Isaias 1:21 - Manobo Western Bukidnon OT

²¹ Ahàa niw man is inged he Jerusalem. Hein aney metinumanen is menge meǥinged kayi, piru ǥuntaan neiring en sikandan te vahi he ebelegyà te zengeg din. Hein aney metazeng he menge etew is ebpemen-ubpà diyà te Jerusalem, piru ǥuntaan menge teremunù.

Isaias 1:21 교차 참조

Zacarias 8:3

Edlikù a ziyà te Zion, kes inged he Jerusalem, ne ed-ubpà a ziyà. Ne egngezanan is Jerusalem te Metinumanen he Inged wey egngezanan heini is buvungan ku te Buvungan he Segradu.

Hoseas 11:12

Migkaǥi pa is Nengazen te, “Layun e zà edterterui wey edlelunga te menge tig-Israel. Ne is menge tig-Juda mibpedayun te kebpekeziyù kayi te kedì, te Megbevayà he waǥas wey metinumanen.

Jeremias 3:1

“Emun edsuwayan te maama is esawa zin ne mibpeuman mebpeesawa, ne kenè din en haazà ed-umanan ed-esewaa su utew heini ebpekeremerik te tivuuk he tanà. Piru sikiyu is menge Israilihanen nengungubpaan kew he iring te vahi he ebelegyà te zengeg din. Mahabet is menge ed-ezapen he mibmahal niw. Piru minsan pa te iyan haazà, mid-umew ku pa ǥihapun sikiyu te kedlikù kayi te kedì. Iyan a, is Nengazen, is migkaǥi kayi.

Isaias 48:2

Egngeranan niw is keugelingen niw he meǥinged diyà te segradu he inged, ne egkaǥi kew te edsarig kew te Megbevayà te Israel, he iyan ngazan din is Nengazen he Mekeǥeǥehem.”

Isaias 5:7

Is pemuleey te Nengazen he Mekeǥeǥehem he mid-elimahan din wey igkelipey zin, iyan is menge etew ziyà te Israel wey Juda. Edtaǥad sikandin he tumana zan is hustu he kukuman, piru nasì dan mebpenhimatey. Edtaǥad sikandin he veeli zan is metazeng, piru nasì dan mebpendaagdaag.

Salmo 48:8

Netudtulan key zà dengan te menge vaal te Megbevayà, ne guntaan neehè dey en heini ziyà te inged te Megbevayè dey, he Mekeǥeǥehem he Nengazen. Edlig-enan din heini he inged te taman te taman.

Salmo 48:1

Mekeǥeǥehem is Nengazen he Megbevayè tew, ne ereg sikandin he edeliǥen is diyà te inged din he iyan is Jerusalem he ziyà te segradu he vuvungan din.

Salmo 46:4

Duen wahig he ebpekeveǥey te kelipey ziyà te inged te Megbevayà, kes segradu he ubpeey te Utew Lavew he Megbevayà.

Nehemias 11:1

Dutun he timpu, is menge pengulu te menge etew ziyà te Israel ziyè ed-ubpà te Jerusalem, he iyan kes segradu he inged. Dutun midripa is menge etew he ziyè med-ubpà te gawas te Jerusalem su egkeusatan dan he kada sepulù he pemilya ne zuen senge pemilya he ziyà ebpekeubpà te Jerusalem, ne sikan is egkesamà ne kenè en mulà ed-awà diyà te menge inged dan.

2 Cronica 19:9

Iyan heini menge mandù din kandan: Kinahanglan he mebpenilbi kew he metinumanen wey ebpuun te ǥehinawa niw duma is kedtahud te Nengazen.

2 Samuel 8:15

Nehimu he hadì si David te tivuuk he Israel ne mibeelan din is metazeng wey hustu para te langun he menge etew zin.

Isaias 1:22

He Jerusalem, hein aney mevali ka iring te pelata, piru ǥuntaan wazè nu en pulus. Hein aney iring ka te vinu he wazè din sahug piru ǥuntaan nesehuǥan te wahig.

Isaias 59:3

Su ebpenhimatey kew te etew, wey ebaal kew te zuma pa he mezaat. Midtarùtarù kew wey migkaǥi kew te mezaat he menge lalag.

Isaias 59:14

Ne iyan heeyan hinungdan he wazè pa siluti te Megbevayà is menge kuntada tew wey wazè kiw zin pa veǥayi te kezeeǥan duma is ketazeng. Egketembunan en is tutuu ziyà te minsan hendei; is menge etew kenè en egkeseriǥan.

Isaias 59:15

Uya, naawè en is ketutuanan, ne is menge edlikey te kebaal te mezaat ne ebpesipelahan. Naahà heini te Nengazen, ne wazè din ikelipey is kenà ked-ikul te hustu he kukuman.

Habakuk 1:4

Umbe, nehimu he wazè en pulus te kesuǥuan; wazè en ul-ulaha is hustu he kukuman su is menge etew he nekesalà, ne iyan ebpekezaag diyà te hukmanan ne kenà iyan is wazà mekesalà. Umbe nevulegkù en is hustu he kukuman.”

Isaias 26:10

Minsan egkehizuwan nu is lalung he menge etew, wazà gihapun sikandan mebpenginenau te metazeng he kebpengungubpaan. Minsan diyà sikandan ed-ubpà te tanà te menge metazeng, edsigudu zan gihapun ebaal te mezaat, ne wazè dan kilelaa is kegkemekeǥeǥehem nu.