Isaias 10:1 - Manobo Western Bukidnon OT

^1-2 Mekehizuhizu kew is ebaal te kenè hustu he menge kesuǥuan he nenlupiglupig te menge pubri he emurè ku te inged, wey mibpekewazà te ketenged dan wey wazà medtuman te hustu he kukuman para kandan. Pinaaǥi kayi he menge kesuǥuan egkuwaan niw is azen te menge valu he vahi wey menge ilu.

Isaias 10:1 교차 참조

1 Hadì 21:13

Ne zutun dutun duen nekeuma he dezuwa he menge buguy ne mibpinuu zan diyà te etuvangan ni Nabot, ne insumbung dan sikandin diyà te etuvangan te menge etew. Ke sikandan te, “Mibpenrewakan ni Nabot is Megbevayà wey is hadì.” Umbe mid-uwit dan si Nabot diyà te ǥawas te inged ne mibpenuleng dan te vatu taman te kebpatey zin.

Salmo 58:2

Kenà! Su iyan niw zà ed-isipen is kebaal te mezaat. Ebpelebleviyan niw is menge etew ziyà te inged niw.

Exodus 23:3

Kenè niw depiǥi is pubri ziyà te hukmanan tenged te hizu niw kandin dutun te kasu zin.

Exodus 23:6

“Kenè niw limbungi ziyà te hukmanan is egkaayuayu.

Isaias 29:21

ragkes is langun he ebpen-ulug te kewusa, is edtuis te ketazeng diyà te hukmanan, wey is menge tistiǥus he edtarùtarù su para kenà mevaǥayì te hustu he kukuman is wazà mekesalà.

Isaias 3:11

Piru mekehizuhizu mulà is menge lalung, su ebpekeuma ziyà te kandan is bangkit. Ebelesan sikandan tenged te menge vaal zan.

Isaias 3:14

Edhukuman din is menge ebpemendumala wey menge pengulu te menge etew zin. Iyan heini sumbung din kandan, “Midezeetan niw is pemuleey ku te paras he iyan is menge etew ku. Nepenù is menge valey niw te menge azen he mibpenguwa niw ziyà te menge pubri.

Isaias 5:11

Mekehizuhizu kew is utew pa meselem he ed-enew en wey mekepuun en he ed-inum, ne taman te mezukilem is kebpelelengut niw.

Isaias 5:18

Mekehizuhizu kew is mibaal te salà wey kelelalung pinaaǥi te kedtarùtarù.

Isaias 5:23

Edlibriyen niw is ebpekesalà tenged te sipsip, piru wazè niw veǥayi te hustu he kukuman is wazà mekesalà.

Isaias 5:8

Mekehizuhizu kew is mibpekezakel te menge valey wey mibpekeluag te tanà taman te wazè en lugar para te zuma, ne iyan kew zà nesamà he ed-ubpà kayi he tanà.

Isaias 59:13

Midsupak wey midluivan tew is Nengazen; mid-iniyuǥan tew is Megbevayè tew. Edèdaaǥen wey ebpesipelahan tew is duma. Ebpurungan tew ed-is isipa ke ebmenmenuwen tew is kedtarùtarù tew.

Isaias 59:4

Wazà diyà te keniyu is hustu he kukuman; ne tarù is menge sumbung niw mehitenged te iring niw he etew. Ebpelanu kew te mezaat, ne ebeelen niw heini.

Jeremias 22:13

Mekehizuhizu ka, Hadì Jehoyakim, is mibpevangun te turuǥan nu pinaaǥi te kenà metazeng he paaǥi. Impeterebahu nu is iring nu he etew he wazè nu veyazi.

Amos 2:7

Edèdaaǥen dan is menge pubri wey wazè dan beǥayi te hustu he kukuman. Neulaula ziyà te kandan, he is amey wey is anak din he maama ebpekidhilavet te sevaha zà he vahi. Tenged kayi mibpendezeisey zan is waǥas he ngazan ku.

Micas 6:16

Egkehitavù heini keniyu su ǥeina te mid-iringan niw is mezaat he menge vaal, menge sulunuzen, wey menge sambag ni Hadì Omri wey te anak din he si Hadì Ahab. Umbe, edezeetan ku sikiyu, ne ed-un-undahan kew wey edsudien te menge etew ziyà te zuma he menge nasyun.”

Habakuk 2:12

“ ‘Kehizu niw te mibangun te inged pinaaǥi te pesipala. Andam kew he edhimatey te etew vasta mevangun heini.

Habakuk 2:15

“ ‘Mekehizuhizu kew su tenged te pauk niw mibpeel-elezan niw is menge etew ziyà te avey niw he menge nasyun. Henduen be te midlangut niw sikandan te vinu su wey maahà is kegkelevasi zan.

Habakuk 2:19

Kehizu niw te egkaǥi ziyà te ledawan he kayu etawa vatu te, “Kepukew ke en ne tevangi key.” Kenè ganì heeyan ebpekepenurù keniyu. Minsan mibpekeplaan heeyan te vulawan wey pelata, piru kenà heeyan uuyag.

Habakuk 2:6

Piru edsudien sikandan keniyan te menge etew ziyà te menge nasyun pinaaǥi te mesakit he menge lalag he edhenduen te, “ ‘Kehizu niw te ebpenguwa te menge azen he kenà keniyu, wey edtiǥum te ketiǥeyunan pinaaǥi te kebpenapì. Taman pa te keenu is ked-ul-ulaha niw keniyan?

Habakuk 2:9

“ ‘Mekehizuhizu kew is mibpehitindeg te menge valey pinaaǥi te selapì he nekuwa niw te mezaat he paaǥi. Midlig-enan niw is menge valey niw su wey kew kenà memenu emun ebpekeuma is kezeetan.