Isaias 12:4 - Manobo Western Bukidnon OT

⁴ Emun egkeuma en haazà he andew, ne egkanta kew te: “Deliǥa niw is Nengazen! Ezapa niw sikandin! Tudtula niw ziyà te menge etew is menge vaal zin. Penudtul kew he ereg sikandin he edeliǥen.

Isaias 12:4 교차 참조

1 Cronica 16:8

Peselemati niw is Nengazen; simbaha niw sikandin! Tudtula niw ziyà te menge etew is menge vaal zin.

1 Cronica 29:11

Gemhanan ka, telehuzen ka, dungganen wey ereg he edeliǥen. Su kenikew is langun diyà te langit wey zini te tanà. Iyan ka hadì, he Nengazen, wey lavew ka te langun.

Nehemias 9:5

Is menge Levihanen he nengumew para te ked-azap iyan ensi Jeshua, Kadmiel, Bani, Hashabnea, Sherebia, Hodia, Shebania, wey si Petahia. Ke sikandan te, “Hitindeg kew ne zeliǥa niw is wazà pidtemanan he Nengazen he Megbevayè niw!” Ne migkaǥi is menge etew te, “He Nengazen, ereg he edeliǥen is kegkemekeǥeǥehem nu! Is kegkemekeǥeǥehem nu lavew pa te egkekaǥi zey.

Salmo 105:1

Peselemati niw is Nengazen; simbaha niw sikandin! Tudtula niw ziyà te menge etew is menge vaal zin.

Salmo 107:22

Ereg sikandan he ebpemuhat para te kebpeselamat diyà te Megbevayà; ne pinaaǥi te kegkanta tenged te kegkelipey ne tudtula zan is menge vaal zin.

Salmo 113:5

Wazà iring te Nengazen he Megbevayè tew he ebpimpinuu ziyà te pinuuwè din te kedhadì diyà te zivavew he utew metikang.

Salmo 148:13

Langun te sikandan ne medalig te Nengazen su iyan sikandin lavew te langun. Iyan sikandin lavew he mekeǥeǥehem te langun he ziyà te langit.

Salmo 18:46

Uuyag ka, Nengazen! Edeliǥen ka is endilungè ku he vatu. Ibayew ku sikew tenged te iyan ka Megbevayà he menluluwas ku.

Salmo 21:13

Nengazen, ereg ka he edeliǥen tenged te zesen nu. Umbe, egkanta key te idalig kenikew tenged te kegkemekeǥeǥehem nu.

Salmo 22:31

Ne sikan is huziyan he egkengeetew, edtudtulan daan sikandan he midlibri nu is menge etew nu. Ne iyan ka mibaal kayi.

Salmo 34:3

Duma kew kedì te edalig te Nengazen; edsevaha kiw te kedalig kandin.

Salmo 40:5

Nengazen he Megbevayè ku, wazà ebpekeiring kenikew. Mahabet is egkein-inuwan he mibeelan nu, wey mahabet is menge pelanu nu para kenami. Ne kenè ku heini igkeseysey pudu su utew medmezakel.

Salmo 46:10

Migkaǥi sikandan te, “Engked kew en he ebpetebtebekà. Ne kilelaa a keniyu is Megbevayà. Ebentuǥen a te menge nasyun kayi te tivuuk he kelibutan.”

Salmo 57:5

Ipeehè nu, Megbevayè ku, is kegkemekeǥeǥehem nu ziyà te langit wey kayi te tivuuk he kelibutan.

Salmo 68:5

Is Megbevayà he ziyà ed-ubpà te segradu he valey zin, ed-elimahan din is menge ilu ne edlevanan din is menge valu he vahi.

Salmo 73:28

Piru mid-isip ku mulà he utew meupiya is ked-uvey ziyà te kenikew, Megbevayà. Nengazen he MEGBEVAYÀ, midhimu ku sikew he kutè ku, su wey ku ikeseysey is langun he menge vaal nu.

Salmo 9:11

Sikiyu is menge etew, kentahi niw te kedalig is Nengazen he edhadì diyà te Zion. Iseysey niw ziyà te menge nasyun is nengeveelan din!

Salmo 96:3

Ipetueni niw ziyà te langun he menge etew ziyà te menge nasyun is kegkemekeǥeǥehem din wey is egkein-inuwan he menge vaal zin.

Salmo 97:9

Iyan ka, Nengazen, Utew Lavew he Megbevayà, he ebayàbayà kayi te tivuuk he kelibutan. Utew ka lavew te langun he mid-isip te menge etew he menge megbevayè dan.

Exodus 15:2

Is Nengazen iyan ebeǥey kedì te zesen, wey iyan sikandin egkekanta ku. Iyan sikandin menluluwas ku. Iyan sikandin Megbevayè ku, ne edeliǥen ku sikandin. Megbevayà sikandin te menge kepuun ku, ne ebentuǥen ku sikandin.

Exodus 33:19

Ne midtavak is Nengazen te, “Ibpeehè ku kenikew is langun he keupiya ku ne egkeǥiyen ku ziyà te kenikew is mahal he ngazan ku he Nengazen. Siak is Nengazen egkehizuwan ku wey igkeǥaǥew ku is menge pinilì ku.

Isaias 12:1

Emun egkeume en haazà he andew megkanta kew te: “Nengazen, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Isaias 2:11

Egkeuma is andew he iyan dà is Nengazen edeliǥen. Ibpekevavè din is ked-etew te menge hembugiru wey menge mepelevawen.

Isaias 2:17

Dutun he andew iyan dà edeliǥen is Nengazen. Ibpekevavè din is ked-etew te menge hembugiru wey menge mepelevawen.

Isaias 24:15

Umbe, is menge etew ziyà te edsilaan wey is diyà te menge veyvey te zaǥat, ereg sikandan he edalig te Nengazen he Megbevayà te Israel.

Isaias 25:1

Nengazen, iyan ka Megbevayè ku! Edalig a wey ebeǥey te zengeg kenikew su utew egkein-inuwi is menge mibpemeelan nu. Midtuman nu is menge pelanu nu he midhimu nu zengan te nehuna he timpu.

Isaias 26:8

Nengazen, edsunuzen dey is menge suǥù nu, ne midsarig key kenikew. Iyan penganduy zey he meveǥayi ka te zengeg.

Isaias 33:5

Is Nengazen, lavew te langun! Su ziyà sikandin ed-ubpà te langit. Kenè din id-awà diyà te Jerusalem is hustu he kukuman wey ketazeng.

Isaias 42:12

Beǥayi niw te zengeg wey deliǥa niw is Nengazen, sikiyu is diyà te meziyù he menge lugar.

Isaias 48:20

Awè kew ziyà te Babilonia! Isangyew niw kayi te tivuuk he kelibutan duma is kelipey he midlibri te Nengazen is menge suluǥuen din, he iyan is menge etew ziyà te Israel.

Isaias 66:19

Ibpeehè ku sikandan te singyal. Ne is egkesamà kandan, edhimuwen ku he menge menunudtulà, ne edsuǥuen ku sikandan diyà te menge nasyun diyà te Tarshish, Pul, Lud (he nevantug is menge etew zuen te kegkemememanè dan), Tubal, Grecia, wey ziyà te zuma pa he meziyù he menge lugar he is menge etew zuen he wazà mekezineg te ventuǥan ku wey wazà mekaahà te ǥehem ku. Edtudtulen dan is gehem ku ziyà te menge nasyun.

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Malakias 1:11

Ebentuǥen a ziyà te menge nasyun puun te kedsilà te andew pehendiyà te kedsanlep kayi. Ebpemuhaten a te veyewà wey lunsey he menge pemuhat diyà te langun he lugar, su ebentuǥen a ziyà te menge nasyun. Iyan a, is Nengazen he Mekeǥeǥehem, is migkaǥi kayi.