Hoseas 13:4 - Manobo Western Bukidnon OT

⁴ “Iyan a kes Nengazen he Megbevayè niw he mibpeǥawas keniyu ziyà te Ehipto. Kinahanglan he wazè en duma he egkilelaan niw he Megbevayà wey Menluluwas, kekenà, iyan e zà.

Hoseas 13:4 교차 참조

2 Hadì 18:35

Hentei te menge ed-ezapen kayi he menge nasyun is nekelibri te nasyun dan puun te gehem ku? Ne ebmenmenuwen man te Nengazen is kedlibriya zin te Jerusalem puun te gehem ku?”

Isaias 43:3

Su iyan a, is Nengazen Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Hoseas 11:1

Migkaǥi is Nengazen te, “Hein iring pa te vatà is Israel, mibmahal ku sikandin. Mid-umew ku sikandin puun te Ehipto su anak ku sikandin.

Hoseas 12:10

“Nekidlalag a te menge ebpeneuven ne zuen mahabet he impelewasan ku kandan. Pinaaǥi kandan mibpetizeenan ku sikiyu he egkezeetan kew.

Hoseas 12:9

Umbe siak, is Nengazen he Megbevayè niw he mibpeǥawas keniyu ziyà te Ehipto, ibpeuman ku sikiyu ibpeubpà diyà te menge lawig, iring te ebeelan niw emun timpu te Pista te Kebaal te menge Lawig.

Hoseas 2:15

Ne ked-awè dey zutun ne idlikù ku ziyà te kandin is menge pemuleey zin te paras, ne edhimuwen ku is Suǥud he Acor he veyeey he ebpetanudtanud te meupiya he egkeperateng. Edtevaken e zin iring te mibeelan din hein betan-en pa sikandin dutun te kebpuun din diyà te Ehipto.”

Hoseas 2:20

ne egkehimu a he metinumanen diyà te keniyu. Umbe egkilelaan a keniyu he Nengazen.

Jonas 2:10

Ne midsuǥù te Nengazen sikan is isdà he iutè din si Jonas diyà te veyvey, ne midtuman dutun te isdà haazà is insuǥù kandin.