Hoseas 4:10 - Manobo Western Bukidnon OT

¹⁰ Tutuu he egkaan kew, piru kenè kew egkahantey. Ed-azap kew te menge ed-ezapen he midtuuwan niw he ebpekeveǥey te anak, piru kenè kew ebpekaanak su inselikwey a keniyu

Hoseas 4:10 교차 참조

2 Cronica 24:17

Piru hein minatey en si Jehoyada, midhendiyà is menge upisyal te Juda te ki Hadì Joash. Ne midluhud dan su edtahud dan kandin. Ne migkeǥiyan dan sikandin te mebpemineg sikandin kandan.

Salmo 125:5

Piru siluti nu zuma te menge lalung is menge etew nu he edsunud te mezaat he vetasan. Berakat he meupiya is kebpekesavuk te menge etew te Israel!

Salmo 36:3

Mezaat wey tarù is menge lalag din, ne kenè din en ed-ul-ulahan is hustu wey meupiya.

Erubasa 13:25

Kenà ebitilen is menge metazeng, iyan, ebitilen mulà is kenà menge metazeng.

Jeremias 34:15

Diyà te nenlavey he menge andew neisip-isip niw he kenà haazà hustu, ne mibeelan niw is hustu ziyà te etuvangan ku. Pudu kew mibpezumazuma he ebeǥayan niw te vayàbayà is menge uripen niw he zuma niw he Hebriyuhanen. Nekid-uyun kew pa man ganì kediey mehitenged kayi ziyà te valey ku he mibpili ku he zutun a ebeǥayi te zengeg.

Jeremias 9:12

Mid-insaan ku is Nengazen, “Hentei is uluwanen he etew he ebpekesavut kayi he menge hitavù? Hentei is midseysayan nu mehitenged kayi he iyan ebpekepesavut kayi? Ke maan is nezeetan heini he tanà he henduen be te nehimu he sibsivayan he wazè en duen ebayà?”

Ezekiel 18:24

“Piru emun ed-engked he edtinazeng is etew he metazeng ne ebpengungubpaan duma is kebaal te salà wey kebaal te utew mezaat he menge vaal he ebeelan te lalung he menge etew, ebpedayun be is kegkeuyag-uyag din? Kenà! Su edlipatan is langun he metazeng he menge vaal zin. Ne tenged te kedluib din kedì wey te menge salà he neveelan din, ebpatey sikandin.

Ezekiel 22:9

Duen menge etew ziyan te kenikew he mid-uluǥan dan te kewusa is duma su wey ikepehimetayi. Diyà te menge simbahan diyà te menge vuvungan duen daan duma he migkaan te menge pemuhat he impemuhat diyà te zuma he menge ed-ezapen wey zutun utew mahawag is menge vaal zan.

Hoseas 4:14

Piru kenè ku sikandan edsilutan tenged keniyan te mibeelan dan su sikiyu is menge maama nekidhilavet kew zaan te menge vahi he ebelegyà te zengeg dan diyà te simbahan, ne nemuhat kew pa zuma kandan te menge pemuhat he para te zuma he menge ed-ezapen. Ne ǥeina te sikiyu he menge etew, wazè niw kedsavut mehitenged te ketutuanan, ne edezeetan kew.

Hoseas 7:4

Pudu sikandan meluiven; iring sikandan te meinit he evuwan he kenè en kinahanglan he edtevunan te ebaal te supas puun te kebmasa zin taman te kebpetuvùa zin dutun te minasa zin he herina he edlutuen din.

Leviticus 26:26

Egkurang is keenen niw, umbe sevaha zà he evuwan is egemiten te sepulù he vahi te kedlutù te supas, ne ebevehinen dan pa heini para keniyu. Uya, ebpekekaan kew piru kenè kew egkahantey.

Micas 6:14

Benar he ebpekekaan kew, piru kenè kew egkahantey; layun kew ǥihapun egkevitil. Ederengdeng kew te menge abut niw, piru kenè niw heini egkepulusan, su ibpekuwa ku heini te menge kuntada niw emun timpu te tebek.

Zefanias 1:6

Edezeetan ku is menge mid-iniyug kedì wey is menge wazà medangep kayi te kedì.

Haggai 1:6

Dekelà is impemula niw piru zeisey zà is neraǥun niw. Duen niw keenen, piru kenà heini ereg. Duen niw inumen, piru kurang heini. Duen niw visti, piru kenà heini utew ebpekaalang te meǥenew. Duen egkezawat niw he suwildu, piru meǥaan dà heini egkaamin.