Hoseas 4:1 - Manobo Western Bukidnon OT

¹ Sikiyu is menge Israilihanen he meǥinged diyà te tanà he Israel, pemineǥa niw is riklamu te Nengazen keniyu: “Wazè en etew ziyà te tanè niw he metinumanen, ebmahal, wey egkilala kediey,

Hoseas 4:1 교차 참조

1 Hadì 22:19

Migkaǥi pa si Micaya te, “Pemineǥa nu is lalag te Nengazen! Neehè ku is Nengazen he ebpimpinuu ziyà te pinuuwè din te kedhadì, ne zuen menge ilengiten he menge linimbag he ebpemenhitindeg diyà te egkekewanan wey egkeǥivang din.

Salmo 81:9

Kinahanglan he liyu kedì, kenè kew med-azap te zuma; kenè niw ezapa is tarù he menge Megbevayà.

Isaias 1:10

Sikiyu is menge ebpemendumala wey menge etew ziyà te Jerusalem, he iring te menge tig-Sodom wey tig-Gomora, pemineǥa niw is lalag wey kesuǥuan te Nengazen he Megbevayè tew.

Isaias 1:18

Migkaǥi pa is Nengazen te, “Hendini kew, su edhusayen tew heini. Minsan sengemenu keremerik is menge salè niw, edlumpiyuwan ku heeyan su wey kew mehimu he lumpiyu.

Isaias 28:14

Umbe, sikiyu is memesudì he menge edumala kayi te menge etew ziyà te Jerusalem, pemineǥa niw is Nengazen.

Isaias 34:1

Uvey kew, is menge etew ziyà te menge nasyun, ne purung kew pemineg. Is tivuuk he kelibutan wey is langun he netaǥù kayi, kinahanglan he mebpemineg.

Isaias 34:8

Su zuen timpu he idteǥana te Nengazen he zutun ebelesan din is menge kuntada zin su edtevangan din is menge tig-Jerusalem.

Isaias 5:3

Iyan heini migkaǥi te teǥiǥaked te pemuleey te paras: “Sikiyu is menge meǥinged diyà te Jerusalem wey Juda, hukumi a keniyu wey is pemuleey ku.

Isaias 59:4

Wazà diyà te keniyu is hustu he kukuman; ne tarù is menge sumbung niw mehitenged te iring niw he etew. Ebpelanu kew te mezaat, ne ebeelen niw heini.

Isaias 59:8

Wazè niw netuenan mehitenged te melinew he kebpekesavuk. Wazè niw veliya is hustu he kukuman, kekenà, edtuisen niw heini. Is ed-iring kayi te menge vaal niw, ne kenè daan ebpekesaǥad te melinew he kebpekesavuk.

Isaias 66:5

Sikiyu is egkahandek he edsupak te lalag te Nengazen, pemineǥa niw is lalag din: “Tenged te kegkemepezumdumahan niw kediey, is duma he menge emurè niw te inged edumut wey edselikwey keniyu. Ed-un-undahan kew zan, ke sikandan te, ‘Mebpaahà is Nengazen te gehem din su wey zey maahà is kelipey niw!’ ” Piru egkepeel-elezan sikandan.

Jeremias 11:7

Puun pa te timpu te kebpeǥewasa ku te menge kepuun niw ziyà te Ehipto ne taman en guntaan, edsiguduwan ku en sikandan ebpetizeeni he pezumdumahi e zan.

Jeremias 19:3

Kaǥi ka te, ‘He menge hadì te Juda wey menge etew ziyà te Jerusalem, pemineǥa niw is menge lalag te Nengazen he Mekeǥeǥehem, he Megbevayà te Israel. Iyan heini migkaǥi zin: Ebpeeǥiyan ku te kezeetan heini he lugar he igketingkemed te minsan hentei he ebpekezineg duen.

Jeremias 2:4

Pemineǥa niw is migkaǥi te Nengazen, diyà te keniyu te menge etew ziyà te Israel he menge kevuwazan ni Jacob.

Jeremias 2:9

Umbe, id-uman ku sikiyu ibpedsalà pehendiyè en te huziyan he menge kevuwazan niw. Iyan a is Nengazen, is migkaǥi kayi.

Jeremias 25:31

Is laǥeng din egkezineg kayi te tivuuk he kelibutan, su ed-ekusaran din is menge nasyun. Edhukuman din is langun he menge etew, wey edsintinsyahan din pinaaǥi te tebek is menge lalung.’ ”

Jeremias 34:4

Piru pemineǥa nu, Hadì Zedekia, heini is idsaad ku kenikew: Kenè ka ebpatey te tebek,

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Jeremias 4:28

Egkeseeng is kelibutan ne ebmerusirem is langit, su nekaǥi ku en is silut, ne kenè ku en ebelvelewanan is nekaǥi ku. Nekedisisyun ad ne kenè en egkahalin is isip ku.”

Jeremias 5:4

“Kunaan ku ke menge pubri zà sikandan, iyan, menge tulebung dan bes. Su wazè dan metueni is menge paaǥi te Nengazen he Megbevayè dan he ibpetuman kandan.

Jeremias 51:5

Su siak, is Nengazen he MEGBEVAYÀ he Mekeǥeǥehem, wey Waǥas he Megbevayà te Israel, wazè ku iselikwey is Israel wey Juda minsan pa te nekeeneb kayi he tanà is kelelalung.

Jeremias 6:13

“Puun te kinemevevaan pehendiyà te kinetikangan is ked-etew zin, ne ebpenlimbung su para mekeselapì. Minsan is menge ebpeneuven wey is menge memumuhat ne ebpengilad daan.

Jeremias 7:28

Umbe, keǥiya nu heini ziyà te kandan: Iyan heini he nasyun he is menge etew zuen kenè dan ebpezumazuma te Nengazen he Megbevayè dan, wey kenà egkesuat he edewayen. Wazè en diyà te kandan is ketutuanan; kenè dan en egkaǥi te tutuu.

Jeremias 9:20

Guntaan, sikiyu is menge vahi, pemineǥa niw is migkaǥi te Nengazen. Purungi niw heini pemineǥa. Penurua niw is menge anak niw he menge vahi wey menge zuma niw te kedruǥur wey te kegkanta para te minatey.

Jeremias 9:3

Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

Jeremias 9:7

Umbe siak, is Nengazen he Mekeǥeǥehem, edhimuwen ku he lunsey is menge etew ku iring te vulawan, ne egezaman ku sikandan. Su iyan heini ereg he ebeelan ku ziyà te kandan.

Ezekiel 16:35

“ ‘Umbe sikew is lebag, pemineǥa nu is menge lalag ku.

Hoseas 12:2

Migkaǥi si Hoseas te, “Duen riklamu te Nengazen diyà te tig-Juda he menge kevuwazan ni Jacob. Edsilutan din sikandan te sumalà te menge vetasan dan; ebelesan din sikandan te sumalà te menge vaal zan.

Hoseas 12:3

Hein diyè pa sikan is kepuun dan he si Jacob te ǥetek te iney zin, egkesuat en sikandin he ebpekidlavew te sereping din. Ne hein midekelè en sikandin, mibpekibuteng sikandin te Megbevayà

Hoseas 5:1

Migkaǥi pa is Nengazen te, “Pemineg kew, is menge etew te Israel, ragkes kew en is menge memumuhat wey menge sakup te pemilya te hadì, su heini he kedhukum ne para keniyu: Iring kew te penuǥes he nekeutel, su nezeetan tenged keniyu is menge etew ziyà te Mizpa wey Tabor.

Hoseas 5:4

“Is mezaat he menge vaal niw iyan ed-eǥen keniyu wey kew kenà mekelikù kayi te kedì te Megbevayè niw. Su ziyà te gehinawa niw is mulin-ulin he edtukù keniyu te ked-azap te zuma he menge ed-ezapen, ne wazà a keniyu kilelaa he Nengazen.

Joel 1:2

Sikiyu is menge edumala te Juda wey is langun he meǥinged kayi, pemineǥa niw heini is egkeǥiyen ku ziyà te keniyu. Wazè pa nehitavù he iring kayi hein kaazen pa te menge kepuun niw wey kayi te keniyu en he timpu ǥuntaan.

Amos 3:1

“Sikiyu is menge tig-Israel, he is menge kepuun niw impeǥawas te Nengazen diyà te Ehipto, pemineǥa niw is menge lalag din he ebpekesuǥat keniyu:

Amos 7:16

Ne ǥuntaan, sikew is migkaǥi he kenè ku tudtula is menge lalag te Megbevayà diyà te menge tig-Israel he menge kevuwazan ni Isaac, pemineǥa nu heini is migkaǥi te Nengazen he ebpekesuǥat kenikew: ‘Is esawa nu ebelegyà te zengeg din diyà te inged ne ebpatey te tebek is menge anak nu. Is menge tanè nu ebehinen te menge kuntada he ed-aǥew kayi, ne ebpatey ka ziyà te zuma he nasyun. Ne siguradu he ebihaǥen is menge tig-Israel ne edumahan diyà te zuma he nasyun.’ ”

Micas 6:2

Ne sikiyu is menge vuntud wey melig-en he menge pundasyun te kelibutan, pemineǥa niw is riklamu te Nengazen mehitenged te menge Israilihanen he menge etew zin. Iyan heini riklamu zin: