Hoseas 4:11 - Manobo Western Bukidnon OT

¹¹ su wey niw maazap is duma he menge ed-ezapen. “Menge etew ku, is beǥu wey is daan he vinu ebpekaawà te meupiya he ked-isip-isip.

Hoseas 4:11 교차 참조

Erubasa 20:1

Is subra he ked-inum te vinu he ebpekelangut, iyan ibmesamuk te etew. Is etew he lelenguten kenà egkehimu he uluwanen.

Erubasa 31:4

Lemuel, kenà dait he ed-inum is menge hadì te vinu. Kenà dait he edtinguhà is menge pengulu te minsan hengkey he ebpekelangut he menge inumen.

Erubasa 6:32

Is etew he edhilavet te zuen din esawa ne kenà metau he ed-isip te hustu. Iyan dà sikandin ed-uney edezaat te lawa zin.

Megwewali 7:7

Is metau he etew egkehimu he tulebung emun ebpenlimbung sikandin wey mekeselapì. Su emun ebpesipsip ka ne paaǥi heeyan te kedezeeti nu te ked-etew nu.

Isaias 28:7

Piru ǥuntaan ebpemekeziregdireg te kegkelangut is menge memumuhat wey menge ebpeneuven he kenè en hustu is isip dan. Kenà egkesavut te menge ebpeneuven is ibpelewasan kandan, ne egkengesayep is menge memumuhat emun edhukum dan.

Isaias 5:12

Diyà te menge keemuran niw duen niw banda wey vinu. Piru wazè niw seǥipaa is menge vaal te Nengazen.

Jeremias 23:13

“Neehè ku he utew subra is kelelalung te menge ebpeneuven diyà te Samaria, su edheǥeten dan is menge tagnè dan pinaaǥi te ngazan ni Baal ne midtazin dan is menge etew ku he Israilihanen.

Hoseas 4:12

Ebpesambag kew te menge ed-ezapen niw he kayu. Ne kunaan niw ke edtavak heini. Midtazin kew te mulin-ulin he iyan midtukù keniyu wey niw maazap is duma he menge ed-ezapen, umbe mid-iniyuǥan a keniyu, iring kew te vahi he nengumpadi.

Hoseas 5:4

“Is mezaat he menge vaal niw iyan ed-eǥen keniyu wey kew kenà mekelikù kayi te kedì te Megbevayè niw. Su ziyà te gehinawa niw is mulin-ulin he edtukù keniyu te ked-azap te zuma he menge ed-ezapen, ne wazà a keniyu kilelaa he Nengazen.

Hoseas 7:11

Iring sikandan te merepatik, he melemu zà he ed-ekalan wey wazè din emet. Mibuyù sikandan te tavang diyà te Ehipto wey Asiria.

Leviticus 10:9

“Sikew wey is menge anak nu ne kenè kew ereg he edseled diyà te Tulda emun ebpekeinum kew te vinu etawa minsan hengkey he inumen he ebpekelangut. Emun ebeelan niw heini ne ebpatey kew. Kinahanglan he edtumanen niw heini taman te huziyan he lapis te menge kevuwazan.

1 Samuel 25:36

Hein nekeuma si Abigail ziyà te valey zan, ne midtukud te keemuran si Nabal he henduen te hadì. Utew sikandin melipayen ne utew sikandin nehubug. Ne wazà sikandin tudtuli ni Abigail taman te egkepawà.