Isaias 1:14 - Manobo Western Bukidnon OT

¹⁴ Egkeepesan ku is menge Pista niw te Kebpuun te Hayag wey is duma he menge pista niw. Igkeveǥati ku heini; ne kenè ku egkaantus.

Isaias 1:14 교차 참조

1 Cronica 23:31

Sikandan daan is ed-uǥup te ebpemuhat te pemuhat he edtutungen para te Nengazen te menge Andew te Kedhimeley, te Pista te Kebpuun te Hayag, wey te zuma pa he menge pista. Duen menge sulunuzen ke pira te menge Levihanen is edterebahu kayi he menge vuluhaten wey ke ebmenmenuwen dan te ebaal.

Isaias 29:1

Migkaǥi is Nengazen te, “Mekehizuhizu is Jerusalem, kes inged he mid-ubpaan ni David! Edtulung edsilibra te menge pista is menge meǥinged kayi kada tuig,

Isaias 29:2

piru edsurungen ku heini, ne ebpemekesineǥew wey ebpemenhulùhulù haazà is menge meǥinged. Ne edhimuwen ku haazà is tivuuk he inged he iring te pemuhatà he egkepenù te lengesa.

Isaias 43:24

Wazà a kenikew pemesahi te veyewà etawa wazà a kenikew pezaa te tavà te menge pemuhat nu. Piru mibpeveǥatan a hinuun kenikew wey midsamuk nu te menge salè nu.

Isaias 61:8

“Su siak, is Nengazen, dekelà diyà te gehinawa ku is hustu he kukuman. Egkeepesan ku is kebpenakew wey zuma pa he mezaat he vaal. Tenged te kebmetinumanen ku ebeǥayan ku te suhul is menge etew ku wey ebpekid-uyun a kandan te uyun he wazà pidtemanan.

Isaias 66:23

Ne kada kebpuun te hayag wey kada Andew te Kedhimeley ne ed-azap kedì is langun he menge etew. Iyan a, is Nengazen, is egkaǥi kayi.

Isaias 7:13

Migkaǥi si Isaias te, “Pemineg kew is menge kevuwazan ni David! Kenè be subre en is kebpetigkerà niw te menge zuma niw he menge etew? Ne ǥuntaan iyan niw en maan ibpetigker is Megbevayè ku!

Hoseas 2:11

Ibpeengkezan ku en is langun he ispisyal he menge timpu te ked-azap he edsilibrahan din kada tuig, kada vulan, wey kada simana.

Hoseas 5:7

Siak is esawa niw, midluivan a keniyu te menge kevuwazan ni Israel, su ǥeina te kenà kediey is menge anak niw. Umbe ǥuntaan, edezeetan ku sikiyu wey is menge tanè niw seled dà te senge vulan.

Amos 2:13

Umbe, pemineǥa niw heini: Edhimuwen ku he meveǥati kew iring te kerumata he nepenù te sebpet.

Amos 5:21

“Egkeepesan ku is menge pista niw; wazè ku ikelipey is menge ketiǥuman niw.

Zacarias 11:8

Naawà is pelavey ku zuen te tetelu he menge perevantey te menge kerehidu he nepeukan e zan. Umbe impaawè ku sikandan is langun seled dà te senge vulan.

Malakias 2:17

Migkaǥi pa si Malakias te, “Neperahan en is Nengazen he ebpemineg te menge lalag niw. Ne ed-insè kew te, ‘Hengkey is mibeelan dey he iyan ingkeperahi te Nengazen te menge lalag dey?’ Migkaǥi kew te is langun he mibaal te mezaat ne meupiya is ked-ahaa kandan te Nengazen, ne nekepenunuat sikandan kandin. Migkaǥi kew pa te, ‘Hendei en buwa is Megbevayà he metazeng is kukuman din?’ ”