Hoseas 5:7 - Manobo Western Bukidnon OT

⁷ Siak is esawa niw, midluivan a keniyu te menge kevuwazan ni Israel, su ǥeina te kenà kediey is menge anak niw. Umbe ǥuntaan, edezeetan ku sikiyu wey is menge tanè niw seled dà te senge vulan.

Hoseas 5:7 교차 참조

Salmo 144:11

Luwasa a te ǥehem te menge kuntada he lumelengyawà, he kenà egkaǥi te tutuu ne edtarùtarù minsan ebpengulivet.

Salmo 144:7

Puun diyan te langit, kewaa a kenikew wey luwasa a puun te ǥehem te menge kuntada he lumelengyawà he memezesen su iring dan te meseleg he zalem.

Isaias 1:14

Egkeepesan ku is menge Pista niw te Kebpuun te Hayag wey is duma he menge pista niw. Igkeveǥati ku heini; ne kenè ku egkaantus.

Isaias 48:8

Wazè niw mezineg wey mesavut heini he menge hitavù su puun pa zengan mibpevevengel kew en. Netuenan ku ke sengemenu is kemeluiven niw, su puun pa te kegkeetew niw ne menge mesinupaken kew en.

Isaias 59:13

Midsupak wey midluivan tew is Nengazen; mid-iniyuǥan tew is Megbevayè tew. Edèdaaǥen wey ebpesipelahan tew is duma. Ebpurungan tew ed-is isipa ke ebmenmenuwen tew is kedtarùtarù tew.

Jeremias 3:20

Piru iring is ked-isipa ku keniyu te vahi he meluiven te esawa zin. He menge etew te Israel, iyan a, is Nengazen migkaǥi kayi.

Jeremias 5:11

Is menge etew ziyà te Israel wey Juda, ne kenè en ebpezumazuma kediey. Iyan a, is Nengazen, is migkaǥi kayi.

Ezekiel 12:28

Umbe, keǥiya nu heini ziyà te kandan: ‘Iyan a, is Nengazen he MEGBEVAYÀ, migkaǥi a te hapit en egketuman is migkaǥi ku. Uya, egkeulaula en heini.’ ”

Hoseas 2:11

Ibpeengkezan ku en is langun he ispisyal he menge timpu te ked-azap he edsilibrahan din kada tuig, kada vulan, wey kada simana.

Hoseas 2:4

Ne sikiyu is menge anak din, ne kenè ku egkehizuwan, su menge anak kew te vahi he mengungumpadi. Mekeeled-eled is mibeelan te iney niw he mid-anak keniyu. Migkaǥi pa sikandin te, ‘Edtelukunan ku is menge kumpadi ku he iyan mibeǥey kedì te keenen, wahig, menge manggad he welin wey linu, lana, wey vinu.’

Hoseas 6:7

Iring ki Adan, wazè niw itetepi-an is paaǥi ku te kebpekid-uyun keniyu. Midluivan a keniyu keniyan te lugar niw.

Hoseas 7:13

Mekehizuhizu zan su mibpekeziyù dan kayi te kedì. Edezeetan ku sikandan su nekidsukulà sikandan kediey. Egkesuat a pezem he edlibri kandan piru tarù is migkaǥi zan mehitenged kediey.

Zacarias 11:8

Naawà is pelavey ku zuen te tetelu he menge perevantey te menge kerehidu he nepeukan e zan. Umbe impaawè ku sikandan is langun seled dà te senge vulan.