Hoseas 4:8 - Manobo Western Bukidnon OT

⁸ Egkesuat kew he mekesalà is menge etew ku su wey kew mekekaan te pemuhat dan he para idlumpiyu.

Hoseas 4:8 교차 참조

2 Hadì 12:16

Is selapì he imbeǥey zuma te menge halad su imbayad te salà wey is menge pemuhat he para idlumpiyu, wazà haazà iahuk duen te kahun diyà te valey te Nengazen, su para zà haazà te menge memumuhat.

Salmo 24:4

Iyan sikan is meupiya is ulaula zin wey lumpiyu is isip din, wazà med-azap te zuma he menge ed-ezapen, wey kenà tarù is penangdù din.

Salmo 25:1

Nengazen he Megbevayè ku, iyan ka ed-empuan ku wey edseriǥan ku. Kenè nu ituǥut he mezaag a te menge kuntada ku, su para kenà a meeled-eled.

Isaias 56:11

Iring sikandan te leǥezen he menge asu he kenà egkepezaan. Menge perevantey sikandan te Israel he wazè dan kedsavut. Is kada sevaha kandan mibpenigudu en mebaal te egkesuatan din te ebaal ne iyan dà edtinguhaan din is kandin dà he keupiyaanan.

Ezekiel 14:3

“Sikew is etew, heini he menge etew, utew zan mibmahal is menge ed-ezapen dan he kenà tutuu he megbevayà he iyan edsinumag kandan wey zan mekesalà, umbe kena a ebpeinsà kandan.

Ezekiel 14:7

Is minsan hentei he Israilihanen etawa kenà Israilihanen he meǥinged te Israel, he ed-awà kayi te kedì su iyan din utew ebmahala is menge ed-ezapen din he iyan midsinumag kandin wey mekeselà, emun ebpenginginsà sikandin diyà te ebpeneuven ku mehitenged te menge lalag ku, ne siak, is Nengazen, iyan a mismu edtavak kandin pinaaǥi te silut.

Hoseas 10:13

“Piru nemula kew te kelelalung, umbe ebpekeraǥun kew zaan te kelelalung. Midtarùtarù kew, ne beǥas heeyan te kelelalung niw. Ne ǥeina te midsarig kew te kebpekegaga niw, iring te kahabet te menge sundaru niw,

Hoseas 12:8

Ebpahambug kew pa is menge tig-Israel he ke sikiyu te, ‘Neketiǥum key te ketiǥeyunan ne utew key en sepian. Ne wazà ebpekesumbung kenami he neketiǥum key te ketiǥeyunan pinaaǥi te mezaat he paaǥi, su salà is kebaal keniyan.’

Hoseas 14:1

Migkaǥi si Hoseas te, “He menge tig-Israel, likù kew ziyà te Nengazen he Megbevayè niw, su nezeetan kew tenged te menge salè niw.

Leviticus 6:22

Ne kinahanglan he edtutungen heini langun, su heini he pemuhat, ne para te Nengazen, ne ed-ul-ulahan heini taman te taman. Kinahanglan he ed-ul-ulahan heini te kevuwazan ni Aaron he iyan ebpekeilis kandin he egkehimu he memumuhat.

Leviticus 6:26

Is memumuhat he ebpemuhat kayi, kinahanglan he megkaan kayi ziyà te lama te Tulda he Edtelevukaayan, kes segradu he lugar.

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Malakias 1:10

Migkaǥi is Nengazen he Mekeǥeǥehem, “Deyzey pezem ke zuen sevaha keniyu te menge memumuhat he edlekeb te menge pultahan te valey ku, su wey kew kenè ne meketetavun diyà te pemuhatà he para kediey te hapuy he wazè din pulus. Kenè ku edewaten is menge ibpemuhat niw, su wazè ku sikiyu ikelipey.

1 Samuel 2:29

Guntaan, maan is egkevuten niw pa is menge pemuhat para kedì? Maan is iyan nu ibpelavi is menge anak nu kenà siak? Su ebeleǥazen nu sikandan he iyan dan ibpelambù is kandan he keugelingen dutun te menge meupiya he vahin dutun te pemuhat he ebpuun te menge etew ku he Israilihanen.