Hoseas 8:14 - Manobo Western Bukidnon OT

¹⁴ Midlipatan te menge tig-Israel is midlimbag kandan. Sikandan wey is menge tig-Juda mibangun te menge turuǥan wey mahabet he menge inged he midliǥuy te verengbeng. Piru ebinsulan ku is menge inged dan wey is menge melig-en he menge vahin kayi.”

Hoseas 8:14 교차 참조

1 Hadì 12:31

Mibpevaal pa si Jeroboam te menge simbahan diyà te metikang he menge lugar, ne zuen menge etew he midhimu zin he menge memumuhat, minsan kenà sikandan kevuwazan ni Levi.

1 Hadì 16:31

Ne kurang pa ziyà te kandin is ked-iring te menge salà he mibeelan ni Jeroboam, kekenà, mid-esawa zin si Jezebel he anak ni Hadì Etbaal he tig-Sidon, ne nenilbi sikandin wey mid-azap te ed-ezapen he si Baal.

2 Hadì 18:13

Hein ike-14 he tuig te kedhadì ni Hezekia ziyà te Juda, midsurung ni Hadì Senakerib he hadì te Asiria is langun he vinerengbeng he menge inged diyà te Juda, ne naaǥew zin heini.

2 Cronica 26:10

Midtukud daan sikandin te menge turi ziyà te sibsivayan ne mibpekalut te mezakel he menge vudsi he punduwà te wahig su utew mezakel is menge ayam din diyà te menge mibuntud-buntud diyà te edsenlepan wey ziyà te menge suǥud. Mevasuk daan sikandin. Duen din menge sakup he ebantey zutun te menge vevesukè din wey menge pemuleey te paras diyà te menge vuvungan wey ziyà te egkeveluyan he menge suǥud.

2 Cronica 27:4

Iyan daan sikandin midtukud te menge inged diyà te menge vuvungan seled te Juda, wey midtukud daan te melig-en he menge kutà wey menge turi ziyà te menge keyuwen.

Salmo 106:21

Midlipatan dan is Megbevayà he midlibri kandan wey mibaal te mekeǥeǥehem wey egkein-inuwan he menge vaal ziyà te Ehipto he tanà te menge kevuwazan ni Ham, wey sikan is baal zin diyà te Zaǥat he Meriǥà.

Salmo 95:6

Kuwa kew en, edluhud kiw te ked-ezapa te Nengazen he midlimbag kenitew.

Isaias 17:10

Egkehitavù heini keniyu te menge tig-Israel, su ǥeinà te midlipatan niw is Megbevayà he menluluwas niw, he iyan batu he egkeendilungan niw. Umbe minsan ebpemula kew pa te meupiya he kelasi te menge pinemula, iring te paras he ebpuun pa ziyà te zuma he lugar,

Isaias 29:23

Su emun egkeehè dan is menge vaal ku para kandan, ne edtehuzen e zan is Waǥas he Megbevayà ni Jacob, ne egkilelaan dan is kegkewaǥas ku. Igkahandek e zan is Megbevayà te Israel.

Isaias 42:13

Ebpekidtebek is Nengazen he iring te sundaru he andam en he ebpekidtebek. Ebpengulahì sikandin he tuus te edsurung en, ne egkezaag din is menge kuntada zin.

Isaias 42:25

Umbe impaahà te Nengazen kenitew is dekelà he pauk din pinaaǥi te kebpeentusa zin kenitew te tebek. Is pauk din iring te hapuy he nekevekuku wey neketutung kenitew, piru wazè tew heini isipa wey seǥipaa.

Isaias 43:21

Iyan heini menge etew he midlimbag ku su para mehimu he kediey, wey para deliǥa e zan.

Isaias 9:10

“Nengerundus is menge valey zey he iyan inhiman duen is brik wey kayu he sikemur, piru edliwanan dey heini te melig-en wey mekempet he menge valey he iyan idhiman duen is batu he vinesbasan wey kayu he sidru.”

Isaias 9:9

Ne egketuenan heini te langun he menge etew ziyà te Israel, ragkes en is diyà te Samaria he kepital zin. Ne ǥuntaan ebpelavew zan pa wey ebpahambug he ke sikandan te,

Jeremias 17:27

Iyan, emun kenè kew edsunud kediey su kenè niw ed-isipen he segradu he andew is Andew te Kedhimeley, kekenà, ed-uwit kew te menge velegyè niw ziyà te menge pultahan te Jerusalem dutun he andew, ebinsulan ku is menge pultahan te Jerusalem ragkes is melig-en he menge vahin kayi he inged, ne wazà ebpekeevuk kayi he hapuy.’ ”

Jeremias 2:32

“Egkelipatan be te raǥa is elahas din etawa visti zin te eseweey? Kenà, piru sikiyu is menge etew ku, nelipatan a keniyu seled te neuǥet he timpu.

Jeremias 23:27

Kunaan dan ke pinaaǥi te kedtudtula zan te menge teǥeinep dan, igketukù dan is menge etew ku para melipat kedì, iring te kegkelipati kedì te menge kepuun dan he pinaaǥi te ked-azap dan ki Baal.

Jeremias 3:21

“Egkezineg is keǥurub diyà te zemilag te menge vuvungan. Ed-erang wey ebpehizuhizu is menge etew te Israel tenged te mezaat he menge vaal zan wey kedlipati zan kedì, te Nengazen he Megbevayè dan.

Jeremias 5:17

Ed-eminen dan is menge abut niw, menge keenen niw, menge paras wey menge higus niw. Ebpenhimetayan dan is menge anak niw wey is menge uyaǥen niw. Ebengkaǥen dan is dezekelà he menge inged niw he neliǥuy te verengbeng he midseriǥan niw.

Ezekiel 23:35

Ne ǥeina te midlipatan a kenikew wey mid-iniyuǥan, ne siak is Nengazen he MEGBEVAYÀ, egkaǥi a he egkerasey ka tenged te mahawag he vaal he iyan is kebelegyè nu te zengeg nu.’ ”

Hoseas 13:6

Piru hein midtuvazan ku sikiyu ne mid-uswag kew, nehimu kew he mepelevawen ne midlipatan ad keniyu.

Hoseas 2:13

Edsilutan ku sikandin su zuen menge timpu he midtutung sikandin te veyewà diyà te ledawan ni Baal. Inseluub din is menge elahas din ne midal-as din is menge kumpadi zin, ne siak mulà, ne midlipatan e zin en. Iyan a, is Nengazen, is migkaǥi kayi.

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

Amos 1:10

Umbe, ebinsulan ku is menge verengbeng te Tyre wey is melig-en he menge vahin kayi he inged.”

Amos 1:12

Umbe, ebinsulan ku is Teman wey is melig-en he menge vahin te Bozra.”

Amos 1:14

Umbe, ebinsulan ku is menge verengbeng diyà te Raba wey is melig-en he menge vahin kayi he inged; dutun ebpengulahì te kulehian te kebpekidtebek is menge kuntada zan he edsurung kandan, he edselenuhug heini iring te vagyu.

Amos 1:4

Umbe, ebinsulan ku is turuǥan ni hadì Hazael wey is melig-en he menge vahin te Damascus he mibpeveelan te anak din he si Ben Hadad.

Amos 2:5

Umbe, ebinsulan ku is Juda ragkes is melig-en he menge vahin te Jerusalem.”

Deuteronomio 32:18

Midlipatan dan is Megbevayà he iring te vatu he iyan melig-en he egkeendilungan dan he iyan midlimbag kandan.