Isaias 11:12 - Manobo Western Bukidnon OT

¹² Ibayew te Nengazen is sevaha he bendirà su ibpeehè din te menge nasyun he edtiǥumen din en is menge etew zin diyà te Israel wey Juda he ebpuun te nekedseselekawà he vahin te kelibutan.

Isaias 11:12 교차 참조

Salmo 107:3

Su midtigum kew zin puun te menge tanà diyà te edsilaan, edsenlepan, dizaya, wey zivavà.

Salmo 147:2

Mid-umanan tukuza te Nengazen is inged he Jerusalem; wey midtiǥum din umana is menge kevuwazan ni Israel he nevihag.

Salmo 60:4

Piru sikami is edtahud kenikew, ebpetizeenan key kenikew su wey key mekelikey te vesut te panà te menge kuntada.

Salmo 68:22

Migkaǥi is Nengazen te, “Ibpelikù ku is menge kuntada ku he ebpuun diyà te Bashan; ibpelikù ku sikandan ebpuun diyà te zizalem te zaǥat,

Isaias 11:10

Egkeuma is andew he is beǥu he hadì he kevuwazan ni David, egkeiring te bendirà he iyan tuus te menge etew ziyà te menge nasyun he kinahanglan edtiǥum dan. Edtiǥum dan diyà te kandin. Ne egkevantug is ubpeey zin.

Isaias 18:3

Sikiyu is langun he meǥinged kayi te kelibutan, bentayi niw is kebeyawa te bendirà diyà te vuntud, ne pemineǥa niw is daǥing te vudyung.

Isaias 24:16

Egkezineg is kanta ziyà te kinemeziyuan he vahin te kelibutan he edhenduen te, “Edeliǥen is Metazeng he Megbevayà!” Piru mekehizuhizu a su midluyahan a. Su mibpedayun gihapun is kedluib te menge meluiven he menge etew.

Isaias 27:13

Dutun he timpu ibpezaǥing is mezaǥing he vudyung. Ne ebpemenlikù diyà te Jerusalem is menge Israilihanen he nekaantus te kegkevihaǥa kandan diyà te Asiria wey Ehipto. Ne ed-ezapen dan is Nengazen, diyà te segradu he vuvungan diyà te Jerusalem.

Isaias 43:6

Egkaǥi a ziyà te menge nasyun he ziyà te zizaya wey zivavà te vey-ani zan en is menge kevuwazan nu he edlikù diyà te tanè dan, ne ibpeulì en sikandan puun te meziyù he menge lugar.

Isaias 49:22

Iyan heini egkeǥiyen te Nengazen he MEGBEVAYÀ: “Pemineg ka! Ed-uyawan ku is menge nasyun, ne idlikù dan diyà te kenikew is menge etew nu he iring te menge vatà he edsepipiyen.

Isaias 49:5

Puun pa ziyà te ǥetek te iney ku in-andam ad te Nengazen he egkehimu he suluǥuen din su para metiǥum wey ikelikù is menge Israilihanen diyà te kandin. Mibeǥayan a te Nengazen te zengeg, ne mibeǥayan a te zesen kayi te Megbevayè ku.

Isaias 54:7

Seled te mevavà he timpu mid-ewaan ku sikew, piru tenged te zekelà he hizu ku ed-umanan ku sikew egkuwaa.

Isaias 56:8

Migkaǥi zaan is Nengazen he MEGBEVAYÀ he midtiǥum te menge vinihag he menge Israilihanen te, “Edtiǥumen ku pa is duma, gawas duen te zaan en he netiǥum ku.”

Isaias 59:19

Minsan hendei edtehuzen sikandin wey ebeǥayan te zengeg te menge etew, su ebpekeuma sikandin he iring te edeǥurus he wahig he edhiyupen te mevendes he keramag.

Isaias 60:4

Tengteng ka ziyà te peliǥuy nu; netiǥum en is menge etew nu, ed-ulì en sikandan diyà te kenikew is ebpuun diyà te meziyù he menge lugar; henduen sikandan te menge vatà he edsepipiyen.

Isaias 62:10

Sikiyu is menge etew ziyà te Jerusalem, gawas kew ziyà te menge pultahan keniyan te inged niw, ne endama niw is egkeveyaan te zuma pa he menge zuma niw. Hiǥewani niw heini; iawè niw is menge vatu, ne ipekayabkayab niw is bendirà he iyan ebpetuus te menge etew ziyà te menge nasyun he ibpelikù en te Nengazen is menge etew zin.

Isaias 66:19

Ibpeehè ku sikandan te singyal. Ne is egkesamà kandan, edhimuwen ku he menge menunudtulà, ne edsuǥuen ku sikandan diyà te menge nasyun diyà te Tarshish, Pul, Lud (he nevantug is menge etew zuen te kegkemememanè dan), Tubal, Grecia, wey ziyà te zuma pa he meziyù he menge lugar he is menge etew zuen he wazà mekezineg te ventuǥan ku wey wazà mekaahà te ǥehem ku. Edtudtulen dan is gehem ku ziyà te menge nasyun.

Jeremias 23:3

Iyan a mismu edtiǥum te nesamà he menge etew ku puun diyà te nekedseselekawà he menge lugar he zutun ku sikandan ipeyapat, ne idlikù ku sikandan diyà te tanè dan, ne zutun ebmahabet sikandan utew.

Jeremias 30:17

Piru sikiyu ebewian ku mulà, edtembaran ku is menge palì niw. Minsan egkaǥi is duma te, sikiyu is menge tig-Jerusalem inselikwey wey mibey-anan en.”

Jeremias 50:4

“Dutun he timpu is menge etew ziyà te Israel wey Juda edsineǥew is edangep kayi te kedì, te Nengazen he Megbevayè dan.

Jeremias 51:12

Ivayew niw is bendirà niw he tuus te kedsurung niw ziyà te Babilonia. Umani niw pa is menge vantey ne ipepelastar sikandan peliǥuy te inged! Ne ibpepurung ibpepengandam para te tebek su timpu en heini he ebeelan te Nengazen is pelanu zin te kedezaat te menge etew ziyà te Babilonia.”

Ezekiel 28:25

Migkaǥi zaan is Nengazen he MEGBEVAYÀ te, “Ed-umanan ku te edtiǥum is menge etew te Israel puun te menge nasyun he zutun sikandan mekepeyapat. Pinaaǥi kandan igkepetuusan ku ziyà te menge nasyun is kegkewaǥas ku. Dutun he timpu ebpekeubpè en is menge Israilihanen diyà te keugelingen dan he tanà, he iyan kes tanà he imbeǥey ku ziyà te suluǥuen ku he si Jacob.

Hoseas 1:11

Egkeuman egkesevaha is menge etew te Israel wey Juda, ne ebpilì dan te sevaha he pengulu. Ed-uman dan ed-uswag dutun te tanè dan. Ne utew heeyan melipayen he timpu para te inged he Jezreel.

Hoseas 2:2

“Menge anak, dewaya niw is iney niw minsan kenè ku en sikandin esawa, wey kenè e zin en esawa. Dewaya niw sikandin he engkezi zin is kebpengumpadi.

Zefanias 3:10

Is menge etew ku he nekepeyapat diyà te egkehunaan te menge wahig diyà te Etiopia ed-uwit kayi te kediey te menge pemuhat.

Zacarias 10:6

“Edlig-enan ku is menge etew te Juda ne edlibriyen ku is menge etew te Israel. Ibpelikù ku sikandan diyà te kandan he lugar su nehizuwan ku sikandan. Wey tenged te iyan a Nengazen he Megbevayè dan, edtevaken ku is menge ked-ampù dan. Umbe iring ded te wazè ku sikandan iselikwey.

Zacarias 8:7

Edlibriyen ku is menge etew ku he mibihag pehendiyà te menge tanà diyà te edsilaan wey edsenlepan.

Deuteronomio 32:26

Migkaǥi a te ibpedsusuwey ku sikandan taman te kenè en sikandan egketenuzan kayi te kelibutan.