Isaias 1:18 - Manobo Western Bukidnon OT

¹⁸ Migkaǥi pa is Nengazen te, “Hendini kew, su edhusayen tew heini. Minsan sengemenu keremerik is menge salè niw, edlumpiyuwan ku heeyan su wey kew mehimu he lumpiyu.

Isaias 1:18 교차 참조

Job 9:33

Angin pezem ke zuen ebpekepeteliwazà kenami he edhusey kenami te zezuwa.

Salmo 51:7

Iawè nu is menge salè ku su wey a melumpiyuwi; lùlui a su wey a mebmeputì.

Salmo 51:9

Iawè nu is menge salè ku; penasa nu is langun he kelelalung ku.

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Isaias 3:13

Andam en is Nengazen he edhukum te menge etew zin

Isaias 41:1

Migkaǥi is Nengazen te, “Sikiyu is menge etew ziyà te meziyù he menge lugar, kenè kew megurub ne pemineg kew kedì. Sikiyu is menge meǥinged diyà te menge nasyun, mebpekelig-en kew ne uvey kew kayi te kediey, ne keǥiya niw is menge riklamu niw. Edtiǥum kiw ne edhusayen tew heini.

Isaias 41:21

Migkaǥi is Nengazen, he hadì te Israel ziyà te menge ed-ezapen te, “Sigi, riklamu kew en wey mebpengetezengan!

Isaias 44:22

Id-awè ku en is menge salè nu iring te kivel etawa gapun. He Israel, likù ka kayi te kedì, su edlibriyen ku sikew.”

Isaias 50:8

Kayi te uvey ku is Megbevayà he mibpahayag he wazà a mekesalà. Hentei is ebpekesumbung kedì? Mebpaahà sikandin su ebpeetuvangè key!

Isaias 55:7

Ipeengked en is menge lalung te kedlalunglalung, ne ipeengkezi kandan is mezaat he ked-isip-isip dan. Ipelikù en sikandan diyà te Nengazen he Megbevayè tew su egkehizuwan din sikandan wey ebpeseyluwen.

Jeremias 2:5

Iyan heini migkaǥi te Nengazen: “Hengkey is sayep ku he naahà te menge kepuun niw he iyan hinungdan te kebpekeziyui zan kedì? Iyan dan midsunud is menge ed-ezapen he wazà menge pulus, ne tenged dutun nehimu zaan sikandan he wazà menge pulus.

Ezekiel 18:27

Piru is lalung he etew he ed-engked he edlalunglalung su ebaal te metazeng wey hustu, egkelibri zin is untung din.

Ezekiel 33:16

Is minsan hengkey he salà he nehimu zin ne kenè en edtentenuzan is kedèdeeti kandin tenged dutun. Ne tenged te mibaal sikandin te hustu wey metazeng, siguradu he egkeuyag-uyag sikandin.

Micas 6:2

Ne sikiyu is menge vuntud wey melig-en he menge pundasyun te kelibutan, pemineǥa niw is riklamu te Nengazen mehitenged te menge Israilihanen he menge etew zin. Iyan heini riklamu zin:

1 Samuel 12:7

Guntaan, kenè kew awà diyà te etuvangan te Nengazen he iyan is nehitindeǥan niw ǥuntaan, su idsumbung ku sikiyu. Ibpetentenuzan ku keniyu is menge keupiyaanan he mibeelan te Nengazen diyà te keniyu wey menge kepuun niw.