Isaias 12:3 - Manobo Western Bukidnon OT

³ Iring te ebpekeveǥey te kelipey is wahig he meǥenew te egkemezahan, ne egkelipey kew ke edluwasen kew en te Nengazen.

Isaias 12:3 교차 참조

Salmo 36:9

Su iyan ka ebpuunan te untung. Edteyawan key kenikew, ne neteyawan is menge isip dey.

Salmo 87:7

Edsayew wey egkanta sikandan is langun, ke sikandan te, “Ebpuun te Zion is langun he menge tuvad kenitew!”

Solomon 2:3

Emun idhindeg te zuma he vetan-en he menge maama, is minahal ku, ne iring sikandin te mensanas he zuma te menge kayu ziyà te ketelunan. Utew ku ingkesuat is kedhelung diyà te sihung din ne meemis is beǥas din.

Isaias 41:18

Ibpetudè ku is dekelà he menge wahig diyà te zemilag he menge vuvungan wey ibpelepew ku is menge serebseb diyà te menge suǥud. Edhimuwen ku he wehiǥen is disirtu, ne is memaza he tanà edhimuwen ku he zuen dutun teheb.

Isaias 49:10

Kenà sikandan egkevitil wey egkemezahan. Kenà ebpekekaid kandan is keinit te andew wey meinit he keramag diyà te disirtu. Su siak is hihizuwen, egiyahan ku sikandan diyà te menge teheb.

Jeremias 2:13

“Is menge etew ku, nekehimu te zezuwa he salà: Mid-iniyuǥan e zan, is serebseb he ebpekeveǥey te untung, wey migkalut dan te vudsi he punduwà te wahig he egkemezahan, he iyan is ked-azap te zuma he menge ed-ezapen.

Ezekiel 47:9

Minsan hendei is egketudaan kayi zuen duen mahabet he menge isdà wey zuma pa he uuyag he menge linimbag diyà te wahig, su ibpemeupiya kayi is taam te timusen he wahig.

Zacarias 13:1

Migkaǥi pa is Nengazen he Mekeǥeǥehem te, “Dutun he andew ibpetudà is serebseb para te kevuwazan ni David wey te menge meǥinged diyà te Jerusalem, su edlumpiyuwan sikandan tenged te menge salè dan wey kegkeremeriki kandan. Id-awè ku is menge ed-ezapen diyà te tanà he Israel ne kenè en heini egketenuzan. Ibpaawè ku puun te Israel is menge etew he uvag kun ebpeneuven, wey is mezaat he menge mulin-ulin he edumala kandan.

1 Samuel 2:1

Ne zutun nengemuyù si Hana, “Utew ku igkelipey is Nengazen tenged te in-awè din is igkeeled ku. Ed-engitan ku ǥuntaan is menge kuntada ku; melipayen a utew te kedluwasa zin kedì.