Hoseas 13:10 - Manobo Western Bukidnon OT

^10-11 Mibuyù kew te hadì wey menge upisyal su midsarig kew he iyan sikandan ebpeketavang keniyu. Umbe tenged te kegkepauk ku ne imbeǥey ku sikandan diyà te keniyu, ne tenged te kegkeepes ku in-awè ku sikandan diyà te keniyu. Na, hendei en be is hadì niw wey is menge pengulu ziyà te kada inged he edlibri keniyu?

Hoseas 13:10 교차 참조

1 Hadì 12:20

Ne si Jeroboam mulà, hein netuenan te langun he menge Israilihanen he nekeulì en sikandin, impetawag dan sikandin diyà te ketiǥuman dan, ne midhimu zan sikandin he hadì te tivuuk he Israel. Iyan dà is tribu ni Juda pedayun he nekid-uunungen te menge kevuwazan ni David.

2 Hadì 17:4

Ne hein neuǥet wazè en mebayad si Hoshea te vuhis he iring duen te nehuna he kada tuig is kebayad din, ne mibpetavang sikandin ki Hadì So he hadì te Ehipto. Ne hein netuenan ni Shalmaneser he midluib si Hoshea, midakep din ne mibpirisu zin.

Salmo 10:16

Nengazen, edhadì ka te wazà pidtemanan. Egkengeawà is mezaat he menge nasyun kayi te kelibutan he midlimbag nu.

Salmo 149:2

Medlipey kew is menge tig-Israel; ikelipey niw is midlimbag keniyu. Medlipey kew is menge etew ziyà te Zion tenged te hadì niw.

Salmo 44:4

Iyan ka hadì ku wey Megbevayè ku; iyan ka mibeǥey te kezeeǥan diyà te kenami te menge kevuwazan ni Jacob.

Salmo 74:12

Iyan ka, Megbevayà, hadì dey puun pa zengan, ne kemahabet nu en libriya is menge etew kayi te kelibutan.

Salmo 89:18

Nengazen, Waǥas he Megbevayà te Israel, gaked nu is hadì dey he iyan kelasag dey.

Isaias 33:22

Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.

Isaias 43:15

Iyan a, is Nengazen, he Waǥas he Megbevayè niw, iyan a mibaal te Israel, iyan a hadì niw.

Jeremias 2:28

Hendei en is menge ed-ezapen he mibeelan niw para keniyu? Ipeuvey niw ziyà te keniyu su ed-ahaan ta ke ebpekehimu ve sikandan he edlibri keniyu te kelised niw. Su utew mezakel is menge ed-ezapen niw iring kezakel te menge inged diyà te Juda.

Jeremias 8:19

Pemineǥa is kebpekitavang te menge emurè ku te inged; egkezineg heini kayi te tivuuk he tanà. Ke sikandan te, “Wazè en be ziyà te Jerusalem is Nengazen? Wazè en be kayi is Megbevayà he Hadì te Jerusalem?” Midtavak is Nengazen te, “Maan is midhimu niw he mepauk a pinaaǥi te ked-azap niw te zuma he menge ed-ezapen he wazà menge pulus?”

Penhulùhulù 4:20

Nezekepan dan is hadì dey he mibpilì te Nengazen, he iyan pezem midseriǥan dey he ebpengalang kenami te kedezaat te kuntada zey he menge nasyun.

Hoseas 10:3

Siguradu he ebpekekaǥi sikandan keuzemà: Wazè dey hadì su wazè key medtahud te Nengazen. Piru minsan duen dey pa hadì, wazà gihapun meupiya he egkehimu zin diyà te kenami.

Hoseas 13:4

“Iyan a kes Nengazen he Megbevayè niw he mibpeǥawas keniyu ziyà te Ehipto. Kinahanglan he wazè en duma he egkilelaan niw he Megbevayà wey Menluluwas, kekenà, iyan e zà.

Hoseas 3:4

Su ebpesavut heini he seled te meluǥayad he timpu is kebpengungubpaan te menge etew te Israel he wazè dan hadì, upisyal, pemuhat, tedeman he vatu, wazà ipud he egemiten te kebpenagnà, wey menge ed-ezapen.

Hoseas 7:7

Pudu sikandan neregreg tenged te pauk dan he iring is keinit te evuwan, umbe mibpenhimetayan dan is menge perezumala zan. Pudu nezeeti is menge hadì dan, piru wazà minsan sevaha kandan he mibuyù te tavang kayi te kediey.

Hoseas 8:4

Mibpilì dan te menge hadì wey menge upisyal he wazè ku pilìa. Mibeelan dan he menge ed-ezapen is menge pelata zan wey menge vulawan. Ne heini he menge ed-ezapen iyan mid-uwit te kezeetan diyà te kandan.

Zacarias 14:9

Iyan is Nengazen egkehimu he hadì te tivuuk he kelibutan. Iyan dà sikandin egkilelaan he Megbevayà ne wazè en duma.

1 Samuel 8:7

Midtavak is Nengazen te pengemuyù din, ke sikandin te, “Tumana nu is egkeǥiyen dan kenikew; su kenè ka iyan mid-iniyuǥan dan, kekenà, siak.