Hoseas 5:8 - Manobo Western Bukidnon OT

⁸ “Ipezaǥing niw is menge vudyung wey menge trumpita su wey mekepengandam is menge etew ziyà te Gibea wey Rama! Ipezineg niw ziyà te Bet Aven is kulehian para te kebpekidtebek! Pengandam kew is menge etew te Benjamin!

Hoseas 5:8 교차 참조

2 Samuel 21:6

Umbe, iveǥey niw kenami kes pitu he menge kevuwazan din he menge maama, su edhimetayan dey sikandan, ne kenà id-awà is menge lawa zan diyà te egkesevukan dan he uvey te ed-ezapan te Nengazen diyà te Gibea, he inged ni Saul he mibpilì te Nengazen he hadì,” midtavak haazà is hadì te, “Uya ibeǥey ku en sikandan keniyu.”

1 Hadì 12:29

Is sevaha zutun te vulawan he vaka impesavuk din diyà te Betel ne is sevaha pa, ziyè din ipesavuk te Dan.

Isaias 10:29

Mibayè dan diyà te leyunà, ne ziyè dan mebpemenlipezeng te Geba. Nengahandek is menge tig-Rama, ne nemelaǥuy is menge meǥinged te Gibea he iyan inged ni Hadì Saul.

Jeremias 4:5

“Keǥiyi is menge tig-Juda wey menge tig-Jerusalem he ipezaǥing dan is budyung diyà te tivuuk he tanà. Ne kulehia zan te mezaǥing is menge etew he mebpelaǥuy zan wey med-eles diyà te menge inged he neliǥuy te menge verengbeng.

Jeremias 6:1

“Pelaǥuy kew wey med-eles is menge kevuwazan ni Benjamin! Gawas kew ziyà te Jerusalem! Ipezaǥing niw is budyung diyà te Tekoa ne uyawi niw is Bet Hakerem. Su ebpekeuma is dekelà he kezeetan he ebpuun diyà te zizaya.

Hoseas 10:5

“Egkahandek is menge meǥinged diyà te Samaria tenged te kegkaawà te menge ed-ezapen he vehiyan he menge vaka ziyà te Bet Aven. Sikandan wey is menge memumuhat dan he ingkelipey zan is kekempet kayi he menge ed-ezapen, ebpekelalew zan su egkuwaan heini ziyà te kandan

Hoseas 4:15

“Menge tig-Israel, minsan mid-iniyuǥan a keniyu he iring kew te vahi he nengumpadi, ne kenè niw uwit-uwita is menge tig-Juda. “Ne sikiyu is menge tig-Juda, kenè kew medhendiyà te Gilgal wey Bet Aven te ked-azap kediey etawa kebpenaad pinaaǥi te ngazan ku.

Hoseas 8:1

“Ipezaǥing niw is budyung su wey mekepengandam is menge etew ku su is Israel he mid-isip ku he ubpeey ku, edsurungen te menge kuntada he iring keǥaan te menderaǥit. Su wazè dan itetepi-an is paaǥi ku te kebpekid-uyun kandan wey midrapas dan is kesuǥuan ku.

Hoseas 9:9

Midtaman kew en he menge lalung, iring kew en duen te menge maama zengan diyà te Gibea. Edtentenuzan te Megbevayè is kelelalung niw; edsilutan kew zin tenged te menge salè niw.”

Joel 2:1

Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te Nengazen. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te Nengazen.

Joel 2:15

Ipezaǥing niw is budyung diyà te Zion he paaǥi te kebpetueni te menge etew he kinahanglan sikandan he edtiǥum para te kebpuasa.

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?

Josue 7:2

Puun te Jerico midsuǥù si Josue te menge etew he ibpepeniid te Ai, sevaha heini he inged he zapit te edsilaan he vahin te Betel, he uvey te Bet Aven. Umbe migenat haazà he menge etew su ebpeniid dan.

Zatù 5:14

Is duma kandan ebpuun diyà te Efraim he lugar he ǥaked dengan te menge Amalikanhen. Ne midtinundug kandan is tribu ni Benjamin. Midtupang is menge peremandar he ebpuun te pemilya ni Makir, wey is menge upisyal he ebpuun te tribu ni Zebulun.

1 Samuel 15:34

Ne midlikù si Samuel ziyà te Rama, ne si Saul ne mid-ulì daan diyà te Gibea.

1 Samuel 7:17

Ne ebpekepasad ne ed-ulì maan sikandin diyà te Rama, su pengulu zaan sikandin te menge etew zutun. Ne mibaal sikandin dutun te pemuhatà para te Nengazen.

1 Samuel 8:4

Umbe, midtiǥum is langun he pengulu te Israel, ne midhendiyè dan te ki Samuel ziyà te Rama.