Hoseas 2:21 - Manobo Western Bukidnon OT

²¹ Siak, is Nengazen, migkaǥi a he zutun he andew edtevaken ku is menge pengemuyù niw. Ibpeuzan ku su wey medtuvù diyà te tanà

Hoseas 2:21 교차 참조

Isaias 55:10

Is uzan wey is ayis ne ebpuun te langit, ne kenè en heini edlikù diyà emun kenè pa ebpekeveǥey te wahig kayi te kelibutan he ebpetuvù te menge pinemula he ebpekeveǥey te venì te menge ebpemula wey keenen te menge etew.

Isaias 62:4

Kenè ke en egngezanan he “Sinelikwey” etawa “Mekevulungbulung,” kekenà, egngezanan ke en he “Kelipey te Megbevayà” etawa “Esawa te Megbevayà,” su ingkelipey ka te Nengazen ne iring te mibpees-eseweey kew.

Isaias 62:5

Is midlimbag kenikew, ed-esewaan ke zin iring te betan-en he maama he ebpengesawa te wazè pa mekeremaǥi. Ne iring te igkelipey te maama is ed-esewaan din, igkelipey ka zaan te Megbevayè nu.

Isaias 65:24

Dutun te kenè dan pa ebpekevuyù etawa zutun mismu te kebuyù dan, ne edtevaken ku en sikandan.

Ezekiel 36:29

Edlumpiyuwan ku sikiyu te langun he keremerik niw. Ebeǥayan ku sikiyu te zekelà he trigu ne kenè kew en ebitilen.

Hoseas 14:7

Ed-uman sikandan ebpengungubpaan duma is ked-ipata ku kandan. Ed-uswag sikandan iring te pungu he metiugkey, wey iring te paras he ebpengevukad. Ne egkevantug sikandan iring te vinu ziyà te Lebanon.

Joel 2:19

Ne midtavak din is ampù dan he ke sikandin diyà te kandan te, “Ebeǥayan ku sikiyu te menge trigu, beǥu he vinu, wey lana; ne egkeperahan kew. Ne kenè ku en idtuǥut he peel-elezi kew te menge etew ziyà te zuma he menge nasyun.

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Zacarias 8:12

Ke ebpemula kew ne zuen kelinew. Ebpemeǥas is menge paras, duen egkeraǥun diyà te tanà, ne zuen en dehemug. Heini is langun, ibeǥey ku ziyà te keniyu te egkengesama, ne egkaangken niw heini.

Zacarias 8:8

Ed-umanan ku sikandan ed-uwita ziyà te Jerusalem ne ibpeubpè ku zutun. Ne egkehimu en maan sikandan he menge etew ku ne egkehimu a he Megbevayè dan he metinumanen wey metazeng.”

Malakias 3:10

Guntaan, egkeǥiyan ku sikiyu he ǥezami a keniyu, is Nengazen he Mekeǥeǥehem. Uwita niw is tivuuk he ikepulù niw ziyà te budiga ziyà te valey ku su para zuen egkekaan dutun te valey ku. Emun ebeelan niw heini, ebpeuwitan ku sikiyu te uzan ne ebeǥayan ku sikiyu te ebpenubra he tuvad.

Malakias 3:11

Kenè ku idtuǥut he dezeeti te ebpekezezaat te pinemula is menge pinemula niw, is menge paras niw ziyà te menge pemuleey niw ne kenà egkengerapi is beǥas dan, migkaǥi is Nengazen he Mekeǥeǥehem.