Hoseas 9:6 - Manobo Western Bukidnon OT

⁶ Minsan egkepeleǥuyan niw is kezeetan, edtiǥumen kew gihapun diyà te Ehipto ne idleveng kew ziyà te Memfis. Egketembuan dà te sagbet wey zuǥiyen he dezeisey he kayu is mahalen he menge gelemiten niw he pelata wey is menge tulda niw.

Hoseas 9:6 교차 참조

2 Hadì 13:7

Dutun te huziyan he timpu, is nesamà diyà te ki Jehoahaz, iyan dà is 50 he pereuntud te kudà, 10 he kerwahi, wey 10,000 he sundaru, su is duma mibpenhimetayan te hadì diyà te Aram, he henduen be te eliyavuk he midtekutakan.

Salmo 107:34

Midhimu zin he wazà pulus duen te meupiya he tanà, su ǥeina te menge lalung is nen-ubpà duen.

Erubasa 24:31

Mid-erikumunan en heini te ribpes wey zuǥiyen he menge zezeisey he kayu, ne nerundus en is menge alad kayi.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 19:13

Utew menge tulebung is menge upisyal ziyà te Zoan, wey is menge upisyal ziyà te Memfis egkehimu he edigdiǥen. Iyan pezem sikandan sikan is menge pengulu he ereg he egiya te menge etew ziyà te Ehipto, piru iyan en hinuun sikandan midtazin kayi he menge etew.

Isaias 27:12

Emun egkeume en haazà, edtiǥumen te Nengazen is menge Israilihanen puun te Wahig he Eufrates taman te zal-ug te Ehipto he iring te kedtiǥum te ginunas he trigu.

Isaias 32:13

Is tanà te menge etew ku edtuvuan dà te zuǥiyen he zezeisey he kayu wey menge sagbet. Ne egkaawà is melipayen he menge pemilya wey is inged he melipayen is menge etew zuen.

Isaias 34:13

Ebpenuvuan dà te menge zuǥiyen he zezeisey he kayu is binerengbeng he menge inged dan wey is melig-en he menge vahin kayi. Ne ed-ubpà dutun is menge ekang wey is leew he menge asu.

Isaias 5:6

Ebpesegdanen ku en heini he pemuleey. Kenè ku en ebpenempezen is subpang etawa edterebehuwen is tanà duen. Etuvuan dà heini te menge sagbet wey duǥiyen he dezeisey he kayu. Ne egkeǥiyan ku is menge ǥapun he kenè dan heini petiǥisi te uzan.”

Isaias 7:23

Dutun daan he timpu, is pemuleey te paras he zuen duen 1,000 he puun he 1,000 he pelata is bali zin egkeeneb te zuǥiyen he zezeisey he kayu ne ebmeribpesen en heini.

Jeremias 2:16

Is menge tig-Memfis wey tig-Tapanhes is midezaat kayi.

Jeremias 42:22

Umbe, egkeǥiyen ku keniyu he siguradu he ebpematey kew te tebek, bitil, wey zaru diyà te Ehipto, he iyan egkesuatan niw te ed-ubpa.”

Jeremias 44:1

Migkeǥiyan te Nengazen is menge Israilihanen diyà te Ehipto he ziyà med-ubpà te zizaya he vahin te Ehipto he iyan is menge inged diyà te Migdol, Tapanhes, wey Memfis, ragkes daan is diyà te zivavà he vahin te Ehipto.

Jeremias 44:12

Sikiyu is menge tig-Juda he nesamà he uuyag he migaanggaan medhengkayi su wey mekeubpà kayi te Ehipto. Ebpatey kew is langun puun te kinemevevaan pehendiyà te kinetikangan is ked-etew zin. Uya, ebpematey kew kayi pinaaǥi te tebek wey vitil kayi te Ehipto. Edrewakan kew wey egkelimezangan is menge etew tenged keniyu. Ed-un-undahan kew zan wey edsudien.

Jeremias 44:13

Ebeelan ku ziyà te keniyu kayi te Ehipto is iring te mibeelan ku ziyà te Jerusalem. Edsilutan ku zaan sikiyu pinaaǥi te tebek, bitil, wey zaru.

Jeremias 46:14

“Jeremias, tudtula nu heini ziyà te Ehipto, Migdol, Memfis, wey Tapanhes: Pengandam kew su naandam en is ispada he idezaat keniyu.

Jeremias 46:19

Sikiyu is menge meǥinged diyà te Ehipto, tinesa niw en is ed-uwiten niw su ebihaǥen kew en. Egkezeetan is Memfis ne egkehimu heini he mekevulungbulung ne wazè en ed-ubpà kayi.

Ezekiel 30:13

Migkaǥi pa is Nengazen he MEGBEVAYÀ te, “Edèdeetan ku zaan is menge ledawan te menge ed-ezapen diyà te Memfis. Wazè en ebpengulu te Ehipto ne ebpelihendeken ku is langun he meǥinged kayi.

Ezekiel 30:16

Ebinsulan ku is Ehipto! Ebpekezag-es tenged te kegkesekiti is menge tig-Pelusium. Egkezeetan is Tebes, ne layun egkahandek is menge tig-Memfis.

Hoseas 10:8

Edrundusen is menge simbahan diyà te metikang he menge lugar ziyà te Aven, he iyan nehimu he hinungdan te kebpekesalà te menge tig-Israel. Ebmelayat is ebpenuvù he menge zuǥiyen ne ebpeketambun heini te menge pemuhatè dan. Ne egkeǥiyan dan is menge vuntud te, ‘Tempaǥi key wey vunbuni!’ ”

Hoseas 11:11

Meǥaan dà ne ebpekeuma kew en iring te menge tagbis he ebpuun diyà te Ehipto etawa iring te menge merepatik he ebpuun diyà te Asiria. Ibpeuman ku sikiyu ibpeubpà diyà te menge valey niw. Iyan a, is Nengazen, is migkaǥi kayi.”

Hoseas 2:6

“Umbe edurengen ku sikandin te zuǥiyen he zezeisey he kayu su para kenà sikandin mekeǥawas.

Hoseas 7:11

Iring sikandan te merepatik, he melemu zà he ed-ekalan wey wazè din emet. Mibuyù sikandan te tavang diyà te Ehipto wey Asiria.

Hoseas 7:13

Mekehizuhizu zan su mibpekeziyù dan kayi te kedì. Edezeetan ku sikandan su nekidsukulà sikandan kediey. Egkesuat a pezem he edlibri kandan piru tarù is migkaǥi zan mehitenged kediey.

Hoseas 7:16

Midangep dan diyà te wazè din pulus. Iring sikandan te nezeetan he panà he wazè din en pulus. Ebpatey te tebek is menge pengulu zan su wazè dan kedtahud emun egkaǥi zan. Tenged kayi ed-engitan sikandan te menge tig-Ehipto.

Hoseas 8:13

Nemuhat sikandan kayi te kedì ne migkaan dan is usa te uyaǥen he ibpemuhat dan, piru wazè ku sikandan ikelipey. Ne ǥuntaan ed-isipen ku is kelelalung dan; edsilutan ku sikandin tenged te menge salè dan. Ne edlikù sikandan diyà te Ehipto.

Hoseas 9:3

Ed-awè kew kayi te Israel he tanà te Nengazen, ne edlikù kew ziyà te Ehipto. Is duma keniyu edhendiyà te Asiria, ne zutun egkaan kew te menge keenen he mid-isip niw he meremerik.

Leviticus 26:33

Ebpeeǥiyan ku sikiyu te tebek he edezaat te tanè niw ragkes en is menge inged kayi, ne ibpeyapat ku sikiyu ziyà te zuma he menge nasyun, ne egkehimu he mekevulungbulung is tanè niw.

Zefanias 1:11

Edsineǥew kew is ebpemen-ubpà diyà te alug he vahin te inged he Jerusalem su ebpemematey is langun he menge nigusyanti niw.

1 Samuel 13:6

Ne hein naahà te menge Israilihanen he dilikadu zan, ne nen-eles dan diyà te menge surung, wey ziyà te menge budsi, wey ziyà te menge nekesungkarub he menge vatu, wey ziyà te menge kalut.