Hoseas 12:6 - Manobo Western Bukidnon OT

⁶ “Umbe sikiyu is menge kevuwazan ni Jacob, likù kew en diyà te Megbevayè niw, ne ipeehè niw is kebmahal wey hustu he kukuman. Ne pedayun kew sarig te Megbevayè niw.”

Hoseas 12:6 교차 참조

Genesis 49:18

Ne migkaǥi si Jacob te, “He Nengazen, edteǥad a te kedlibri nu.”

Salmo 123:2

Iring te suluǥuen he edtaǥad te kebeǥayi kandin te egalen din, sikami edtaǥad key zaan te tavang nu kenami, Nengazen he Megbevayè dey, taman te egkehizuwan key en kenikew.

Salmo 27:14

Sarig kew te Nengazen! Mebpekelig-en kew ne kenè kew medarà. Purung kew sarig diyà te Nengazen!

Salmo 37:7

Mebmelinawen ka ziyà te etuvangan te Nengazen ne kenè ka medarà is edtaǥad te ebeelan din. Kenè ka mesemuki emun duen menge etew he ebmeuswaǥen wey edlampus is mezaat he menge pelanu zan.

Exodus 3:15

Migkaǥi zaan is Megbevayà diyà te ki Moises te, “Keǥiyi nu is menge Israilihanen: ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob ne iyan midsuǥù kenikew.’ Kilelaà niw is ngazan ku he Nengazen te wazà pidtemanan.

Erubasa 1:23

Mebpezumazuma kew te kedawey ku keniyu. Guntaan, egkeǥiyen ku keniyu is egkeisip ku; ibpetuenan ku keniyu is egkeǥiyen ku keniyu.

Erubasa 21:3

Lavew pa he igkesuat te Nengazen is ked-ulaula te etew te meupiya wey metazeng kenà is kebpemuhat din te menge ibpemuhat.

Isaias 1:16

Mebpekelumpiyu kew! Engked kew en he ebaal te mezaat diyà te etuvangan ku.

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 31:6

Sikiyu is menge Israilihanen, likù kew en diyà te Nengazen he midsupak niw.

Isaias 40:31

piru sikan is edsarig te Nengazen ebpekeuman ebpekaangken te zesen. Egkeiring sikandan te edlayang he vanug; emun ebpelelaǥuy sikandan ne kenè dan egkeveley, emun edhipanew sikandan kenè dan edluyahan.

Isaias 58:6

Is kelasi te puasa he egkesuatan ku iyan is puasa he egkezumahan te metazeng he ulaula: Engkezi niw is kebpendaagdaag wey kebpepirisu te menge wazà mekesalà, wey libriya niw is menge edèdaaǥen.

Isaias 8:17

Ebperateng a ziyà te Nengazen minsan pà te mid-iniyuǥan din is menge kevuwazan ni Jacob. Edsarig a ziyà te kandin.

Jeremias 22:15

Egkeisip nu ve is egkehimu ka he ventuǥan he hadì emun ebpekepehitindeg ka te turuǥan he sidru? Maan is kenè nu edsunuzen is amey nu? Hustu wey metazeng is menge vaal zin, umbe mid-uswag sikandin wey meupiya is kebpengungubpaan din.

Ezekiel 18:30

“Umbe egkeǥiyan ku sikiyu is menge etew te Israel, te siak, is Nengazen he MEGBEVAYÀ iyan a edhukum te kada sevaha keniyu sumalà te menge vaal niw. Guntaan sendit kew ne iniyuǥi niw is menge salè niw su wey kew kenà mezeeti.

Hoseas 10:12

Migkeǥiyan ku sikiyu te, ‘Ipemelemineg niw is gehinawa niw iring te tanà he mid-eradu. Pemula kew te ketazeng ne ebpekeraǥun kew te kebmahal. Su timpu en heini te kedangep niw kayi te kedì taman te ebpekeuma a ne ibpeseǥazan ku keniyu is kelibriyanan he iring te uzan.’

Hoseas 14:1

Migkaǥi si Hoseas te, “He menge tig-Israel, likù kew ziyà te Nengazen he Megbevayè niw, su nezeetan kew tenged te menge salè niw.

Hoseas 4:1

Sikiyu is menge Israilihanen he meǥinged diyà te tanà he Israel, pemineǥa niw is riklamu te Nengazen keniyu: “Wazè en etew ziyà te tanè niw he metinumanen, ebmahal, wey egkilala kediey,

Joel 2:12

Migkaǥi is Nengazen he timpu en heini te kedlikù niw ziyà te kandin te kedlikù he meheǥet diyà te gehinawa niw, he egkezumahan te kebpuasa wey kedlalew duma is kedsineǥew.

Joel 2:13

Iniyuǥi niw is kelelalung te ked-iniyug he ebpuun diyà te gehinawa niw, ne kenà bà dà ibpaahà pinaaǥi te kebindasa niw te visti niw. Likù kew ziyà te Nengazen he Megbevayè niw, su hihizuwen sikandin wey iipengen. Mepinelenggaan sikandin wey kenà pepeuken. Andam sikandin he edhalin te isip din, ne kenè din en edleusen is kebpaaǥi zin te kezeetan.

Amos 4:13

Is Megbevayà, iyan mibaal te menge vuvungan wey midlimbag te keramag, ne iyan daan sikandin edliwan te meselem te mezukilem. Impahayag din diyà te etew is menge pelanu zin, ne iyan sikandin ebayàbayà te tivuuk he kelibutan. Is ngazan din iyan is Nengazen he Megbevayà he Mekeǥeǥehem.

Amos 5:24

Piru ipeehè niw is hustu he kukuman ne veeli niw is metazeng; kenè niw heini engkezi iring te wahig he kenà ed-engked he edtudà.

Micas 6:8

Midtavak si Micas te, “Mibpenurù kiw en te Nengazen ke hengkey is meupiya. Ne iyan heini egkesuatan din he tumana tew: Ebeelan tew ke hengkey is metazeng, ibpelavi tew is kegkehizu te zuma, wey edsunud kiw te Megbevayè tew duma is kenà kebpelavew.”

Micas 7:7

“Piru siak mulà, edsarig a te Nengazen he Megbevayè ku. Edteǥazan ku sikandin is edlibri kedì. Ne ebpemineǥen din is ked-ampù ku.”

Habakuk 2:3

Isurat nu zà heini zep-a su wazè pa meuma is midtelaan he timpu te kegkeul-ulaha kayi. Ne kenà ebperis is kegkeul-ulaha kayi te kena egkeuǥet. Emun henduen be te malù egkeuǥet ne teǥazi nu, su siguradu he egkehitavù heini he kenà egkeuǥet.

Zefanias 3:8

“ ‘Umbe, sikiyu is menge metinumanen he menge tig-Jerusalem, teǥazi niw zà is kebpeheyaǥa ku te salà te menge nasyun. Su midisisyun ad he edtiǥumen ku is menge etew ziyà te menge nasyun wey menge ginhedian su wey ku ikepeǥezami kandan is utew ku kegkepauk he iring te hapuy he ebpekeepur te tivuuk he kelibutan.

Zacarias 7:9

“Iyan heini migkaǥi ku ziyà te menge etew ku: ‘Iveǥey niw is metazeng he kukuman. Ipeehè niw is keupiya niw wey kebpekedhihizuwè niw.

Zacarias 8:16

Iyan heini ereg he ebeelan niw: Keǥiya niw is tutuu ziyà te kada sevaha keniyu. Iveǥey niw is metazeng he kukuman diyà te menge hukmanan niw he para te keupiyaanan te langun.