Hoseas 12:10 - Manobo Western Bukidnon OT

¹⁰ “Nekidlalag a te menge ebpeneuven ne zuen mahabet he impelewasan ku kandan. Pinaaǥi kandan mibpetizeenan ku sikiyu he egkezeetan kew.

Hoseas 12:10 교차 참조

1 Hadì 13:1

Dutun he timpu midsuǥù te Nengazen is sevaha he suluǥuen din he tig-Juda te kedhendiyà te Betel. Ne kebpekeuma zin diyà, ne edhithitindeg si Jeroboam diyà te pemuhatà su ebpemuhat.

1 Hadì 17:1

Ne zuen sevaha he ebpeneuven te Nengazen he iyan ngazan din si Elias. Meǥinged sikandin diyà te Tishbe, he sakup te Gilead. Migkeǥiyan din si Ahab te, “Kayi te etuvangan te uuyag he Nengazen he Megbevayà te Israel he iyan ed-zapen ku, egkeǥiyen ku kenikew he siguradu wazà dehemug etawa uzan he ebpekeuma seled te egkepipira he tuig emun kenà a egkaǥi he ebpekeuma heini.”

1 Hadì 19:10

Midtavak sikandin te, “Nengazen he Megbevayà he Mekeǥeǥehem, metinumanen a he nenilbi kenikew. Piru inselikwey te menge Israilihanen is paaǥi nu te kebpekid-uyun kandan, midezeetan dan is menge pemuhatà para kenikew, wey mibpenhimetayan dan is menge ebpeneuven nu. Ne sebsevaha ku zà te nesamà, piru edtinguhè dan daan te kedhimatey kedì.”

2 Hadì 17:13

Layun ebpetizeeni te Nengazen is Israel wey Juda pinaaǥi te menge ebpeneuven din wey menge menenagnà he edhenduen: “Engkezi niw en is mezaat he menge vaal niw. Tumana niw is menge suǥù ku wey menge sulunuzen he ziyà te tivuuk he Kesuǥuan he impetuman ku te menge kepuun niw ne imbeǥey ku ziyà te keniyu pinaaǥi te menge suluǥuen ku he mibpenaub ku.”

Nehemias 9:30

Tenged te kebmahala nu kandan mahabet en he menge tuig is midlavey te kebpelavey nu, ne mibpetizeenan sikandan te Mulin-ulin nu pinaaǥi te menge ebpeneuven nu. Piru wazà sikandan mebpemineg, umbe imbeǥey nu sikandan diyà te menge etew he nekeelingkus kandan.

Exodus 20:2

“Iyan a Nengazen he Megbevayè niw, iyan a mibpeǥawas keniyu ziyà te Ehipto he zutun kew uripena.

Jeremias 19:1

Migkaǥi is Nengazen kayi te kedì te, “Pemasa ka te umuy ziyà te mendiziyun. Ne zumaha nu is menge edumala te menge etew wey menge edumala te menge memumuhat,

Jeremias 19:10

Ne migkaǥi is Nengazen kayi te kedì te, “Rupeta nu is umuy ziyà te etuvangan te menge etew he eduma kenikew.

Jeremias 25:4

Ne minsan layun edsuǥù is Nengazen te menge suluǥuen din he menge ebpeneuven diyà te keniyu, wazè kew ǥihapun medseǥipà wey mebpemineg.

Jeremias 7:25

Puun pa te ked-awà te menge kepuun niw ziyà te Ehipto ne taman en guntaan edsigudu ad edsuǥù diyà te keniyu te menge suluǥuen ku he ebpeneuven ku.

Ezekiel 17:2

“Sikew is etew, keǥiya nu heini is sempità diyà te menge etew te Israel,

Ezekiel 20:49

Ne migkaǥi a te, “He Nengazen he MEGBEVAYÀ, egkaǥi is menge etew te sempitè dà is ebpengeǥiyen ku.”

Hoseas 13:4

“Iyan a kes Nengazen he Megbevayè niw he mibpeǥawas keniyu ziyà te Ehipto. Kinahanglan he wazè en duma he egkilelaan niw he Megbevayà wey Menluluwas, kekenà, iyan e zà.

Hoseas 3:1

Migkaǥi is Nengazen kayi te kedì te, “Iuman nu ipaahà is kebmahala nu te esawa nu minsan pa te nengumpadi sikandin. Mahala nu sikandin iring te kebmahala ku te menge etew te Israel minsan pa mid-azap sikandan te zuma he menge ed-ezapen pinaaǥi te kebpemuhat te menge supas he zuen duen menge pasas.”

Joel 2:28

“Diyà te huziyan he timpu ibeǥey ku is Mulin-ulin ku ziyà te langun he kelasi te etew. Is menge anak niw he maama wey vahi ebpenudtulen dan is menge lalag ku. Is meǥurang keniyu he menge maama ibpeteǥeinep ku. Is menguhed keniyu he menge maama duen menge ibpelewasan ku kandan.

Amos 7:14

Midtavak ni Amos si Amazia te, “Kenà a zengan ebpeneuven wey kenà a sumusunud te ebpeneuven, kekenà, perevantey a te menge kerehidu wey tig-elima te menge kayu he sikemur.

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.