Isaias 1:8 - Manobo Western Bukidnon OT

⁸ Ne wazè en nesamà gawas te Jerusalem. Neiring heini te helungà diyà te pemuleey te paras etawa lawig diyà te menge pemuleey te timun he iyan dà nekehitindeg. Ne iring daan heini te inged he edliǥuyan te menge kuntada.

Isaias 1:8 교차 참조

Job 27:18

Is baley he ebengunen din iring keǥevù te valey te kelelawà etawa vuǥawan diyà te pemuleey.

Salmo 9:14

su wey ku ikeseysey ziyà te menge etew ziyà te menge pultahan te inged he Zion is menge mibeelan nu, he iyan igkezeliǥa ku kenikew. Ne edlipey a zutun tenged te kedlibriya nu kediey.

Isaias 1:7

Nehimu he mekevulungbulung is nasyun niw; ne nengevinsulan is menge inged niw. Ne nevembentayan niw is kebpenguwaa te menge veǥas te pinemula niw ziyà te vevesukè niw te menge etew ziyà te zuma he lugar. Edezeetan dan is tanè niw taman te kenè en heini egkepulusan.

Isaias 1:9

Emun wazà uuyag he midsamà kenitew te Nengazen he Mekeǥeǥehem, ne egkeiring kiw en te Sodom wey Gomora.

Isaias 10:32

Guntaan he andew ebpekeuma is menge tig-Asiria ziyà te Nob. Ne ed-uyew sikandan su edsurung dan diyà te Jerusalem, kes Buvungan he Zion.

Isaias 29:3

Ebpeliǥuyan ku is inged he Jerusalem. Ne ebpeveelan ku te menge turi-turi he veyeey te edsurung kayi, ne ebdtembuan ku te tanà is kilid te verengbeng su wey meǥampan heini.

Isaias 30:17

Is kebpenhulgà te sevaha kandan ne ibpekepelaǥuy te nengkelibu he menge sundaru niw. Ne is kebpenhulgà te lelima kandan ibpekepelaǥuy niw te langun. Egkeiring kew te tukud te bendirà he sebsevaha zà diyà te puntur te vuntud.”

Isaias 37:22

iyan heini egkeǥiyen te Nengazen he ebpekesuǥat diyà te kandin: “Ed-engitan ka wey edsudien ka te menge meǥinged diyà te Zion, he inged he Jerusalem. Ebpemengelengkeleng sikandan is ed-undaunda kenikew zutun te kebpelaǥuy nu.

Isaias 37:4

Midsuǥù te hadì te Asiria is peremandar te menge sundaru zin te ked-undaunda te uuyag he Megbevayà. Kela ke seǥipaa te Nengazen he Megbevayè nu is mibpengaǥi zuen te peremandar te menge sundaru ne edsilutan sikandin tenged dutun, umbe pengemuyù ka para kenitew te nengesamà.”

Isaias 4:4

Pinaaǥi te ǥehem din edhukuman din wey edlumpiyuwan din is kelelalung te menge vahi ziyà te Jerusalem wey is kebpemenhimatey zutun.

Isaias 49:21

Ne egkaǥi ka ziyà te gehinawa nu te, ‘Hentei ves is mid-anak kandan para kediey? Neǥerà is mahabet he menge etew ku, ne tenged kayi neseeng a. Is duma kandan mibihag pehendiyà te zuma he lugar, ne sebsevaha ku zà te nesamà. Ne hendei heini sikandan ebpuun? Hentei is mid-anak-anak kandan?’ ”

Isaias 62:11

Pemineg kew! Mibpeuwit is Nengazen kayi he menge lalag diyà te tivuuk he kelibutan: “Kegiyi niw is menge meǥinged diyà te Zion he ebpekeume en is Menluluwas dan, ne zuen din uwiten he suhul.

Isaias 8:8

Edeǥurus sikandan diyà te Juda he iring te zalem he teǥelieg is kezalem ne edlepayan dan is tivuuk he tanà.” Piru zuma zey ǥihapun is Megbevayà!

Jeremias 4:17

Midliǥuyan dan is Jerusalem he henduen be te ebantey sikandan te pinemula zan, su midsukulan a te menge tig-Jerusalem. Iyan a, is Nengazen, is migkaǥi kayi.

Jeremias 6:2

Egevaan ku is mekempet he inged he Jerusalem.

Penhulùhulù 2:1

Tenged te pauk te Nengazen midtembunan din te kerusirem is Zion. In-awè din is dengeg te dungganen he Israel he henduen be te intimbag din heini puun te langit pehendiyà te tanà. Tenged te kegkepauk din mibey-anan din minsan sikan is baley zin.

Penhulùhulù 2:6

Midrundus din is baley zin he henduen dà te midrundus he lawig diyà te vevesukà. Ketau zin he melipati te menge etew ziyà te Jerusalem is midtelaan he menge pista wey is menge Andew te Kedhimeley. Tenged te utew zin kegkepauk inselikwey zin is menge hadì wey menge memumuhat.

Zacarias 2:10

Migkaǥi is Nengazen te, “Ugyab kew tenged te kegkelipey, sikiyu is menge tig-Jerusalem, su ebpekeuma a ne ed-ubpà a zuma keniyu. Ne zutun he timpu, mahabet he menge nasyun is ebpesakup kedì. Ne egkehimu sikandan he menge etew ku.” Emun ekgehitavu en heini, egketuenan niw he iyan is Nengazen he Mekeǥeǥehem midsuǥù kedì pehendiyà te keniyu.

Zacarias 9:9

Migkaǥi is Nengazen te, “Ugyab kew tenged te kegkelipey is menge meǥinged diyà te Zion, he iyan is inged he Jerusalem, su ebpekeuma is hadì niw. Metazeng sikandin wey mezeeǥen. Kenà sikandin mepelevawen ne ebpekeuma he ed-untud te nati he asnu.