Hoseas 13:14 - Manobo Western Bukidnon OT

¹⁴ Edlibriyen ku ve sikiyu te kemetayen? Kenà! Egkeǥiyan ku pa ganì is kemetayen te, ‘He kemetayen, pekevisa ke en. Ne dezeeti nu en sikandan. Kenè ku sikiyu egkehizuwan.’

Hoseas 13:14 교차 참조

Job 33:24

egkehizuwan sikandin te Megbevayà. Egkaǥi is Megbevayà te, ‘Libriya sikandin te kemetayen. Su nekaahà a te idlekat kandin.’

Job 41:22

Nepenù te zesen is lieg din, ne utew egkahandek is ebpekaahà kandin.

Salmo 16:10

su kenà a kenikew ebpesegdanen he mekehendiyà a te lugar te menge minatey. Kenè nu idtuǥut he meredak is lawa te metinumanen he suluǥuen nu.

Salmo 30:3

Midlibri a kenikew te kemetayen. Wazà nu ituǥut he mepatey a.

Salmo 49:15

Piru siak mulà, edlibriyen a te Megbevayà te ǥehem te kemetayen, su egkuwaan e zin.

Salmo 49:16

Kenè ka mesina ke edsepian is duma, wey emun egkeumanan pa is ketiǥeyunan te pemilya zan.

Salmo 71:20

Minsan ibpesaǥad a kenikew te mahabet he menge elentusen, ne ebeǥayan a ǥihapun kenikew te veǥu he untung; egkeiring a te minatey he ebenhawen nu zed.

Salmo 86:13

Su utew a kenikew mibmahal; midlibri a kenikew te kemetayen.

Isaias 25:8

Id-awà te Nengazen he MEGBEVAYÀ is gehem te kemetayen ne ebpunasen din is luhà te langun he menge etew. Id-awè din is keelezan te menge etew zin puun te tivuuk he kelibutan. Egkehitavù heini su iyan migkaǥi kayi is Nengazen

Isaias 26:19

Piru egkevanhew is menge etew nu he nemematey. Ed-enew sikandan is egkanta tenged te kelipey iring te zehemug emun meselem he ebpekeveǥey te keǥenew te tanà, sikew Nengazen ebenhawen nu is menge minatey.”

Jeremias 15:6

Inselikwey a keniyu; layun a keniyu ed-iniyuǥi. Umbe egemiten ku is gehem ku te kedezaat keniyu. Neperahan ad he ebpaahà te hizu ku keniyu.

Jeremias 20:16

Deyzey ke heeyan he etew egkeiring te menge inged he midezeetan te Nengazen he wazè din mehizuwi is menge meǥinged duen. Berakat he mezineg din seled te tivuuk he andew is erang wey kulehian dutun te timpu te tebek.

Jeremias 31:35

Mid-uman pa megkaǥi is Nengazen te, “Iyan a midsuǥù te andew te kedsilà emun maandew, wey te vulan wey menge vituen emun mezukilem. Ne migkutew ku is daǥat wey medreǥuuk is menge vaǥel. Mekeǥeǥehem he Nengazen is ngazan ku.

Ezekiel 37:9

Migkaǥi is Nengazen kayi te kedì te, “Sikew is etew, keǥiyi nu is keramag he siak, is Nengazen he MEGBEVAYÀ, migkaǥi a te, ‘He keramag, pengeramag kew puun diyà te heepat he ebpuunan, ne hiyupi niw heeyan is menge minatey su wey meuyag sikandan.’ ”

Hoseas 6:2

Egkeiring kiw te minatey he segugunà ed-uyaǥen. Te kenà egkeuǥet ne ibpeenew kiw zin, ne ebpengungubpaan kiw ziyà te etuvangan din.

Hoseas 7:10

Is kegkemepelevawen dan iyan ebpengintutuu he ereg sikandan he edsilutan. Piru minsan pa te kegkehitevua kayi te langun diyà te kandan, wazà gihapun sikandan medlikù wey medangep kayi te kedì te Megbevayè dan.

Malakias 3:6

Migkaǥi pa is Nengazen he Mekeǥeǥehem, “Siak, is Nengazen, kenà a egkahalin. Umbe wazè kew mepuew is menge kevuwazan ni Jacob.

Numero 23:19

Is Megbevayà kenà iring te etew he edtarùtarù; kenà egkahalin is isip din. Duen be nekaǥi zin he ebeelan din he wazè din beeli? Duen be saad din he wazè din tumana?

1 Samuel 15:29

Is Megbevayà utew lavew he ebentuǥen te Israel ne kenà teruen ne kenà daan egkehalin is isip din, su kenè man iring te etew he egkahalinhalin is isip.”