Hoseas 6:8 - Manobo Western Bukidnon OT

⁸ Is inged he Gilead mid-ubpaan te lalung he menge etew ragkes en is menge teremunù.

Hoseas 6:8 교차 참조

2 Samuel 20:8

Hein diyè dan en te zekelà he vatu ziyà te Gibeon, neumahan sikandan ni Amasa. Ne si Joab, nekeyuyunipurmi ne edseseluniket te ispada. Hein egkeuvayan din en si Amasa, ne mid-el-elesan din hulevuta is ispada zin.

2 Samuel 3:27

Hein diyè en si Abner te Hebron, miduma sikandin ni Joab diyà te pultahan te inged he iyan dan dà is dezuwa. Mid-ekalan din te zuen dan kun edlelaǥen. Hein nekeuma zan dutun midunggab ni Joab si Abner ziyà te getek su impenimales din is kedhimetayi ni Abner ki Asahel te suled din. Ne minatey si Abner.

1 Hadì 2:5

“Heini pa is pemilinbilin ku kenikew: Netuenan nu ke hengkey is mibeelan ni Joab he anak ni Zeruya kayi te kedì dutun te kedhimetayi zin te zezuwa he peremandar te menge sundaru te Israel he si Abner he anak ni Ner wey si Amasa he anak ni Jeter. Midhimetayan din sikandan he henduen be te menge kuntada, piru mibeelan din haazà te timpu he wazà tebek. Iyan sikandin duen din televaken te kemetayen dan.

Salmo 10:8

Ed-eyanan dan diyà te menge inged is menge etew he wazà mekesalà diyà te kandan. Ebpeniizan dan ne edhimetayan dan.

Salmo 141:4

Ilikey a te kebpekevaal te mezaat wey te kedtampu te ebeelan te menge lalung. Ilikey a te kebpekivahin te ǥastu zan.

Salmo 59:2

Libriya a te kegkaid te lalung he menge etew he ebpemenhimatey.

Jeremias 11:19

Iring a te kerehidu he wazè din hanew he ed-uwiten en bes diyà te lepeey. Wazè ku metueni he zuen bes pelanu zan he edhimetayan e zan. Ke sikandan te, “Edhimetayan tew sikandin iring te kebpiley te kayu he zuen din beǥas, su para maawà sikandin kayi te kelibutan su wey kenè en metenuzi.”

Hoseas 12:11

Piru minsan pa zutun, is menge etew ziyà te Gilead, menge lalung sikandan wey wazà menge pulus, ne is menge etew ziyà te Gilgal nemuhat te menge tudu he vaka ziyà te zuma he menge ed-ezapen. Siguradu he ebengkaǥen is menge pemuhatè dan ne egkeiring heini te intambù he menge vatu he mibpenguwa ziyà te tanà he mid-eradu.

Hoseas 12:12

“Mibpelaǥuy si Jacob pehendiyà te Aram, ne midterebahu sikandin te ked-atur te menge uyaǥen su wey zin meesawa is ed-esewaan din.

Hoseas 4:2

kekenà, iyan mid-ulaula niw is kebpenrawak te zuma, kedtarùtarù, kebpenhimatey, kebpenakew, wey kebpengumpadi. Nekeeneb en heini, ne kenè en egkerintas is hinimetayà.

Hoseas 5:1

Migkaǥi pa is Nengazen te, “Pemineg kew, is menge etew te Israel, ragkes kew en is menge memumuhat wey menge sakup te pemilya te hadì, su heini he kedhukum ne para keniyu: Iring kew te penuǥes he nekeutel, su nezeetan tenged keniyu is menge etew ziyà te Mizpa wey Tabor.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.

Josue 21:38

Ne ziyè daan te tanà he nesakup te tanà te tribu ni Gad mibeǥayan sikandan te heepat he inged, he iyan is: Ramot he ziyà te Gilead (he sevaha zuen te menge inged he eputà he ebpekaaput dutun is etew he nekepatey he wazè din tivevaa), is Mahanaim, Heshbon, wey Jazer, ragkes is menge penebtavà kayi.