Hoseas 7:11 - Manobo Western Bukidnon OT

¹¹ Iring sikandan te merepatik, he melemu zà he ed-ekalan wey wazè din emet. Mibuyù sikandan te tavang diyà te Ehipto wey Asiria.

Hoseas 7:11 교차 참조

2 Hadì 15:19

Dutun he timpu, midhendiyà si Hadì Tiglat Piliser he hadì te Asiria te Israel su edsurungen din heini. Mibeǥayan ni Menahem si Tiglat Piliser te 35,000 he kilu he pelata su para tevangi zin si Menahem te kebpeiseǥa te kelig-en te kedhadì din.

2 Hadì 16:7

Midsuǥù si Ahaz te menge menunudtulà te kedtudtul ziyà te ki Hadì Tiglat Piliser he hadì te Asiria kayi he menge lalag: “Libriya a kenikew is suluǥuen nu su para kenà a mezezeeti te hadì te Aram wey hadì te Israel he midsurung kedì.”

Erubasa 15:32

Is etew he kenè din idtetenged is penurù kandin pinaaǥi te kedsewaya kandin, iring te iyan dà sikandin mezesen he edsudì te keugelingen din. Iyan, emun ebpemineg sikandin te penurù, ebmetau sikandin.

Erubasa 17:16

Wazà pulus te selapì he egkeǥastu tenged te kebpetunghaa te tulebung su wazè din man tinguhà he mebmetau sikandin.

Erubasa 6:32

Is etew he edhilavet te zuen din esawa ne kenà metau he ed-isip te hustu. Iyan dà sikandin ed-uney edezaat te lawa zin.

Jeremias 2:18

Guntaan, hengkey is nekuwa niw te kedangep niw ziyà te Ehipto wey Asiria? Kunaan niw vuwa ke ebpekeinum kew pa ziyà te Wahig he Nilo wey te Wahig he Eufrates.

Jeremias 2:36

“Melemu zà diyà te keniyu is ked-ilis-ilis te kezapig niw he menge nasyun. Piru utew kew ebpeel-elezi te Ehipto he kezapig niw iring te kebpeel-elezi keniyu te Asiria.

Hoseas 11:11

Meǥaan dà ne ebpekeuma kew en iring te menge tagbis he ebpuun diyà te Ehipto etawa iring te menge merepatik he ebpuun diyà te Asiria. Ibpeuman ku sikiyu ibpeubpà diyà te menge valey niw. Iyan a, is Nengazen, is migkaǥi kayi.”

Hoseas 12:1

“Is menge tig-Israel midsarig te menge azen he wazè din pulus. Is edel-asen dan seled te tivuuk he andew ne iyan is menge azen he ebpekezezaat kandan. Mid-iseg is ketetarù dan wey kebpesipala. Mibpekid-uyun sikandan te menge tig-Asiria wey menge tig-Ehipto, umbe mid-uwit dan te lana ziyà te Ehipto he igasa zan.”

Hoseas 12:2

Migkaǥi si Hoseas te, “Duen riklamu te Nengazen diyà te tig-Juda he menge kevuwazan ni Jacob. Edsilutan din sikandan te sumalà te menge vetasan dan; ebelesan din sikandan te sumalà te menge vaal zan.

Hoseas 14:3

Kenè key en ebuyù te tavang diyà te Asiria wey kenè key en edsarig te menge kudà he para te tebek. Kenè dey en egngezanan he Megbevayè dey is menge ed-ezapen he mibeelan dey. Su nehizuwan key kenikew is iring te menge ilu.’ ”

Hoseas 4:11

su wey niw maazap is duma he menge ed-ezapen. “Menge etew ku, is beǥu wey is daan he vinu ebpekaawà te meupiya he ked-isip-isip.

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

Hoseas 5:13

“Hein naahà te Israel wey Juda is kenà meupiya he kebpekesavuk dan, mibuyù te tavang is Israel ziyà te mekeǥeǥehem he hadì te Asiria. Piru kenà is Asiria ebpeketavang kandan.

Hoseas 5:4

“Is mezaat he menge vaal niw iyan ed-eǥen keniyu wey kew kenà mekelikù kayi te kedì te Megbevayè niw. Su ziyà te gehinawa niw is mulin-ulin he edtukù keniyu te ked-azap te zuma he menge ed-ezapen, ne wazà a keniyu kilelaa he Nengazen.

Hoseas 8:13

Nemuhat sikandan kayi te kedì ne migkaan dan is usa te uyaǥen he ibpemuhat dan, piru wazè ku sikandan ikelipey. Ne ǥuntaan ed-isipen ku is kelelalung dan; edsilutan ku sikandin tenged te menge salè dan. Ne edlikù sikandan diyà te Ehipto.

Hoseas 9:3

Ed-awè kew kayi te Israel he tanà te Nengazen, ne edlikù kew ziyà te Ehipto. Is duma keniyu edhendiyà te Asiria, ne zutun egkaan kew te menge keenen he mid-isip niw he meremerik.

Hoseas 9:6

Minsan egkepeleǥuyan niw is kezeetan, edtiǥumen kew gihapun diyà te Ehipto ne idleveng kew ziyà te Memfis. Egketembuan dà te sagbet wey zuǥiyen he dezeisey he kayu is mahalen he menge gelemiten niw he pelata wey is menge tulda niw.

Obadias 1:7

Edlimbungan kew te kezapig niw he menge nasyun. Heini is menge etew he ebpekid-emiǥu keniyu ne iyan ded daan edsurung keniyu, ne edsegseǥen kew zan puun te inged niw. Heini sikandan is egkaan duma keniyu ne iyan ded daan edhingutel keniyu he kenè niw egketukawan.