Utew meupiya is dengeg nu; mezeeǥen ka ke edsurung ka para te kedlevani nu te tutuu wey hustu he kukuman para te menge edèdaaǥen. Ne tenged te ǥehem nu ebeelan nu is egkein-inuwan he menge vaal.
Hadì ka, Nengazen; is bisti nu iyan is kegkemekeǥeǥehem nu wey is utew nu kegkelavew. Utew melig-en is kebenguna nu te kelibutan ne kenà heini egkehuyung.
Nengazen, iyan ka Megbevayè ku! Edalig a wey ebeǥey te zengeg kenikew su utew egkein-inuwi is menge mibpemeelan nu. Midtuman nu is menge pelanu nu he midhimu nu zengan te nehuna he timpu.
Egemiten din he iring te pengalang te kumeng is ketazeng, ne egemiten din he iring te hilmit is keluwasan. Idsul-ub din iring te visti is penimales wey rerangit.
Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”
Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.
Iyan heini ereg he ebeelan niw: Keǥiya niw is tutuu ziyà te kada sevaha keniyu. Iveǥey niw is metazeng he kukuman diyà te menge hukmanan niw he para te keupiyaanan te langun.
