Hoseas 8:4 - Manobo Western Bukidnon OT

⁴ Mibpilì dan te menge hadì wey menge upisyal he wazè ku pilìa. Mibeelan dan he menge ed-ezapen is menge pelata zan wey menge vulawan. Ne heini he menge ed-ezapen iyan mid-uwit te kezeetan diyà te kandan.

Hoseas 8:4 교차 참조

1 Hadì 12:28

Umbe, hein nepasad is kebpesambag ni Jeroboam mehitenged kayi te neisip din, ne mibpevaal sikandin te zezuwa he vulawan he vaka. Ne migkeǥiyan din is menge etew te, “Sikiyu is menge Israilihanen, egkereǥenan kew en te layun kedhendiyà te Jerusalem. Ne heini zed is menge ed-ezapen he mibpeǥawas keniyu ziyà te Ehipto.”

1 Hadì 13:34

Heini is mibeelan ni Jeroboam nehimu he hinungdan te kebpekesalà te pemilya zin wey nekeuwit te kezeetan wey kemetayen diyà te kandan.

1 Hadì 16:31

Ne kurang pa ziyà te kandin is ked-iring te menge salà he mibeelan ni Jeroboam, kekenà, mid-esawa zin si Jezebel he anak ni Hadì Etbaal he tig-Sidon, ne nenilbi sikandin wey mid-azap te ed-ezapen he si Baal.

Jeremias 16:20

Egkeveelan be te etew is megbevayè din? Emun egkeveelan din, ne kenà heeyan tutuu he megbevayà!’ ”

Ezekiel 18:31

Engkezi niw en is kebaal niw te salà ne beǥuwa niw en is kebpengungubpaan niw su kenè kew ereg he ebpatey is menge etew te Israel.

Daniel 3:1

Dutun he timpu, mibpevaal si Nebucadnezar te ledawan he vulawan. Is ketikang din 90 he ǥiek ne 9 he ǥiek is keluag din. Ne hein nepasad en haazà, impehitindeg din diyà te suǥud diyà te Dura diyà te prubinsya he Babilonia.

Hoseas 13:1

“Dengan, emun egkaǥi is tribu ni Efraim egkerkeren te kegkahandek is duma he menge tribu te Israel, ne edeliǥen dan heini. Piru nekesalà is menge etew kayi he tribu tenged te ked-azap dan ki Baal. Umbe nemematey sikandan.

Hoseas 13:2

Guntaan, sikiyu is migngezanan te Efraim, mibpedayun kew he ebaal te salà. Mibeelan niw he ledawan is menge pelata niw su ed-ezapen niw. Piru heini is langun, mibeelan dà te etew zà duen ne pinaaǥi zà heini te neisip din. Migkaǥi kew pa te ebpemuhat kew te etew kayi te menge ed-ezapen he vaka ne edhazek kew ziyà te kandan.

Hoseas 2:8

“Wazè din isipa he iyan a mibeǥey kandin te trigu, binu, lana, wey mahabet he menge pelata wey vulawan he mibeelan dan he ledawan ni Baal.

Hoseas 8:3

Piru inselikwey zan is meupiya, umbe edel-asen sikandan te menge kuntada zan.