Hoseas 13:15 - Manobo Western Bukidnon OT

¹⁵ Minsan edhuna kew he meuswaǥen kenà te menge kezuzumahi niw, edezeetan ku sikiyu. Ibpaaǥi ku is meinit he keramag he ebpuun diyà te disirtu he zapit te edsilaan ne egkengemezahan is menge serebseb wey menge kalut niw. Ne ed-eǥawen is mahalen he menge azen niw.

Hoseas 13:15 교차 참조

Genesis 41:23

Ne zutun midlepew zaan is pitu he pungu he mid-ukap dà he nezeetan te keramag he ziyà ebpuun te edsilaan.

Genesis 41:52

Ne haazà is hazi he anak din, migngezanan din ki Efraim su ke sikandin te, “Midhimu te Megbevayà he mebmeuswaǥen a zini te tanà he mezakel is menge kemereǥenan ku.”

Genesis 41:6

Ne huziyan dutun duen mibpenuvù he pitu zaan he pungu he mid-ukap dà he nezeetan te keramag he ziyà ebpuun te edsilaan.

Genesis 48:19

Piru midtavak is amey zin te, “Uya, mama, netuenan ku. Is menge kevuwazan ni Manase egkehimu he egkevantug ded daan he menge etew. Piru egkelewanan sikandin ni Efraim su egkehimu he utew bentuǥan is menge kevuwazan din, ne egkehimu sikandan he mezakel he menge grupu te menge etew.”

Genesis 49:22

“Sikew Jose, iring ka te meseǥila he asnu he ziyà te kilid te serebseb etawa ziyà te kelendiǥan.

Job 18:16

Egkeiring sikandin te kayu he egkeǥangu is menge zalid wey menge subpang din.

Salmo 1:4

Piru kenà mulà iring kayi is lalung he menge etew, kekenà, iring sikandan te ukap he idlayap te keramag su wazè dan pulus.

Salmo 109:13

Berakat he mebpematey is menge kevuwazan din, su para melipati en sikandan te ebpekesunud he lapis te kevuwazan.

Isaias 14:21

“Endama is lugar he zutun edhimetayi is menge anak din tenged te menge salà te menge kepuun dan! Kenè en sikandan dait he ed-angken te menge tanà etawa ebangun te zezekelà he menge inged diyà te tivuuk he kelibutan.”

Isaias 17:13

Iyan, minsan meǥurub sikandan iring te zezekelà he menge vaǥel, ebpemelaǥuy sikandan emun edewayen dan te Megbevayà. Egkeiring sikandan te ukap diyà te vuvungan he idlayap te keramag, wey reǥami he idlayap te eribpures.

Isaias 27:8

Impevihag te Nengazen is menge etew zin su iyan silut din kandan. Midsegseg din sikandan pinaaǥi te kegkesuǥata kandan te mevendes he keramag he ebpuun te edsilaan.

Isaias 41:16

Ed-ukapan nu haazà ne idlayap te keramag, ne ibpedsusuwey te eribpures. Piru sikew mulà igkelipey nu is Nengazen; edeliǥen nu is Waǥas he Megbevayà te Israel.

Jeremias 20:5

Ibeǥey ku te menge kuntada is langun he ketiǥeyunan diyà te inged he Jerusalem: is langun he midheǥuan dan, is langun he mahalen he menge azen wey is langun he ketiǥeyunan te menge hadì te Juda. Edleglaǥen dan heini is langun diyà te Babilonia.

Jeremias 4:11

Egkeuma is timpu he zutun egkaǥi is Nengazen diyà te menge etew ziyà te Juda wey Jerusalem te, “Ebpengeramag te utew meinit ebpuun diyà te zemilag he menge vuvungan te disirtu pehendiyà te menge etew ku. Ne kenà heini para te kebpalid dà te trigu zan.

Jeremias 4:12

Utew heini mevendes he keramag he ebpuun kayi te kediey. Guntaan, egkeǥiyen ku ziyà te kandan is idsilut ku.”

Jeremias 51:1

Elin heini migkaǥi te Nengazen bahin te Babilonia: “Ibpesurung ku te ebpendezaat is Babilonia.

Jeremias 51:36

Umbe, migkaǥi is Nengazen te, “Sikiyu is menge etew ziyà te Jerusalem, edlevanan ku sikiyu, wey ibpenimales ku sikiyu. Ebpemezahan ku is menge wahig wey is menge serebseb diyà te Babilonia.

Ezekiel 17:10

Minsan id-uman pa heini ibpemula ziyà te selakew en he lugar kenà gihapun heini edtuvù. Egkepurung heini egkeǥangu emun egkeremaǥen te meinit he keramag he ebpuun te edsilaan.”

Ezekiel 19:12

Piru mibazut heini te egkeepes duen, ne intimbag din diyà te tanà. Ne nengepis is menge veǥas din tenged te meinit he keramag he ebpuun diyà te edsilaan. Neǥangu is melig-en he menge subpang din ne segugunà heini mibinsuli.

Daniel 11:8

Ed-uwiten din diyà te Ehipto sikan is menge ledawan te menge ed-ezapen dan wey is mahalen he menge azen he vulawan wey pelata. Ne seled te egkepipira he tuig, kenè en sikandin ebpekidtebek te hadì diyà te zizaya.

Hoseas 10:1

“Is menge tig-Israel, iring te pinemula he paras he merapung wey mahabet is menge veǥas din. Dutun te ked-uswag dan, mezakel he menge pemuhatà is mibeelan dan, ne mibpekekempet dan is tedeman he menge vatu he ed-ezapen dan.

Hoseas 2:3

Emun kenà sikandin ed-engked ne edluwasan ku sikandin ne egkelevasan iring hein in-anak sikandin. Edhimuwen ku sikandin he iring te sibsivayan etawa disirtu, ne ebpatey sikandin te kegkemezahi.

Hoseas 4:19

Edezeetan sikandan he iring te idlayap te mevandes he keramag, ne egkepeel-elezan sikandan tenged te kebpemuhata zan te zuma he menge ed-ezapen.”

Hoseas 9:11

Menge tig-Israel, is kegkemekeǥeǥehem niw egkaawà iring te tagbis he edlayang. Kenà ebmeǥingey wey ebpekaanak is menge vahi niw.

Jonas 4:8

Ne hein midsilè en is andew ne impepengeramag te Nengazen te meinit he keramag he ebpuun te edsilaan. Ne midluyahan si Jonas tenged te keinit te andew. Ne egkesuat en sikandin he ebpatey, ne ke sikandin te, “Meupiya pa ke ebpatey ad kenà te uuyag a.”

Nahum 2:9

Pemineg kew is menge nenurung diyà te Nineve. Penguwaa niw is menge pelata wey vulawan kayi he inged su nepenù heini te ketiǥeyunan.

Deuteronomio 33:17

Is desen din meiring te zesen te kinekekayan he tudu he vaka. Is gehem din meiring te ǥehem te sungey te kelesanen he vaka. Pinaaǥi kayi edèdeetan din is menge nasyun minsan is diyà te kinemeziyuan he vahin kayi te kelibutan. Iyan heini penuvadtuvad ku te mahabet he menge etew he egkeǥepak diyà te ki Efraim wey ki Manase.”