Hoseas 5:9 - Manobo Western Bukidnon OT

⁹ Egkezeetan is Israel zutun te andew te kedsilut. Egkehitavù iyan is migkaǥi ku he ebpekesuǥat te menge tribu te Israel!

Hoseas 5:9 교차 참조

Job 12:14

Wazà ebpekeped-uliey te egevaan din, wey wazà ebpekepeǥawas te ebpirisuwen din.

Isaias 37:3

Ne hein nekeuma zan diyà te ki Isaias, migkaǥi sikandan diyà te kandin te, “Iyan heini egkeǥiyen ni Hezekia: ‘Menge andew heini te zekelà he samuk! Edsilutan kiw wey ebpeel-elezan. Iring kiw te vahi he ed-anak he wazè din en desen te ked-ineǥed para ilusad is anak din.’

Isaias 46:10

Puunè pa, impezayag ku en is diyà te egkehunaan. Puun pa zengan, midtagnè ku en ke hengkey is egkehitavù. Egketuman is menge pelanu ku; ebeelan ku is langun he egkesuatan ku te ebaal.

Isaias 48:3

Egkeǥiyan kew zin te, “Midtagnè ku en dengan ke hengkey is egkehitavù keuzemà te huziyan he timpu. Ne midtik-awan ku heini tumana.

Isaias 48:5

Umbe, zaan ku en he migkaǥi ziyà te keniyu is ebeelan ku. Te wazè pa heini mehitavù mibpeseyuzan ku en keniyu su para kenè kew mekekaǥi he iyan is menge kayu wey menge mital he ed-ezapen niw midtagnà wey midtuman kayi.

Isaias 7:16

Ne te kenè pa sikandin egketeǥuan te hustu he isip, is tanà duen te zezuwa he hadì he igkahandek nu, Ahaz, egkezeeten ne ebey-anan dà heini.

Hoseas 5:12

Iring a te dezeizey he keranapranap he egketket te Israel wey Juda.

Hoseas 5:14

Su edsurungen ku is Israel wey Juda he iring a te erimaung he ebpitaspitas te egkezawi zin. Iyan a mismu edezaat kandan. Ed-uwiten ku sikandan diyà te zuma he menge nasyun, ne wazà ebpekelibri kandan.

Hoseas 7:12

Piru zutun te kedhengkeniyan dan he menge lugar edhingutelen ku sikandan iring te tagbis he ebpuketen he eguyuzen pehendiyà te zizalem. Edsilutan ku sikandan sumalà te migkaǥi ku en diyà te menge ketiǥuman dan.

Hoseas 8:8

Is Israel henduen be te mid-emeluk te zuma he menge nasyun. Ne ǥuntaan te nekidsevaha en heini kandan ne neiring heini te ǥelemiten he wazè din pulus.

Hoseas 9:7

“Menge tig-Israel, neume en is timpu te kedsiluti keniyu, kes timpu he ebelesan kew tenged te menge mibeelan niw. Ne egketuenan niw he neume en heini. Ne iyan lalag niw mehitenged kedì is, ‘Tulebung heeyan he ebpeneuven! Engey heeyan is edumelahan te mulin-ulin!’ Iyan heeyan lalag niw mehitenged kedì su ǥeina te zekelè en is salè niw ne egkeepesan a keniyu.

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.

Amos 7:9

Edrundusen ku is menge simbahan diyà te metikang he menge lugar he zutun ed-azap is menge tig-Israel he menge kevuwazan ni Isaac. Ne ibpesurung ku te menge kuntada is Israel, he ginhedian ni Hadì Jeroboam.”

Micas 6:13

Umbe, tenged te menge salè niw mibpuunan ku en is kedsilut keniyu su wey kew mezeeti.

Zacarias 1:6

Piru nehitavù diyà te menge kepuun niw is migkaǥi ku wey is menge petizaan he impekaǥi ku te menge suluǥuen ku he menge ebpemeneuven. Ne mid-iniyug te mezaat is menge kepuun niw he ke sikandan te, ‘Midsilutan kiw te Nengazen he Mekeǥeǥehem te ereg he vales te menge vaal tew, sumalà te pelanu zin.’ ”