefanias 1:7

“Pereremek kew kayi te etuvangan ku, su meǥaan en egkeuma is andew te kedsilut ku. In-andam ku en is menge etew he para ebpenhimetayan iring te uyaǥen he ibpemuhat. Insivey ku en is menge kuntada he mid-umew ku wey zan medsurung diyà te Juda.

Zacarias 14:1

Egkeuma is andew he edhukum is Nengazen. Ebevehinen te menge kuntada niw is menge azen niw te menge tig-Jerusalem he mid-aǥew zan, ne ebpeketetengteng kew.

Malakias 4:5

“Piru te kenè pa egkeuma haazà is dekelà wey mekahandekhandek he andew te Nengazen, ibpehendiyè ku te keniyu is ebpeneuven he si Elias.