Isaias 1:6 - Manobo Western Bukidnon OT

⁶ Puun te ulu zin taman te parapara zin ne wazè en egkekaǥi ta he meupiya, su pudu en palì, daǥem, wey levag. Wazà heini melùlui, etawa mevukusi, etawa mevewii.

Isaias 1:6 교차 참조

2 Samuel 14:25

Wazà ebpekeiring te ketaid ni Absalom te tivuuk he Israel, umbe utew sikandin egkevantug te langun. Wazà igkesawey kandin puun te ulu pehendiyà te parapara.

Job 5:18

su is ebpelian din, ne edtembaran din; ne is ebpesekitan din, ne ebewian din wey meulii.

Salmo 77:2

Dutun te timpu te kelised ed-ampù a ziyà te Nengazen. Ne zutun te ked-ampù ku ke mezukilem kenà a egkeveley he ebayew te menge velad ku, piru wazè ku ǥihapun kelipey.

Isaias 30:26

Is kerayag te vulan egkehimu he iring te kerayag te andew, ne is kerayag te andew ne kepipitu egketakep, iring kerayag te kerayag te pitu he andew he impedtempuwà. Egkeulaula heini zutun te timpu te kebewii te Nengazen te menge palì he nehimu tenged te kedletiguwa zin keniyu te menge etew zin.

Jeremias 17:9

Utew limbungan is gehinawa te etew ne wazà meupiya he egkehimu zin. Hentei is egketau ke sengemenu is kezaat kayi?

Jeremias 30:12

Migkeǥiyan pa te Nengazen is menge etew zin te, “Is menge palì niw kenè en heini egkeulian su utew en grabi. Wazà ebpeketavang wey ebpeketambar keniyu. Wazè en bawì para keniyu.

Jeremias 30:15

Kenè kew riklamu tenged te palì niw he kenà egkeulian. Midsilutan ku sikiyu su utew en meveǥat is menge salè niw wey utew en mezakel.

Jeremias 33:6

“Piru egkeuma is timpu he ebpurungan ku heini he inged wey is menge meǥinged kayi. Ne ebpekepengungubpaan sikandan he meuswaǥen wey melinawen.

Jeremias 6:14

Wazè dan seǥipaa is palì te menge etew ku he iyan is uvag dà he kedtuu. Minsan gerabi heini, egkaǥi zan te ‘melinawen kiw’ minsan pa te iyan tutuu is duen tebek.

Jeremias 6:7

Iring heini te serebseb he kenà ed-engked he edtuda, su kenà daan egkeengked is kebaal te mezaat kayi. Layun egkezineg kayi he inged is kebpaantus wey kebpendezaat. Is daru wey palì kayi iyan layun ku egkaahà.

Nahum 3:19

Egkeiring ka te etew he teǥepalì he kenè en egkeulian is palì din. Is langun he ebpekezineg te tudtul mehitenged te kegkezeeti nu ebpakpak te kegkelipey, su is langun te sikandan ne layun nu ebpesipelahi.

Malakias 4:2

Piru sikiyu mulà is edtahud kediey, is ketazeng iring te andew he edsilà diyà te keniyu he ebpekevawì te menge zaru niw. Ne egkeiring kew te nati he menge vaka he ebpemenlinglingketew is egawas diyà te tudil.