Hoseas 2:14 - Manobo Western Bukidnon OT

¹⁴ “Piru ǥuntaan edumahan ku sikandin diyà te sibsivayan ne ed-umanan ku ed-emurala taman te ed-uya sikandin.

Hoseas 2:14 교차 참조

Genesis 34:3

Utew zin nesuati si Dina, ne utew zin mibmahal ne midneyneyuan din.

Job 36:16

“Inlikey ka te Megbevayà te kezeetan wey wazè ke zin ipeveyveyai te zuma, ne impeuswag ke zin. Ne nepenù te metaam he keenen is lemisahan nu.

Solomon 1:4

Dumaha a kenikew ne egaangaan ki egenat. Iyan ka hadì ku, ne uwita a ziyà te ruǥu nu. Utew zey sikew igkelipey! Edhuna is kegkesuati zey te kebmahal nu kenà te vinu. Ereg iyan he egkesuatan ke zan!

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 5:5

“Guntaan egkeǥiyan ku sikiyu ke hengkey is ebeelan ku zutun te pemuleey ku. Id-awè ku is menge nenuvù diyà te nekeliǥuy kayi he iyan nehimu he kudal zin, wey ebengkaǥen ku is menge alad kayi su para penebtavà heini te menge langgam ne wey zan daan metekutaki.

Jeremias 16:14

“Piru egkeuma zed is timpu he is menge etew kenè en maan ebpenangdù pinaaǥi te kegkaǥi te, ‘Ebpenangdù a pinaaǥi te uuyag he Nengazen he mibpeǥawas te menge Israilihanen diyà te Ehipto.’

Jeremias 2:2

“Genat ka ne keǥiya nu heini ziyà te menge tig-Jerusalem: ‘Netenuzan ku is keheǥet te gehinawa niw kayi te kedì wey is kebpelenggaa niw kedì dengan he iring te kebpelenggaa te maama te betan-en he vahi he sikan din pa meesawa. Midsunud kew kedì minsan diyà te sibsivayan he wazà duen menge pinemula.

Jeremias 45:4

“Baruc, migkaǥi pa is Nengazen te, ‘Ebengkaǥen ku is nasyun he mibangun ku. Ebezuten ku is impemula ku. Ebeelan ku heini ziyà te tivuuk he tanà.

Ezekiel 20:10

Umbe, impeǥawas ku sikandan puun te Ehipto ne mid-uwit ku ziyà te sibsivayan.

Ezekiel 20:33

Siak, is Nengazen he MEGBEVAYÀ he uuyag, ebpenangdù a he edhedian ku sikiyu pinaaǥi te zekelà he ǥehem ku wey pauk ku.

Hoseas 2:3

Emun kenà sikandin ed-engked ne edluwasan ku sikandin ne egkelevasan iring hein in-anak sikandin. Edhimuwen ku sikandin he iring te sibsivayan etawa disirtu, ne ebpatey sikandin te kegkemezahi.

Micas 1:7

Egkengerupet is langun he menge ledawan te menge ed-ezapen diyà te Samaria, ne egketutung is langun he imbayad te menge maama te kebpekidhilavet dan te menge vahi he ebelegyà te zengeg dan diyà te simbahan. Neketiǥum is menge tig-Samaria te menge ledawan pinaaǥi te kebeyazi te menge vahi he ebelegyà te zengeg dan diyà te simbahan. Umbe ǥuntaan, is menge kuntada zan, egkuwaan dan is menge pelata wey menge vulawan he impekaplà diyà te menge ledawan dutun su ibayad dan daan wey zan mekepekidhilavet te menge vahi ziyà te simbahan para te zuma he menge ed-ezapen diyà te kandan.”

Zatù 19:3

Ne midisisyun sikan is Levihanen he edtelukunan din haazà is esawa zin ne edhengyuan din he ed-uman sikandan ebpeemurà. Umbe migenat sikandin duma te sevaha he suluǥuen din wey zezuwa he asnu. Ne hein nekeume en sikandin, impelaus sikandin duen te vahi. Ne hein naahà sikandin duen te amey te vahi, mibpurungan din sikandin seǥipaa.