Hoseas 13:2 - Manobo Western Bukidnon OT

² Guntaan, sikiyu is migngezanan te Efraim, mibpedayun kew he ebaal te salà. Mibeelan niw he ledawan is menge pelata niw su ed-ezapen niw. Piru heini is langun, mibeelan dà te etew zà duen ne pinaaǥi zà heini te neisip din. Migkaǥi kew pa te ebpemuhat kew te etew kayi te menge ed-ezapen he vaka ne edhazek kew ziyà te kandan.

Hoseas 13:2 교차 참조

1 Hadì 19:18

Piru edsemaan ku is 7,000 he menge Israilihanen he wazà medluhud wey medhazek te ledawan ni Baal.”

2 Cronica 28:13

Migkaǥi sikandan te, “Kenè niw heeyan pendumaha kayi is menge nevihag, su televaken tew heini ziyà te Nengazen. Kenè tew en ed-umanan is salè tew. Dekelè en is menge salè tew, ne egkepeukan kiw en te Nengazen is menge tig-Israel.”

2 Cronica 33:23

Piru kenà sikandin iring te amey zin, su wazè din mulà ibpekevavà is keugelingen din diyà te etuvangan te Nengazen, kekenà, mid-umanan din pa is kebaal zin te salà.

Salmo 2:12

Tehuza niw is hadì he mibpilì din, su emun kenà, ne egkepeukan kew zin ne edèdeetan kew zin. Deyzey is langun he ed-aput diyà te Nengazen.

Isaias 1:5

Menge tig-Israel, maan is mibpedayun kew mebpekidsukulà? Egkesuat kew ve he edsilutan? Iring kew te etew he nepurung te palì is ulu zin wey utew mesakit is gehinawa zin.

Isaias 30:1

Migkaǥi is Nengazen te, “Mekehizuhizu is menge anak ku he menge mesinukulen. Mibpelanu sikandan te menge pelanu he supak te egkesuatan ku. Nekid-uyun sikandan te zuma te kandan dà he ketau, ne kenà kediey. Umbe mid-iseg medekelà is salè dan.

Isaias 44:11

Pemineg kew! Egkepeel-elezan is langun he ed-azap te zuma he menge ed-ezapen, su is mibaal kayi menge etew zà daan. Ipetiǥum sikandan is langun para mepengelangi zan is keugelingen dan, ne egkahandek dan su egkepeel-elezan dan.

Isaias 45:20

Migkaǥi zaan is Nengazen te, “Medtiǥum kew ne uvey kew kayi te kediey, sikiyu is nemekepelaǥuy puun te menge nasyun. Wazà ketau te menge etew he ed-uwit-uwit te menge kayu he ed-ezapen dan. Mibpengemuyù dan kayi te menge ed-ezapen dan he kenà ebpekelibri kandan.

Isaias 46:6

Is duma he menge etew ibpeǥawas dan is bulawan wey pelata zan, ne edsuluhan dan is platiru su wey zin heini meveeli he ledawan su ed-ezapen dan, ne ed-ezapen dan heini.

Isaias 46:8

Tentenuzi niw heini, sikiyu is menge mesinupaken, ne ipemula niw heini ziyà te isip niw.

Jeremias 10:4

Mideyzeyanan heini te pelata wey vulawan, ne impurung iransang su wey kenà mepiley.

Jeremias 10:8

Menge wazà dan pereg wey menge tulebung. Is penurù mehitenged te ed-ezapen dan he menge kayu, ne wazè din pulus.

Jeremias 8:5

Maan is sikiyu is menge tig-Jerusalem mibpedayun kew med-iniyug kedì? Maan is kenè niw egkehimu te ed-awà is menge ed-ezapen niw he edtuntu keniyu. Maan is kenè kew edlikù kayi te kediey?

Hoseas 10:1

“Is menge tig-Israel, iring te pinemula he paras he merapung wey mahabet is menge veǥas din. Dutun te ked-uswag dan, mezakel he menge pemuhatà is mibeelan dan, ne mibpekekempet dan is tedeman he menge vatu he ed-ezapen dan.

Hoseas 10:5

“Egkahandek is menge meǥinged diyà te Samaria tenged te kegkaawà te menge ed-ezapen he vehiyan he menge vaka ziyà te Bet Aven. Sikandan wey is menge memumuhat dan he ingkelipey zan is kekempet kayi he menge ed-ezapen, ebpekelalew zan su egkuwaan heini ziyà te kandan

Hoseas 11:2

Piru ǥuntaan, minsan edtulungan ku en sikandan ed-umawa is menge tig-Israel, ne nasì dan mebpekeziyù kayi te kedì. Nemuhat sikandan te menge pemuhat wey midtutung te menge veyewà diyà te menge ledawan ni Baal.

Hoseas 11:6

Edsurungen te menge kuntada is menge inged dan ne edezeetan dan is menge terangka te menge pultahan kayi. Edezeetan te menge kuntada zan is menge pelanu zan.

Hoseas 14:3

Kenè key en ebuyù te tavang diyà te Asiria wey kenè key en edsarig te menge kudà he para te tebek. Kenè dey en egngezanan he Megbevayè dey is menge ed-ezapen he mibeelan dey. Su nehizuwan key kenikew is iring te menge ilu.’ ”

Hoseas 2:8

“Wazè din isipa he iyan a mibeǥey kandin te trigu, binu, lana, wey mahabet he menge pelata wey vulawan he mibeelan dan he ledawan ni Baal.

Hoseas 4:17

Iyan en ingkaapal zan is ked-azap te zuma he menge ed-ezapen. Ne bey-ani en sikandan!

Hoseas 8:4

Mibpilì dan te menge hadì wey menge upisyal he wazè ku pilìa. Mibeelan dan he menge ed-ezapen is menge pelata zan wey menge vulawan. Ne heini he menge ed-ezapen iyan mid-uwit te kezeetan diyà te kandan.

Hoseas 8:5

Inselikwey ku is ed-ezapen he vaka te menge tig-Samaria. Ne neregreg is pauk ku kandan. Keenu zan buwa ebpengungubpaan he lumpiyu?

Hoseas 8:6

Is ed-ezapen he vaka ziyà te Samaria mibeelan dà te platiru ziyà te Israel. Kenà heeyan Megbevayà! Siguradu he edrupeten heeyan.

Numero 32:14

“Ne sikiyu is kevuwazan te menge mekesesalà ne iyan kew en maan ed-ilis te menge kepuun niw, ne ed-umanan niw is kegkepeuki te Nengazen te menge Israilihanen.

1 Samuel 10:1

Migkuwa si Samuel te senge umuy he lana, ne in-itis din te ulu ni Saul. Neipus dutun midhezekan din si Saul ke sikandin te, “Is Nengazen iyan mibpilì kenikew he iyan ebpengulu te keet-etawan he gaked din.