Hoseas 14:4 - Manobo Western Bukidnon OT

⁴ Migkaǥi is Nengazen te, “Ebewian ku is kegkemesinupaken te menge etew ku, ne ebmahalen ku sikandan te ebpuun te keugelingen he suat ku. Su naawè en is kegkepeuki ku kandan.

Hoseas 14:4 교차 참조

Salmo 10:14

Neehè nu is menge etew he ed-antus wey sikan is ebpenlised, ne andam ka he edtavang kandan. Edangep diyà te kenikew is mekehizuhizu he menge etew he iring te menge ilu, ne edtevangan nu sikandan.

Salmo 20:8

Sikan is edsarig te menge kerwahi wey menge kudà egkengezeetan, iyan, sikami mulà, ebpekezaag key wey kenà egkaawà is kelig-en dey.

Salmo 78:38

Minsan pa te iyan heini, hihizuwen gihapun kandan is Megbevayà. Mibpesaylu zin sikandan te menge salè dan ne wazè din sikandan dèdeeti. Layun din ed-eǥena is pauk din kandan minsan utew en sikandin egkepauk.

Exodus 15:26

Ke sikandin te, “Emun ebpurungan niw ebpemineǥa is lalag ku te Nengazen he Megbevayè niw, wey emun iyan niw ebeelan is mid-isip ku he hustu, wey emun daan kenè niw ebey-anan is menge sulunuzen wey menge suǥù ku, kekenà, ebpezumdumahan niw, ne kenè ku sikiyu ebpeeǥiyan te minsan hengkey he zaru he impaaǥi ku ziyà te Ehipto, su iyan a is Nengazen ebawì keniyu.”

Isaias 12:1

Emun egkeume en haazà he andew megkanta kew te: “Nengazen, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Isaias 55:1

Migkaǥi is Nengazen te, “Uvey kew, sikiyu is langun he egkemezahan, su heini zed is wahig! Minsan wazè niw selapì, ne pemasa kew wey megkaan! Hendini kew en, pemasa kew te vinu wey ǥatas he wazè din bayad.

Isaias 57:18

Neehè ku is mezaat he menge vaal zan, piru ebewian ku sikandan wey zan meulii. Egiyahan ku sikandan, wey edlipayen ku is egkengeseeng kandan.

Jeremias 14:7

Migkaǥi is menge etew te, “He Nengazen, nekesalè key ziyà te kenikew. Layun dey sikew ed-iniyuǥi, ne ereg key he edsilutan. Piru tevangi key para meveǥayi ka te zengeg.

Jeremias 17:14

He Nengazen, iyan ke zà ebpekevawì kedì wey a meulii; iyan ke zà ebpekelibri kediey. Iyan ka midalig ku.

Jeremias 3:22

Sikiyu is kenà metinumanen he menge etew, likù kew kayi te kediey su ebewian ku is kegkeengey-engey niw.” Midtavak dan te, “Uya, ed-uvey key ziyà te kenikew su iyan ka Nengazen he Megbevayè dey.

Jeremias 31:20

Midtavak is Nengazen te, “Sikiyu is menge tig-Efraim he pelanggè ku he menge anak, ingkelipey ku sikiyu. Minsan migkaǥi a te ebpekesuǥat keniyu, pinelanggè ku ǥihapun sikiyu. Mibulung a keniyu wey nehizuwan ku sikiyu.

Jeremias 33:6

“Piru egkeuma is timpu he ebpurungan ku heini he inged wey is menge meǥinged kayi. Ne ebpekepengungubpaan sikandan he meuswaǥen wey melinawen.

Jeremias 5:6

Umbe, edsurungen sikandan te menge kuntada zan he henduen be te erimaung he ebpuun diyà te ketelunan etawa zumezaas he asu he ebpuun diyà te disirtu, wey iring te liyupardu he ed-ayan diyà te uvey te inged su edawi te minsan hentei he egawas. Neulaula heini kandan su utew en subra is kebpekidsukulè dan te Megbevayà wey layun dan en ed-iniyuǥi sikandin.

Jeremias 8:22

Wazè be bawì diyà te Gilead? Wazè be ebpemawì diyà? Maan is wazà meulii is palì te menge emurè ku te inged?

Ezekiel 33:14

Ne emun egkeǥiyan ku is lalung he etew he siguradu he ebpatey sikandin, piru mibpezumdumahan din is sambag kandin ne mid-engkezan din is mezaat he menge vaal zin ne mibaal te hustu wey metazeng–

Ezekiel 36:36

Ne is menge etew ziyà te egkesamà he menge nasyun diyà te peliǥuy niw egketuenan dan he iyan a, is Nengazen mibangun te nengevengkag wey nemula ziyà te menge tanà he nengehimu he mekevulungbulung. Iyan a, is Nengazen, is migkaǥi kayi, ne ebeelan ku heini.”

Hoseas 11:7

Heini sikandan is menge etew ku, utew egkesuat he ebpekeziyù kayi te kedì. Umbe minsan medsevaha pa sikandan is ebpengumew-umew kedì, ne kenè ku sikandan edlibriyen.

Hoseas 2:19

“Ed-isipen ku sikiyu he esawa ku taman te taman. Ebeelan ku ziyà te keniyu is metazeng wey hustu. Ebmahalen ku sikiyu wey egkehizuwan,

Hoseas 6:1

Mibitiyara is menge Israilihanen he ke sikandan te, “Kuwa kew en, su edlikù kiw en diyà te Nengazen. Iyan sikandin midezaat kenitew ne iyan daan sikandin edtavang kenitew.

Zefanias 3:17

Su zuma niw is Nengazen he Megbevayè niw. Iring sikandin te mekeǥeǥehem he sundaru he edlibri keniyu. Igkelipey kew zin, ne pinaaǥi te kebmahala zin keniyu ebeg-uwen din is untung niw. Egkanta sikandin wey ed-ugyab te kegkelipey tenged keniyu,

Numero 25:11

“In-awà ni Finehas he anak ni Eleazar wey apù ni Aaron he memumuhat is kegkepeuki ku te menge Israilihanen, su pinaaǥi te mibeelan din impeehè din is kegkepeuki ku te menge Israilihanen, umbe wazè ku sikandan emina te ebpenhimatey he iyan pezem ebeelan ku tenged te kegkepauk ku.

Numero 25:4

Ne migkeǥiyan te Nengazen si Moises te, “Kuwaa nu is langun he pengulu kayi he menge etew, ne penhimetayi niw ziyà te etuvangan ku wey etuvangan te menge etew, su para mevehew is utew ku kegkepeuki te menge Israilihanen.”