Hoseas 14:9 - Manobo Western Bukidnon OT

⁹ Berakat he is duen din kedsavut keniyu metueni zin wey mesavut din is menge ingkesurat kayi. Utew hustu is menge paaǥi te Nengazen ne ed-ikulen heini te menge metazeng, piru igkeseligkat mulà heini te menge merepasen.

Hoseas 14:9 교차 참조

Genesis 18:25

Kenà haazà dait he edsilutan nu is menge metazeng duma te menge mekesesalà. Kenà egkehimu he id-iring nu is menge lalung kandan. Iyan ka ebayàbayà te tivuuk kelibutan, kenè be kinahanglan he ebeelan nu ke hengkey is hustu?”

Job 17:9

Iyan isip dan he melig-en wey edsigudu ed-iseg is kelig-en te kebpengungubpaan te etew he metazeng.

Salmo 107:43

Is menge uluwanen ereg he ebpurung ed-isip-isip mehitenged kayi; ereg he ed-isipen dan is dekelà he ǥaǥew te Nengazen.

Salmo 119:128

Tutuu he midtuman ku is menge suǥù nu, ne egkeepesan ku is langun he mezaat he vaal.

Salmo 119:75

Netuenan ku, Nengazen, he metazeng is menge suǥù nu. Ne ǥeina te metinumanen ka te egkeǥiyen nu, umbe mibmansu a kenikew.

Salmo 84:5

Utew zeyzey is menge etew he nekaangken te zesen he ebpuun diyà te kenikew, he mezesen is penganduy zan he ebisita ziyà te valey nu.

Salmo 84:7

Ne mid-iseg pa is desen dan dutun te kedhipanew zan, taman te ziyè en is kada sevaha kandan te etuvangan te Megbevayà diyà te Zion.

Erubasa 10:29

Is kedsunud te menge suǥù te Nengazen iyan iliyan te menge metazeng, iyan, is menge lalung he edsupak kayi ne egkengezeetan mulà.

Erubasa 16:21

Is etew he uluwanen, egkekilala he metau he edsavut, ne emun metau he edlalag ne ebpekeistudyu is duma ziyà te kandin.

Erubasa 4:18

Is kebpengungubpaan te menge etew he metazeng ne igkepetug-iring te aney en he kedsilà te andew ke egkepawà he ebmerayag taman te meudtu.

Isaias 1:28

Piru edezeetan din mulà is menge mesinupaken wey menge mekesesalà, he edselikwey te Nengazen.

Isaias 17:8

Kenè dan en edangep diyà te menge pemuhatà he mibeelan dan dà. Kenè dan en edseǥipaan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà, menge pemuhatà he vineelan dan dà daan.

Isaias 26:7

“Patag is dalan te menge metazeng, ne iyan ka is Metazeng he Megbevayà, mibpekeupiya kayi.

Jeremias 29:12

Ne edsampit kew wey ebpengemuyù kayi te kedì, ne zutun ebpemineǥen ku sikiyu.

Jeremias 9:12

Mid-insaan ku is Nengazen, “Hentei is uluwanen he etew he ebpekesavut kayi he menge hitavù? Hentei is midseysayan nu mehitenged kayi he iyan ebpekepesavut kayi? Ke maan is nezeetan heini he tanà he henduen be te nehimu he sibsivayan he wazè en duen ebayà?”

Ezekiel 11:18

Ne zutun te ked-ulì niw ziyà te keniyu he lugar, id-awè niw is langun he utew mezaat he menge ed-ezapen.

Ezekiel 18:25

“Ne sikiyu mulà, iyan niw egkeǥiyen is, ‘Kenà metazeng is menge paaǥi te Nengazen.’ Pemineg kew is menge etew te Israel: Iyan be kenà metazeng is kediey he menge paaǥi etawa iyan is keniyu?

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Daniel 12:10

Mezakel is nekesavut te tutuu he edlumpiyuwan sikandan, ne egkesavut dan is mibpengaǥi ku. Piru is menge lalung ebpedayun te kebaal te kelelalung, ne kenè dan egkesavut is mibpengaǥi ku.

Zefanias 3:5

Piru zutun gihapun is Nengazen te inged dan. Mibeelan te Nengazen is hustu ne wazà sikandin mebaal te kenà hustu. Kada andew ibpeehè din ke hengkey is hustu, ne wazè din heini engkezi te ebaal. Piru heini is lalung he menge etew mibpedayun gihapun te kebaal te mezaat ne wazà sikandan meeled.

Zacarias 10:6

“Edlig-enan ku is menge etew te Juda ne edlibriyen ku is menge etew te Israel. Ibpelikù ku sikandan diyà te kandan he lugar su nehizuwan ku sikandan. Wey tenged te iyan a Nengazen he Megbevayè dan, edtevaken ku is menge ked-ampù dan. Umbe iring ded te wazè ku sikandan iselikwey.

Deuteronomio 32:4

Iyan sikandin batu he endilungè ku; utew hustu is menge vaal zin, wey metazeng is langun he menge paaǥi zin. Metinumanen sikandin he Megbevayà ne kenà sikandin egkesayep; metazeng sikandin ne hustu is menge vaal zin.