Hoseas 7:5 - Manobo Western Bukidnon OT

⁵ Dutun te menge keemuran te hadì dan, midlangut dan is menge upisyal zin. Ne minsan haazà is hadì nekid-inum dutun te ebusedur he menge upisyal zin.

Hoseas 7:5 교차 참조

Genesis 40:20

Ne netuman iyan haazà su neketelu pa zutun iyan kedsilibra te ked-enaka te hadì te Ehipto ne midtukud sikandin te keemuran ne impetampu zin is langun he menge upisyal zin. Mid-umew zin is egalen te menge pereuwit te inumen wey is egalen te menge mememaal te supas ne impeetuvang sikandan te menge zuma zan he upisyal.

1 Hadì 13:4

Ne kegkezineǥa zutun ni Hadì Jeroboam, ne intezù din haazà is etew he ke sikandin te, “Dekepa niw sikandin!” Ne midtinderan is belad duen te hadì, umbe kenè din en igkehendiyà te zizalem is belad din.

Salmo 1:1

Deyzey is etew he kenà ebpemineg te penurù te menge lalung, wey kenà ed-iring te ebeelan te menge mekesesalà, wey kenà ebpekiduma kandan he ed-undaunda te Megbevayà.

Salmo 69:12

Iyan a layun ed-ituka te menge etew he ebpemimpinuu ziyà te pultahan te inged, ne egkekanta is egkengelangut te kanta he idsudì kedì.

Erubasa 13:20

Is etew he uluwanen layun ebpekiduma te iring din he uluwanen, iyan, ebpekebmereǥen mulà is etew he layun ebpekiduma te tulebung.

Erubasa 20:1

Is subra he ked-inum te vinu he ebpekelangut, iyan ibmesamuk te etew. Is etew he lelenguten kenà egkehimu he uluwanen.

Isaias 28:1

Mekehizuhizu is Samaria, he henduen be te kuruna he vulak, he ibpegalbu te menge lelenguten he menge pengulu te Israel. Heini he inged diyà mekepelastar te uuzaran he suǥud, piru egkaawà is kekempet din iring te vulak he egkeǥangu.

Isaias 28:14

Umbe, sikiyu is memesudì he menge edumala kayi te menge etew ziyà te Jerusalem, pemineǥa niw is Nengazen.

Daniel 5:23

mid-isip nu he lavew ka te Nengazen diyà te langit. Impekuwa nu is menge inumà he puun diyà te valey te Megbevayà ne mid-inuman nu heini zuma te menge meǥeliyug nu he memetikang is ked-etew, menge esawa nu he lavew, wey is menge esawa nu he kenè lavew. Ne liyu keniyan, mid-azap nu is menge ledawan he ed-ezapen he pelata, bulawan, brunsi, putew, kayu, wey vatu–menge ed-ezapen he kenà ebpekaahà, kenà ebpekezineg, wey kenà ebpekesavut. Piru wazè nu mulà deliǥa is Megbevayà he iyan migawed te untung nu wey iyan ebayàbayà ke hengkey is egketemanan nu.

Hoseas 7:3

Nelipey zan is menge hadì dan wey menge upisyal zan pinaaǥi te kelelalung wey kedtarùtarù dan.